ଓପିଲିପ ସହାୟତା ଦାବୀ ରେ ଧାରଣା।

ନୂଆପଡ଼ା -୪/୧୧(ସୁରେନ୍ଦ୍ର ତିୱାରୀ) ନୂଆପଡ଼ା ଜିଲ୍ଲା କୋମନା ବ୍ଲକ ଅନ୍ତର୍ଗତ ସୁନାବେଡା ଅଭୟାରଣ୍ୟ ମଧ୍ୟସ୍ଥ ସୁନାବେଡା, ସୋସେଙ୍ଗ ଓ ମିଚ୍ଛାପାଲି ଗ୍ରାମପଞ୍ଚାୟତ ରେ ବସବାସ କରୁଥିବା ଚକୁଟିଆ ଭୁଞ୍ଜିଆ ଆଦିମ ଜନଜାତି ଙ୍କ ସର୍ବାଙ୍ଗୀନ ଉନ୍ନତି କଳ୍ପେ ଏକ ଉନ୍ନୟନ ସଂସ୍ଥା ସ୍ଥାପନ କରାଯାଇଛି। ତେବେ ଗତ ୩୦ ସେପ୍ଟେମ୍ବର ୨୦୨୪ ରୁ କେନ୍ଦ୍ର ଓ ରାଜ୍ୟ ସରକାର ଙ୍କ ଅନୁମୋଦନ ସତ୍ୱେ ଚକୋଟିଆ ଭୁଞ୍ଜିଆ ଉନ୍ନୟନ ସଂସ୍ଥା ରେ ଓଡିଶା ରାଜ୍ୟ ଜନଜାତି ସଶକ୍ତିକରଣ ଓ ଜୀବିକା ଉନ୍ନତିକରଣ କାର୍ଯ୍ୟକ୍ରମ ଆରମ୍ଭ କରାଯାଇ ନ ଥିବାରୁ ଉକ୍ତ ଜନଜାତି ଙ୍କ ଉନ୍ନତିକରଣ ରେ ବାଧା ଉପୁଜିଥିବା ଦର୍ଶାଇ ସମ୍ପୃକ୍ତ ତିନି ପଞ୍ଚାୟତ ର ଶତାଧିକ ଜନଜାତି ମହିଳା ପୁରୁଷ ଯଥାଶୀଘ୍ର ଏହାକୁ ଲାଗୁ କରିବା ଦାବୀ ରେ ସି.ବି.ଡି.ଏ କାର୍ଯ୍ୟାଳୟ ସମ୍ମୁଖରେ ରେ ଧାରଣା ଦେବାସହ ସୁନାବେଡା ଗ୍ରାମ ପରିକ୍ରମା କରି ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ ଏକ ଦାବୀ ପତ୍ର ସଂସ୍ଥା ର ସ୍ୱତନ୍ତ୍ର ଅଧିକାରୀ ବିଜୟାନନ୍ଦ ମଲ୍ଲିକ ଙ୍କ ଜରିଆରେ ପ୍ରଦାନ କରିଥିଲେ। ଶ୍ରୀ ମଲ୍ଲିକ ଦାବିପତ୍ର ଗ୍ରହଣ କରି ଜିଲ୍ଲାପାଳ ଙ୍କ ଜରିଆରେ ରାଜ୍ୟସରକାର ଙ୍କ ପାଖକୁ ପଠେଇ ଦିଆଯିବ ବୋଲି ପ୍ରତିଶୃତି ଦେବାପରେ ଧାରଣା ରୁଉପସ୍ଥିତ ଜନସାଧାରଣ ବିରତ ରହିଥିଲେ।