ଭାରତୀୟ ନିର୍ବାଚନ ଆୟୋଗ : ପ୍ରେସ ବିଜ୍ଞପ୍ତି 

ଭାରତୀୟ ନିର୍ବାଚନ ଆୟୋଗ : ପ୍ରେସ ବିଜ୍ଞପ୍ତି

ନୂଆପଡ଼ା -୬/୭
ବିହାର ଏସ.ଆଇ.ଆରର ପ୍ରାରମ୍ଭିକ ପର୍ଯ୍ୟାୟ ସମାପ୍ତ lଫର୍ମ ମୁଦ୍ରଣ ଏବଂ ବଣ୍ଟନ ପ୍ରାୟ ସମାପ୍ତ l କିଛି ତତ୍ତ୍ଵଙ୍କ ଦ୍ୱାରା ଭୁଲ ସୂଚନାର ପ୍ରସାର ସତ୍ତ୍ୱେ ଏସ.ଆଇ.ଆରରେ କୌଣସି ପରିବର୍ତ୍ତନ କରାଯାଇ ନାହିଁ l ୧.୬୯ କୋଟି (୨୧.୪୬%) ଗଣନା ଫର୍ମ ସଂଗ୍ରହ କରାଯାଇଛି l ଇ.ସି.ଆଇ.ନେଟ ରେ ୭.୨୫% ଅପଲୋଡ୍ ହୋଇଛି l ବିହାରରେ ଭୋଟରଙ୍କ ସକ୍ରିୟ ସହଯୋଗରେ, ସ୍ୱତନ୍ତ୍ର ସଘନ ସଂଶୋଧନ ତୃଣ-ମୂଳ ସ୍ତରରେ ସୁଗମ ଭାବରେ କାର୍ଯ୍ୟକାରୀ ହେଉଛି । ଏସ.ଆଇ.ଆରର ପ୍ରାରମ୍ଭିକ ପର୍ଯ୍ୟାୟ, ଯେଉଁଥିରେ ଗଣନା ଫର୍ମ ମୁଦ୍ରଣ ଏବଂ ବଣ୍ଟନ କରାଯିବାର ଥିଲା, ପ୍ରାୟ ସମ୍ପୂର୍ଣ୍ଣ ହୋଇଛି ଏବଂ ସମସ୍ତ ଭୋଟରଙ୍କ ପାଇଁ ଫର୍ମଗୁଡ଼ିକ ଉପଲବ୍ଧ ମଧ୍ୟ କରାଯାଇଛି। ଏହା ପୁନରାବୃତ୍ତି କରାଯାଉଛି ଯେ ଏସ.ଆଇ.ଆର ୨୪.୦୬.୨୦୨୫ ତାରିଖର ଏସ.ଆଇ.ଆର ନିର୍ଦ୍ଦେଶାବଳୀ ଅନୁସାରେ ପରିଚାଳିତ ହେଉଛି ଏବଂ ନିର୍ଦ୍ଦେଶାବଳୀରେ କୌଣସି ପରିବର୍ତ୍ତନ କରାଯାଇନାହିଁ। ନିର୍ଦ୍ଦେଶାବଳୀ ଅନୁଯାୟୀ, ୧ ଅଗଷ୍ଟ ୨୦୨୫ରେ ଜାରି ହେବାକୁ ଥିବା ଚିଠା ଭୋଟର ତାଲିକାରେ ସେହି ବ୍ୟକ୍ତିଙ୍କ ନାମ ରହିବ ଯେଉଁମାନଙ୍କର ଗଣନା ଫର୍ମ ଗ୍ରହଣ କରାଯାଇଛି।ଭୋଟରମାନେ ୨୫ ଜୁଲାଇ, ୨୦୨୫ ପୂର୍ବରୁ କୌଣସି ସମୟରେ ଦସ୍ତାବେଜ ଦାଖଲ କରିପାରିବେ। ଚିଠା ଭୋଟର ତାଲିକା ପ୍ରକାଶନ ପରେ, ଯଦି କୌଣସି ଦସ୍ତାବେଜରେ ଦରକାର ଥାଏ, ତେବେ ଇ.ଆର.ଓ ମାନେ ଦାବି ଏବଂ ଆପତ୍ତି ଯାଞ୍ଚ ସମୟରେ ତାଲିକାରେ ନାମ ଥିବା ଭୋଟରଙ୍କଠାରୁ ଏପରି ଦସ୍ତାବେଜ ଦାବି କରିପାରିବେ। ଜୁନ୍ ୨୪, ୨୦୨୫ ଯାଏ ପଞ୍ଜୀକୃତ ବିହାରର ମୋଟ ୭,୮୯,୬୯,୮୪୪ (ପ୍ରାୟ ୭.୯୦ କୋଟି) ଭୋଟରଙ୍କ ମଧ୍ୟରୁ ୧,୬୯,୪୯,୨୦୮ ଗଣନା ଫର୍ମ ଅର୍ଥାତ୍ ୨୧.୪୬ ପ୍ରତିଶତ ଗ୍ରହଣ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ଅର୍ଥାତ୍ ଗତକାଲି ସନ୍ଧ୍ୟା ୬ଟାରୁ ୬୫,୩୨,୬୬୩ ଗଣନା ଫର୍ମ ସଂଗ୍ରହ କରାଯାଇଛି। ଫର୍ମ ଦାଖଲ କରିବାର ଶେଷ ତାରିଖ ପାଇଁ ଆଉ ୧୯ ଦିନ ବାକି ଅଛି। ଫର୍ମର ଅପଲୋଡ୍ ମଧ୍ୟ ଏକକାଳୀନ ଭାବେ ଆରମ୍ଭ ହୋଇଛି, ଏପର୍ଯ୍ୟନ୍ତ ୭.୨୫ ପ୍ରତିଶତ ଫର୍ମ ଅପଲୋଡ୍ ହୋଇସାରିଛି। ଆଂଶିକ ପୂରଣ ହୋଇଥିବା ଫର୍ମଗୁଡ଼ିକ ଇ. ସି. ଆଇ ପୋର୍ଟାଲ୍ (https ://voters.eci. gov.in) ଏବଂଇ.ସି.ଆଇ.ନେଟ ଆପରେ ଡାଉନଲୋଡ୍ ପାଇଁ ମଧ୍ୟ ଉପଲବ୍ଧ ଅଛି। ପୂରଣ ହୋଇଥିବା ଫର୍ମଗୁଡ଼ିକୁ ଭୋଟର ନିଜେ ମଧ୍ୟ ଇ.ସି.ଆଇ.ନେଟ ଆପରେ ଅପଲୋଡ୍ କରିପାରିବେ। ୭୭,୮୯୫ ଜଣ ବି.ଏଲ.ଓ ଘର ରୁ ଘର ବୁଲି ଭୋଟରମାନଙ୍କୁ ଗଣନା ଫର୍ମ ପୂରଣ କରିବାରେ ଏବଂ ସେଗୁଡ଼ିକୁ ସଂଗ୍ରହ କରିବାରେ ସାହାଯ୍ୟ କରୁଛନ୍ତି। ବହୁ ସଂଖ୍ୟକ କ୍ଷେତ୍ରରେ, ବି.ଏଲ.ଓ ମାନେ ଭୋଟର ମାନଙ୍କର ତତ୍କାଳୀନ ଫଟୋ ଉଠାଉଛନ୍ତି ଏବଂ ଅପଲୋଡ୍ କରୁଛନ୍ତି, ଯାହା ଫଳରେ ଭୋଟର ମାନଙ୍କୁ ଏହି ପ୍ରକ୍ରିୟାରୁ ମୁକ୍ତ ମିଳୁଛି। ଏହା ବ୍ୟତୀତ, ପ୍ରକ୍ରିୟାକୁ ସୁଗମ ଏବଂ ସମୟସୀମା ମଧ୍ୟରେ ସମାପ୍ତ କରିବା ପାଇଁ ୨୦,୬୦୩ ଜଣ ବିଏଲଓଙ୍କୁ ନିଯୁକ୍ତକରାଯାଉଛି। ପ୍ରାୟ ୪ ଲକ୍ଷ ସ୍ୱେଚ୍ଛାସେବୀ, ଯେଉଁଥିରେ ସରକାରୀ ଅଧିକାରୀ, ଏନ.ସି.ସି କ୍ୟାଡେଟ୍, ଏନ.ଏସ.ଏସ ସଦସ୍ୟ ଇତ୍ୟାଦି ମଧ୍ୟ ଏସ.ଆଇ.ଆର ପ୍ରକ୍ରିୟାରେ ବୃଦ୍ଧ, ଦିବ୍ୟାଙ୍ଗ, ଅସୁସ୍ଥ ଏବଂ ଦୁର୍ବଳ ଜନସଂଖ୍ୟାକୁ ସୁବିଧା ଯୋଗାଇବା ପାଇଁ କ୍ଷେତ୍ରରେ କାର୍ଯ୍ୟ କରୁଛନ୍ତି। ଏହା ବ୍ୟତୀତ, ରାଜ୍ୟର ସମସ୍ତ ୯୬୩ ନିର୍ବାଚନ ମଣ୍ଡଳୀର ଇ.ଆର.ଓ, ୩୮ ଡି.ଇ.ଓ ଏବଂ ମୁଖ୍ୟ ନିର୍ବାଚନ ଅଧିକାରୀ ଭୂମି ସ୍ତରରେ ଭୋଟରମାନଙ୍କୁ ଫର୍ମ ଦାଖଲ କରିବାରେ ସାହାଯ୍ୟ କରୁଛନ୍ତି। ବିଭିନ୍ନ ରାଜନୈତିକ ଦଳ ଦ୍ୱାରା ନିଯୁକ୍ତ ୧,୫୪,୯୭୭ ବୁଥ୍ ସ୍ତରୀୟ ପ୍ରତିନିଧି (ବି.ଏଲ.ଏ) ମଧ୍ୟ ଏସ.ଆଇ.ଆର ପ୍ରକ୍ରିୟାରେ ସକ୍ରିୟ ଭାବେ ସମର୍ଥନ ପ୍ରଦାନ କରୁଛନ୍ତି।