ଭାରତୀୟ ନିର୍ବାଚନ ଆୟୋଗ

ନୂଆପଡ଼ା – ୨୬/୬ (ପ୍ରେସ ବିଜ୍ଞପ୍ତି) ୩୪୫ଟି ପଞ୍ଜୀକୃତ ଅଣସ୍ୱୀକୃତିପ୍ରାପ୍ତ ରାଜନୈତିକ ଦଳ (RUPP) କୁ ତାଲିକାରୁ ବାହାର କରିବା ପାଇଁ ଭାରତ ନିର୍ବାଚନ ଆୟୋଗ ପ୍ରକ୍ରିୟା ଆରମ୍ଭ କରିଛନ୍ତି l ମୁଖ୍ୟ ନିର୍ବାଚନ କମିଶନର ଶ୍ରୀ ଜ୍ଞାନେଶ କୁମାରଙ୍କ ଅଧ୍ୟକ୍ଷତାରେ ନିର୍ବାଚନ କମିଶନର ଡକ୍ଟର ସୁଖବୀର ସିଂହ ସାନ୍ଧୁ ଏବଂ ଡକ୍ଟର ବିବେକ ଯୋଶୀଙ୍କ ସହ ଭାରତ ନିର୍ବାଚନ ଆୟୋଗ (ECI) ୩୪୫ଟି ପଞ୍ଜୀକୃତ ଅଣସ୍ୱୀକୃତିପ୍ରାପ୍ତ ରାଜନୈତିକ ଦଳ (RUPP) ଙ୍କୁ ତାଲିକାରୁ ବାହାର କରିବା ପାଇଁ ପ୍ରକ୍ରିୟା ଆରମ୍ଭ କରିଛନ୍ତି । ଏହି ଦଳ ଗୁଡ଼ିକ ୨୦୧୯ ପରଠାରୁ, ଗତ ଛଅ ବର୍ଷ ଧରି ଗୋଟିଏ ବି ନିର୍ବାଚନ ଲଢ଼ିବାର ଜରୁରୀ ସର୍ତ୍ତ ପୂରଣ କରିବାରେ ବିଫଳ ହୋଇଛନ୍ତି ଏବଂ ସେମାନଙ୍କ କାର୍ଯ୍ୟାଳୟ କୌଣସି ସ୍ଥାନରେ ଅବସ୍ଥିତ ମଧ୍ୟ କରାଯାଇପାରି ନାହିଁ। ଏହି ୩୪୫ ଟି RUPP ଦେଶର ବିଭିନ୍ନ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରୁ ପଞ୍ଜୀକୃତ ହୋଇଛନ୍ତି । ଏହା ଦୃଷ୍ଟିକୁ ଆସିଛି ଯେ ବର୍ତ୍ତମାନ ନିର୍ବାଚନ ଆୟୋଗଙ୍କ ସହ ପଞ୍ଜୀକୃତ 2,800 ରୁ ଅଧିକ RUPP ମଧ୍ୟରୁ ଅନେକ RUPP ଭାବରେ ପଦବୀ ଜାରି ରଖିବା ପାଇଁ ଆବଶ୍ୟକୀୟ ସର୍ତ୍ତାବଳୀ ପୂରଣ କରିବାରେ ବିଫଳ ହୋଇଛନ୍ତି। ତେଣୁ, ନିର୍ବାଚନ ଆୟୋଗ ଦ୍ୱାରା ଏପରି RUPP ଚିହ୍ନଟ କରିବା ପାଇଁ ଏକ ଦେଶବ୍ୟାପୀ କାର୍ଯ୍ୟ ଯୋଜନା କରାଯାଇଥିଲା ଏବଂ ଏପର୍ଯ୍ୟନ୍ତ ୩୪୫ ଟି RUPP ଚିହ୍ନଟ କରାଯାଇଛି। କୌଣସି ଦଳକୁ ଅଯଥା ତାଲିକାରୁ ବାହାର ନକରିବା ପାଇଁ, ସମ୍ପୃକ୍ତ ରାଜ୍ୟ/କେନ୍ଦ୍ରଶାସିତ ପ୍ରଦେଶର ମୁଖ୍ୟ ନିର୍ବାଚନ ଅଧିକାରୀଙ୍କୁ ଏପରି RUPP ମାନଙ୍କୁ କାରଣ ଦର୍ଶାଅ ନୋଟିସ୍ ଜାରି କରିବାକୁ ନିର୍ଦ୍ଦେଶ ଦିଆଯାଇଛି, ଯାହା ପରେ, ସମ୍ପୃକ୍ତ ମୁଖ୍ୟ ନିର୍ବାଚନ ଅଧିକାରୀ ଦ୍ୱାରା ଶୁଣାଣି ମାଧ୍ୟମରେ ଏହି ଦଳଗୁଡ଼ିକୁ ସୁଯୋଗ ଦିଆଯିବ। ଯେକୌଣସି RUPP କୁ ବାହାର କରିବା ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ଭାରତୀୟ ନିର୍ବାଚନ ଆୟୋଗ ନେବେ। ଦେଶର ରାଜନୈତିକ ଦଳଗୁଡ଼ିକ (ଜାତୀୟ/ରାଜ୍ୟ/RUPP) ଲୋକ ପ୍ରତିନିଧିତ୍ୱ ଆଇନ ୧୯୫୧ର ଧାରା ୨୯A ର ବ୍ୟବସ୍ଥା ଅନୁଯାୟୀ ନିର୍ବାଚନ ଆୟୋଗ ସହ ପଞ୍ଜୀକୃତ ହୁଅନ୍ତି। ଏହି ବ୍ୟବସ୍ଥା ଅନୁଯାୟୀ, କୌଣସି ସଂଘ ଥରେ ରାଜନୈତିକ ଦଳ ଭାବରେ ପଞ୍ଜୀକୃତ ହେବାପରେ, ସେମାନଙ୍କୁ ଟ୍ୟାକ୍ସ ଛାଡ଼ ଭଳି କିଛି ସୁବିଧା ମିଳିଥାଏ । ଏହି କାର୍ଯ୍ୟ ଯୋଜନା, ରାଜନୈତିକ ବ୍ୟବସ୍ଥାକୁ ସଫା କରିବା ଏବଂ ୨୦୧୯ ପରଠାରୁ ଲୋକସଭା କିମ୍ବା ରାଜ୍ୟ/କେନ୍ଦ୍ରଶାସିତ ପ୍ରଦେଶର ବିଧାନସଭା କିମ୍ବା ଉପ-ନିର୍ବାଚନ ପାଇଁ କୌଣସି ନିର୍ବାଚନ ଲଢ଼ି ନଥିବା ଏବଂ ଭୌଗୋଳିକ ଭାବରେ ଚିହ୍ନଟ କରାଯାଇପାରି ନଥିବା ଦଳ ମାନଙ୍କୁ ତାଲିକାରୁ ବାହାର କରିବା ଲକ୍ଷ୍ୟରେ କରାଯାଇଛି। ଏହି ଯୋଜନାର ପ୍ରଥମ ପର୍ଯ୍ୟାୟରେ ୩୪୫ ଟି RUPP ଚିହ୍ନଟ କରାଯାଇଛି ଏବଂ ଏହା ରାଜନୈତିକ ବ୍ୟବସ୍ଥାକୁ ସଫା କରିବା ଉଦ୍ଦେଶ୍ୟରେ ଜାରି ରଖାଯିବ।