ସିନାପାଲି ଥାନା: ବିଦ୍ୟୁତ ସ୍ପର୍ଶ ରେ ଆସି ନାବାଳକ ଶ୍ରମିକର ର ମୃତ୍ୟୁ, କ୍ଷତି ପୂରଣ ଦାବୀ

ନୂଆପଡ଼ା -୧/୯ (ସୁରେନ୍ଦ୍ର ତିୱାରୀ) ନୂଆପଡ଼ା ଜିଲ୍ଲା ସିନାପାଲି ଥାନା ପଛପଟ ଶ୍ରଦ୍ଧାଞ୍ଜଳି କିରାନା ଦୋକାନ ରେ କାମ କରୁଥିବା ଜଣେ ନାବାଳକ ଶ୍ରମିକର ବିଦ୍ୟୁତ ଆଘାତରେ ମୃତ୍ୟ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ସୂଚନାନୁଯାଇ ସିନାପାଲି ଥାନା ପଛପଟ ତଥା ଗୋଡାଲ ଗାଁ କୁ ଯିବା ରାସ୍ତାରେ ଶ୍ରଦ୍ଧାଞ୍ଜଳି କିରାନା ଦୋକାନ ରହିଅଛି l ଏହି ଦୋକାନ ରେ ମୃତକ ନାବାଳକ ଶ୍ରମିକ ଦୀର୍ଘ ଛଅ ସାତ ମାସ ହେବ ଦୋକାନ ରେ କାମ କରିବା ସହିତ ମାଲିକ ଙ୍କ ଅନ୍ୟାନ୍ୟ ଘର କାମ ରେ ମଧ୍ୟ ନିୟୋଜିତ ହେଉଥିଲେ l ସବୁ ଦିନ ଭଳି ଆଜି ମଧ୍ୟ ନାବାଳକ ଶ୍ରମିକ ଦୋକାନ ର କାମ କରିବା ସହ ଘର କାମ କଲା ବେଳେ ଲୁହ ରଡ଼ ନେବା ସମୟରେ ବିଦ୍ୟୁତ ସ୍ପର୍ଶ ଆସି ଯାଇଥିଲେ l ଯାହା ଫଳରେ ନାବାଳକ ଶ୍ରମିକ ବିଦ୍ୟୁତ ସ୍ପର୍ଶରେ ଆସି ଟଳି ପଡ଼ିଥିଲେ ବୋଲି କୁହାଯାଉଛି l ତାଙ୍କୁ ସେଠାରୁ ସିନାପାଲି ଡାକ୍ତରଖାନା ନିଆ ଯାଇଥିଲା ହେଲେ ସେଠାରେ ତାଙ୍କୁ ଡାକ୍ତର ମୃତ୍ୟୁ ଘୋଷଣା କରିଥିଲେ । ମୃତକ ନାବାଳକ ଶ୍ରମିକ ସିନାପାଲି ଥାନା ଅନ୍ତର୍ଗତ ଘଣ୍ଟିଗୁଡା ଗ୍ରାମର ଧନସେ ହରିଜନ ଙ୍କ ପୁଅ କୁବେର ହରିଜନ (୧୭ବର୍ଷ ) ବୋଲି ଜଣା ପଡିଛି l ସୂଚନାନୁସାରେ ଶ୍ରଦ୍ଧାଞ୍ଜଳି କିରାନା ଦୋକାନ ର ମାଲିକ ଅଭିମନ୍ୟୁ ସାହୁ ଜଣେ ପେଶାରେ ଶିକ୍ଷକ ଅଟନ୍ତି । ସେ ସିନାପାଲି ବ୍ଲକ ଅନ୍ତର୍ଗତ ଗୋର୍ଲା ବୈଜଳ ଗଡ଼ ହାଇସ୍କୁଲ ରେ ସହକାରୀ ଶିକ୍ଷକ ଭାବରେ କାର୍ଯ୍ୟ କରୁଛନ୍ତି ଏବଂ ସେ ସିନାପାଲି ରେ ଘର କରି ରହି ଶ୍ରଦ୍ଧାଞ୍ଜଳି କିରାନା ଦୋକାନ ନାମରେ ଏକ ଦୋକାନ କରି ବ୍ୟବସାୟ ମଧ୍ୟ କରନ୍ତି l ଏଠାରେ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ଶ୍ରଦ୍ଧାଞ୍ଜଳି କିରାନା ଦୋକାନ ର ମାଲିକ ଜଣେ ଶିକ୍ଷିତ ତଥା ଶିକ୍ଷକ ହୋଇଥିଲେ ମଧ୍ୟ ଜଣେ ନାବାଳକ ଙ୍କୁ କିପରି ଶ୍ରମିକ ଭାବରେ ନିଜ ଦୋକାନ ତଥା ଘର କାମରେ ନିୟୋଜିତ କରୁଥିଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ ପ୍ରକଟ କରୁଛି l ଏ ଉପରେ ଜିଲ୍ଲା ପ୍ରଶାସନ ତଦନ୍ତ କରିବା ସହ ଦୋଷୀ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି । ଏହା ଛଡ଼ା ମୃତକ ଙ୍କ ପରିବାର ଗରିବ ଶ୍ରେଣୀର ହୋଇଥିବାରୁ ସରକାରଙ୍କ ତରଫରୁ ସାହାଯ୍ୟ ସହଯୋଗ ଯୋଗାଇ ଦେବାକୁ ଦାବୀ ହେଇଛି  ଏ ନେଇ ସିନାପାଲି ଆଇଆଇସି ରଶ୍ମିତା ପ୍ରଧାନ ଙ୍କୁ ପଚାରିବାରୁ କେଶ ନମ୍ୱର -୧୫/ , ୧ ସେପ୍ଟେମ୍ବର ୨୫ ରେ କେଶ କରାଯାଇଛି ଓ ତଦନ୍ତ ଅବ୍ୟାହତ ରହିଛି ବୋଲି କହିଥିଲେ । ଏଠାରେ ପ୍ରଶ୍ନ ଉଠୁଛି ଯେ ସମଗ୍ର ନୂଆପଡ଼ା ଜିଲ୍ଲାର କେତେକ ଗେରେଜ, କିରାନା, କପଡା, ହୋଟେଲ ଦୋକାନ ମାନଙ୍କରେ ନାବାଳକ ମାନେ କାମ କରୁଥିବା ବେଳେ ପ୍ରଶାସନ କାହିଁକି ଅଣଦେଖା କରୁଛି ଓ ଏହା ପ୍ରତି କେବେ କାର୍ଯ୍ୟାନୁଷ୍ଠାନ ନିଆଯିବ ବୋଲି ବୁଦ୍ଧିଜୀବୀ ମହଲରେ ଦାବି ହେଉଛି ।