ଡୁମେରପାଣି ସରକାରୀ ଉଚ୍ଚ ବିଦ୍ୟାଳୟ ରେ ହର ଘର ତ୍ରିରଙ୍ଗା ପଦଯାତ୍ର ଅନୁଷ୍ଠିତ

ନୂଆପଡ଼ା -୧୨/୮(ସୁରେନ୍ଦ୍ର ତିୱାରୀ ) ଆଜି ନୂଆପଡ଼ା ସଦର ବ୍ଳକ ସରକାରୀ ଉଚ୍ଚ ବିଦ୍ୟାଳୟ ଡୁମେରପାଣି ଠାରେ ହର ଘର ତ୍ରିରଙ୍ଗା ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉପରୋକ୍ତ କାର୍ଯ୍ୟକ୍ରମରେ ଅବସର ପ୍ରାପ୍ତ ଇତିହାସ ଅଧ୍ୟାପକ ଡ଼. ଶିବ ପ୍ରସାଦ ବେହେରା ସବୁଜ ପତାକା ଦେଖାଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଗ୍ରାମବାସୀଙ୍କୁ ତ୍ରିରଙ୍ଗା ପତାକା ଦେଇ ଦେଶପ୍ରେମ ଓ କର୍ତ୍ତବ୍ୟ ବାର୍ତ୍ତା ଦେଇ ଉତ୍ସାହିତ କରିଥିଲେ । ପଦଯାତ୍ରା ପରେ ଡ.ଶିବ ପ୍ରସାଦ ବେହେରା ଛାତ୍ରଛାତ୍ରୀଙ୍କୁ ସମ୍ବୋଧିତ କରି ରାଷ୍ଟ୍ର ପ୍ରେମ ସହ ଜାତୀୟ ପତାକା ର ମହତ୍ତ୍ଵ ଉପରେ ଜାଗୃତ କରିଥିଲେ । ତୁମେରପାଣି କ୍ଳଷ୍ଟର ସଂଯୋଜକ ମକରଧ୍ୱଜ ବାରିକ, ବିଦ୍ୟାଳୟ ପରିଚାଳନା କମିଟିର ସଭାପତି ଟିକେଶ୍ଵର ସାହୁ, ସମିତି ସଭ୍ୟ ଚୁରନ ମାଝୀ, ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀମତୀ ପ୍ରତିଭା ଦାସ ଓ ସମସ୍ତ ଶିକ୍ଷକଶିକ୍ଷୟିତ୍ରୀ, ଛାତ୍ରଛାତ୍ରୀ କାର୍ଯ୍ୟକ୍ରମରେ ଅଂଶ ଗ୍ରହଣକରି ତ୍ରିରଙ୍ଗା ପଦଯାତ୍ରା ସଫଳ କରିଥିଲେ।