ଖରିଆର ରୋଡ଼ ନଗରପାଳିକା ର ଏକ ଐତିହାସିକ ପଦକ୍ଷେପ, ବିକାଶ ଦିଗରେ ଆଉ ଏକ  ମାଇଲଖୁଣ୍ଟ : ଟେଣ୍ଡର ପ୍ରକ୍ରିୟା ସଫଳତା ପୂର୍ବକ ସମ୍ପନ୍ନ।

ନୂଆପଡ଼ା -୨/୩- ଖରିଆର ରୋଡ଼ ନଗରପାଳିକା ଦ୍ୱାରା ପ୍ରସ୍ତାବିତ ଟର୍ଫ କ୍ରିକେଟ୍ ଗ୍ରାଉଣ୍ଡ ଏବଂ ସ୍ୱିମିଂ ପୁଲ୍ ନିର୍ମାଣ କାର୍ଯ୍ୟର ଟେଣ୍ଡର ପ୍ରକ୍ରିୟା ନଗରପାଳିକା ଅଧ୍ୟକ୍ଷା ଡଃ ସୋନିଆ ଜୈନଙ୍କ ଅଧ୍ୟକ୍ଷତାରେ ସଫଳତାପୂର୍ବକ ସମ୍ପନ୍ନ ହୋଇଛି। ସମ୍ପୂର୍ଣ୍ଣ ସ୍ୱଚ୍ଛତା ଏବଂ ସରକାରୀ ନିୟମାବଳୀର ପାଳନ କରି ଲଟେରୀ ପ୍ରକ୍ରିୟା ମାଧ୍ୟମରେ ଏହି ଗୁରୁତ୍ୱପୂର୍ଣ୍ଣ ପର୍ଯ୍ୟାୟ ସମ୍ପନ୍ନ କରାଯାଇଛି।
ଏବେ ଖୁବ୍ ଶୀଘ୍ର ଆମ ନଗରରେ ଆଧୁନିକ ସୁବିଧାଯୁକ୍ତ ଟର୍ଫ କ୍ରିକେଟ୍ ଗ୍ରାଉଣ୍ଡ ଏବଂ ଅତ୍ୟାଧୁନିକ ସ୍ୱିମିଂ ପୁଲ୍ ନିର୍ମାଣ କାର୍ଯ୍ୟ ଆରମ୍ଭ ହେବାକୁ ଯାଉଛି। ଗୌରବର ବିଷୟ ଏହା ଯେ ସମଗ୍ର ଓଡ଼ିଶାରେ ଏହା ପ୍ରଥମ ଏନଏସି ଯେଉଁଠାରେ ଏଭଳି ବିକାଶ କାର୍ଯ୍ୟ ଆରମ୍ଭ ହେବାକୁ ଯାଉଛି ବୋଲି ଅଧ୍ୟକ୍ଷା ଡ଼ଃ ଜୈନ ପ୍ରକାଶ କରିଛନ୍ତି।
ଏହି ପରିଯୋଜନା ଯୁବକମାନଙ୍କୁ ଖେଳର ଉତ୍ତମ ସୁଯୋଗ ପ୍ରଦାନ କରିବ, ପ୍ରତିଭା ର ଦକ୍ଷତା ବୃଦ୍ଧି କରିବାକୁ ମଞ୍ଚ ଦେବ ଏବଂ ନଗରର ସାମଗ୍ରିକ ବିକାଶରେ ଏକ ମାଇଲଖୁଣ୍ଟ ସାବ୍ୟସ୍ତ ହେବ। ଖରିଆର ରୋଡ଼ର ଉଜ୍ଜ୍ୱଳ ଭବିଷ୍ୟତ ଆଡ଼କୁ ଆଉ ଏକ ଦୃଢ଼ ପଦକ୍ଷେପ ।