ସିନାପାଲି : ଜଗନ୍ନାଥ ଛକ ଦୁର୍ଗାପୂଜା କମିଟିର ମାଟି ଅନୁକୂଳ।

ନୂଆପଡ଼ା -୨/୯ (ସୁରେନ୍ଦ୍ର ତିୱାରୀ ) ଆଗକୁ ମାଁ ଦୁର୍ଗାଙ୍କ ଶାରଦୀୟ ପୂଜା ପାର୍ବଣ ଋତୁ। ପୂଜା ମଣ୍ତପ ମାନଙ୍କରେ ବିରାଜିବେ ଜଗତଜନନୀ ମାଁ ଦୁର୍ଗା । ଏଥି ପାଇଁ ଚାଳଚଞ୍ଚଳ ହେଲାଣି ସମସ୍ତ ପୂଜା କମିଟି । ସିନାପାଲି ଜଗନ୍ନାଥ ଛକ ଦୁର୍ଗାପୂଜା କମିଟି ତରଫରୁ ଚଳିତ ବର୍ଷର ଦୁର୍ଗାପୂଜାର ମୃଣ୍ମୟୀ ମୂର୍ତ୍ତି ତିଆରି ପାଇଁ ମାଟି ଅନୁକୂଳ କରାଯାଇଛି । ଏଠିକାର ପରମ୍ପରା ଅନୁଯାୟୀ ସ୍ଥାନୀୟ କୁମ୍ଭାର ପଡ଼ାର ବିଧି ଅନୁସାରେ ମାଟିପୂଜା କରିବା ପରେ ଅଭିମନ୍ତ୍ରିତ୍ ମାଟିକୁ ଧରି ପାରମ୍ପରିକ ବାଜା ସହ ଏକ ଶୋଭାଯାତ୍ରା ମାଧ୍ଯମରେ ନଗର ପରିକ୍ରମା କରାଯାଇଥିଲା । ଏହି ସମୟରେ ସ୍ଥାନୀୟ ଦୁର୍ଗା ମନ୍ଦିର, ଗ୍ରାମଦେବୀ ମନ୍ଦିରରେ ପୂଜା ଅର୍ଚ୍ଚନା କରାଯାଇ ପରେ ଅଭିମନ୍ତ୍ରିତ୍ ମାଟିକୁ ଜଗନ୍ନାଥ ଛକ ପୂଜାମଣ୍ତପ ରେ ସ୍ଥାପନ କରାଯାଇଥିଲା । ଆଜିର ଶୋଭାଯାତ୍ରାରେ କର୍ତ୍ତା ଦମ୍ପତ୍ତି ଉଗ୍ରେସନ ମେହେର ଓ ରୁକ୍ମିଣୀ ମେହେରଙ୍କ ସହ ପୂଜକ ଭାବରେ ବସନ୍ତ ପତି ଉପସ୍ଥିତ ଥିଲେ । ଚଳିତବର୍ଷ ଏହି କମିଟି ୪୮ ତମ ପାର୍ବଣ ଉତ୍ସବ ପାଳନ କରିବାକୁ ଯାଉଥିବା ବେଳେ ଏଥର ସଭାପତି ଭାବରେ ଈଶ୍ୱର ପ୍ରସାଦ ମେହେର, ଉପସଭାପତି ରାମକୃଷ୍ଣ ମେହେର, ସଂପାଦକ ଜିତେନ୍ଦ୍ର ମେହେର, ସହ ସଂପାଦକ ଭୀଷ୍ମରାଜ ମେହେର ଓ ବେଣୁଧର ମେହେର ଏବଂ କୋଷାଧ୍ଯକ୍ଷ ଭାବରେ ମହେନ୍ଦ୍ର ମେହେର ରହିଛନ୍ତି । ଆଜିର ମାଟି ଅନୁକୂଳ କାର୍ଯ୍ଯକ୍ରମରେ ମହିଳା ଶ୍ରଦ୍ଧାଳୁଙ୍କ ସହ ଦୁର୍ଗାପୂଜା କମିଟିର ସମସ୍ତ ସଦସ୍ଯ ଓ ଉପଦେଷ୍ଟା ସାମିଲ ଥିଲେ ।