ମାନବତା ବଞ୍ଚାଅ ଅଭିଯାନ ପକ୍ଷ ରୁ ଅତିରିକ୍ତ ଜିଲ୍ଲାପାଳ ଙ୍କୁ ଦାବି ପତ୍ର ପ୍ରଦାନ

ମାନବତା ବଞ୍ଚାଅ ଅଭିଯାନ ପକ୍ଷ ରୁ ଅତିରିକ୍ତ ଜିଲ୍ଲାପାଳ ଙ୍କୁ ଦାବି ପତ୍ର ପ୍ରଦାନ।                                                         ନୂଆପଡ଼ା -୭/୭(ସୁରେନ୍ଦ୍ର ତିୱାରୀ) ରାଜ୍ୟ ରେ ଚାଲିଥିବା ଘୃଣା,ହିଂସା ଓ ଅତ୍ୟାଚାର ର ପ୍ରତିକ୍ରିୟାରେ ପୀଡିତ ବ୍ୟକ୍ତିଙ୍କ ସହିତ ମାନବିକତା ଏକତା ରେ ଦୃଢ଼ ଭାବରେ ଛିଡ଼ା ହୋଇଛି ଏବଂ ଜାତି, ବିରୋଧୀ, ଧର୍ମ ନିରପେକ୍ଷତା ମାନବତା ଏବଂ ଗଣତନ୍ତ୍ର ର ସାମ୍ବିଧାନିକ ମୂଲ୍ୟବୋଧ ଉପରେ ଆକ୍ରମଣ ବିରୁଦ୍ଧ ରେ ସାଧାରଣ ପ୍ରତିବାଦ ସଂଗଠିତ କରି ରାଜ୍ୟ ରେ ଏକ ଅଭିଯାନ ଆନ୍ଦୋଳନ ଆରମ୍ଭ କରିବାକୁ ନିଷ୍ପତ୍ତି ନେଇଛି ମାନବତା ବଞ୍ଚାଅ ଅଭିଯାନ । ଏହି କ୍ରମ ରେ ଆଜି ନୂଆପଡ଼ା ଜିଲ୍ଲା ମୁଖ୍ୟାଳୟ ଠାରେ ଗତ ୨୨ ଜୁନ ୨୦୨୫ ଦିନ ଘଟିଯାଇ ଥିବା ଗଞ୍ଜାମ ଜିଲ୍ଲାର ଧରାକୋଟ ଘଟଣାକୁ ନେଇ ଓଡ଼ିଶା ମାନବତା ବଞ୍ଚାଅ ଅଭିଯାନ ର ଆହ୍ବାନ କ୍ରମେ ମାନ୍ୟବର ରାଜ୍ୟପାଳଙ୍କ ଉଦ୍ଦେଶ୍ୟରେ ନୂଆପଡ଼ା ଜିଲ୍ଲାପାଳ ଙ୍କ ଅନୁପସ୍ଥିତି ରେ ଏ.ଡି.ଏମ ସୁଭାଶ ଚନ୍ଦ୍ର ରଇତ ଙ୍କୁ ୧୦ ଦଫା ଦାବିପତ୍ର ପ୍ରଦାନ କରାଗଲା। ଏ ଅବସର ରେ ରବି ମଙ୍ଗରାଜ, ସରୋଜ କୁମାର ସୁନା, ଅଭିରାମ ଛତ୍ରିଆ, ନରେଶ ନାଏକ , ଶଙ୍କର ସୁନା , ହରି କୁଲଦୀପ ,ଭକ୍ତ ବନ୍ଧୁ ଧରୁଆ ପ୍ରମୁଖ ଉପସ୍ଥିତ ଥିଲେ।