ଟ୍ରାନ୍ସଫର୍ମର ପୋଡ଼ିଗଲା, ଦଶ ଦିନ ହେଲା ଅନ୍ଧାର ରେ ପଦମପୁର (ଖଇରା) ପଡ଼ା ବାସୀ

ବୋଡେ଼ନ- ୨୫/୭ (ଜଗତରାମ ଦଣ୍ଡସେନା), ନୂଆପଡା ଜିଲ୍ଲାର ବୋଡେ଼ନ ବ୍ଲକ ଅନ୍ତର୍ଗତ ଖଇରା ଗ୍ରାମର ପଦମପୁର ରେ ପ୍ରାୟ କୋଡିଏ ପରିବାର ବସବାସ କରନ୍ତି । ହେଲେ ଆଜକୁ ଦଶ ଦିନହେବ ବିଜୁଳି ନଥିଲା, ତିନିଦିନ ତଳେ ଟାଟା ପାୱାର ଖଡ଼ିଆଳ ରୁ ମେକାନିକ ମାନେ ଆସି କାମଚାଳା ମରାମତି କରି ରାତିରେ ଚାଲିଯାଇଥିଲେ, ହେଲେ ସକାଳେ ଆଉ ବିଜୁଳି ଜଳିଲାନି l ଏଣୁ ଗ୍ରାମବାସୀ ଆଜକୁ ଦଶ ଦିନ ହେବ ଅନ୍ଧାର ରେ କଷ୍ଟେ ମଷ୍ଟେ ଦିନ ବିତାଉଛନ୍ତି l ଟାଟା ପାୱାର କେବଳ ବିଲ ପଇସା ନେଇଜାଣେ, କିନ୍ତୁ ବିଜୁଳି ସେବା ଯୋଗାଉନି l ଏଣୁ ପଡ଼ାର ଚନ୍ଦ୍ରମଣି ଦଣ୍ଡସେନା, ସନ୍ତୋଷ ଦଣ୍ଡସେନା, ରାଜକୁମାର ଯାନୀ, ଲକ୍ଷ୍ମଣ ଦଳ, ଲଳିତ ଅଦା, ନିରଞ୍ଜନ ଦଳ ପ୍ରମୁଖ କ୍ଷୋଭ ପ୍ରକାଶ କରି ଏକ ଟ୍ରାନ୍ସଫର୍ମର ଶୀଘ୍ର ଯୋଗାଇଦେବାକୁ ବିଭାଗୀୟ ଅଧିକାରୀଙ୍କ ଠାରେ ସାଧାରଣରେ ଦାବି କରିଛନ୍ତି। ଏଣୁ ଏହାର ପ୍ରତିକାର ନକଲେ ରାଜରାସ୍ତା କୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।