ଭାରତ ନିର୍ବାଚନ ଆୟୋଗ ପ୍ରେସ୍ ବିଜ୍ଞପ୍ତି     

ଭାରତ ନିର୍ବାଚନ ଆୟୋଗ ପ୍ରେସ୍ ବିଜ୍ଞପ୍ତି                           ନୂଆପଡ଼ା -୭/୭ ବିହାରରେ ଏସ.ଆଇ.ଆର ସୁଗମ ଭାବେ ଅଗ୍ରଗତି କରୁଛି l୨.୮୮ କୋଟି (୩୬.୪୭%) ଗଣନା ଫର୍ମ ସଂଗ୍ରହ ହୋଇଛି l ଇ.ସି.ଆଇ.ନେଟ ରେ ୧୧.୨୬% ଅପଲୋଡ୍ ହୋଇଛି l ଗତ ୨୪ ଘଣ୍ଟା ମଧ୍ୟରେ ୧.୧୮ କୋଟି ଫର୍ମ ସଂଗ୍ରହ  କରାଯାଇଛି l ବିହାରରେ ସ୍ୱତନ୍ତ୍ର ସଘନ ସଂଶୋଧନ ଭାରତ ନିର୍ବାଚନ ଆୟୋଗଙ୍କ ୨୪.୦୬.୨୦୨୫ ତାରିଖର ନିର୍ଦ୍ଦେଶ ଅନୁଯାୟୀ କାର୍ଯ୍ୟକାରୀ ହେଉଛି। ନିର୍ଦ୍ଦେଶ ଅନୁଯାୟୀ, ୧ ଅଗଷ୍ଟ ୨୦୨୫ ରେ ଜାରି ହେବାକୁ ଥିବା ଚିଠା ଭୋଟର ତାଲିକାରେ ସେହି ବ୍ୟକ୍ତିଙ୍କ ନାମ ରହିବ ଯେଉଁମାନଙ୍କର ଗଣନା ଫର୍ମ ଗ୍ରହଣ କରାଯାଇଛି। ଭୋଟରଙ୍କ ସକ୍ରିୟ ସହଯୋଗରେ ଏହି କାର୍ଯ୍ୟ ସୁଗମ ଭାବେ ଅଗ୍ରଗତି କରୁଛି। ଆଜି ସନ୍ଧ୍ୟା ୬ଟା ସୁଦ୍ଧା, ୨,୮୭,୯୮,୪୬୦ ଗଣନା ଫର୍ମ ଅର୍ଥାତ୍ ୨୪ ଜୁନ୍, ୨୦୨୫ ଯାଏ ପଞ୍ଜୀକୃତ ବିହାରର ମୋଟ ୭,୮୯,୬୯,୮୪୪ (ପ୍ରାୟ ୭.୯୦ କୋଟି) ଭୋଟରଙ୍କ ମଧ୍ୟରୁ ୩୬.୪୭ ପ୍ରତିଶତ ଗ୍ରହଣ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ଅର୍ଥାତ୍ ଗତକାଲି ସନ୍ଧ୍ୟା ୬ଟାରୁ ୧,୧୮,୪୯,୨୫୨ ଗଣନା ଫର୍ମ ସଂଗ୍ରହ କରାଯାଇଛି। ଫର୍ମ ଦାଖଲ କରିବାର ଶେଷ ତାରିଖ ପାଇଁ ଆଉ ୧୮ ଦିନ ବାକି ଅଛି।
ଆଜି ସନ୍ଧ୍ୟା ୬ଟା ସୁଦ୍ଧା ପ୍ରାୟ ୭.୯୦ କୋଟି ଭୋଟରଙ୍କ ମଧ୍ୟରୁ ୧୧.୨୬ ପ୍ରତିଶତ ଫର୍ମ ଏକକାଳୀନ ଅପଲୋଡ୍ ମଧ୍ୟ କରାଯାଉଛି। ଆଂଶିକ ପୂରଣ ହୋଇଥିବା ଫର୍ମଗୁଡ଼ିକ ନିର୍ବାଚନ ଆୟୋଗ ପୋର୍ଟାଲ୍ (https:// voters.eci.gov.in) ଏବଂ ଇ.ସି.ଆଇ.ନେଟ ଆପ୍‌ ରେ ଡାଉନଲୋଡ୍ ପାଇଁ ଉପଲବ୍ଧ l ପୂରଣ ହୋଇଥିବା ଫର୍ମଗୁଡ଼ିକୁ ଭୋଟର ନିଜେ ଇ.ସି.ଆଇ.ନେଟ ଆପ୍‌ ରେ ଅପଲୋଡ୍ ମଧ୍ୟ କରିପାରିବେ। ୭୭,୮୯୫ ଜଣ ବି.ଏଲ.ଓ ଘର ରୁ ଘର ବୁଲି ଭୋଟରମାନଙ୍କୁ ଗଣନା ଫର୍ମ ପୂରଣ କରିବାରେ ଏବଂ ସେଗୁଡ଼ିକୁ ସଂଗ୍ରହ କରିବାରେ ସାହାଯ୍ୟ କରୁଛନ୍ତି। ଏହା ବ୍ୟତୀତ, ପ୍ରକ୍ରିୟାକୁ ସୁଗମ ଏବଂ ସମୟସୀମା ମଧ୍ୟରେ ସମାପ୍ତ କରିବା ପାଇଁ ୨୦,୬୦୩ ଜଣ ଅତିରିକ୍ତ ବି.ଏଲ.ଓ ମାନଙ୍କୁ ନିଯୁକ୍ତ କରାଯାଉଛି। ଏସ.ଆଇ. ଆର ପ୍ରକ୍ରିୟାରେ ବୟସ୍କ, ଦିବ୍ୟାଙ୍ଗ, ଅସୁସ୍ଥ ଏବଂ ଦୁର୍ବଳ ଜନସଂଖ୍ୟାକୁ ସୁବିଧା ଯୋଗାଇବା ପାଇଁ ପ୍ରାୟ ୪ ଲକ୍ଷ ସ୍ୱେଚ୍ଛାସେବକ ମଧ୍ୟ କ୍ଷେତ୍ରରେ କାର୍ଯ୍ୟ କରୁଛନ୍ତି। ଏହା ବ୍ୟତୀତ, ସମସ୍ତ ୨୪୩ ନିର୍ବାଚନ ମଣ୍ଡଳୀର ଇ.ଆର.ଓ, ୯୬୩ ଜଣ ଏ.ଇ. ଆର. ଓ, ୩୮ ଜଣ ଡି.ଇ.ଓ ଏବଂ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ ଭୂମି ସ୍ତରରେ ଭୋଟରମାନଙ୍କୁ ଫର୍ମ ଦାଖଲ କରିବାରେ ସାହାଯ୍ୟ କରୁଛନ୍ତି।ବିଭିନ୍ନ ରାଜନୈତିକ ଦଳ ଦ୍ୱାରା ନିଯୁକ୍ତ ୧,୫୪,୯୭୭ ବୁଥ ସ୍ତରୀୟ ପ୍ରତିନିଧି ମଧ୍ୟ ଏସ.ଆଇ.ଆର ପ୍ରକ୍ରିୟାରେ ସକ୍ରିୟ ସମର୍ଥନ ପ୍ରଦାନ କରୁଛନ୍ତି।