ନୂଆପଡା ବିଧାନସଭା ଉପନିର୍ବାଚନ : ନିର୍ବାଚନୀ ପ୍ରଚାର ପାଇଁ ଆଜି ଆସୁଛନ୍ତି ଦୁଇ ମୁଖ୍ୟମନ୍ତ୍ରୀ

ନୂଆପଡା- ୬/୧୧ (ସୁରେନ୍ଦ୍ର ତିୱାରୀ) ନୂଆପଡା ବିଧାନସଭା ଉପନିର୍ବାଚନ ରେ ଦିନକୁ ଦିନ ରାଜନୈତିକ ବାତାବରଣ ରେ ଉଷ୍ମତା ବଢ଼ି ବଢ଼ି ଚାଲିଲା । ବିଜେପି ନେତା ମନ୍ତ୍ରୀ ବିଧାୟକ ରାଜ୍ୟ ଓ ସ୍ଥାନୀୟ ନେତୃମଣ୍ଡଳୀ ପ୍ରଚାର ମଙ୍ଗ ଧରିଛନ୍ତି ।
ଆଜି ନିର୍ବାଚନୀ ପ୍ରଚାର ପାଇଁ ନୂଆପଡା ଆସୁଛନ୍ତି ଓଡିଶା ର ମୁଖ୍ୟମନ୍ତ୍ରୀ  ମୋହନ ଚରଣ ମାଝୀ ଓ ପଡୋଶୀ ରାଜ୍ୟ ଛତିଶଗଡ଼ ର ମୁଖ୍ୟମନ୍ତ୍ରୀ  ବିଷ୍ଣୁ ଦେବ ସାଏ । ଗତକାଲି ନୂଆପଡା ବିଜେପି କାର୍ଯ୍ୟାଳୟରେ ହୋଇଥିବା ଏକ ସାମ୍ବାଦିକ ସମ୍ମିଳନୀରେ ବିଜେପି ସାଧାରଣ ସମ୍ପାଦକ ବିରଞ୍ଚି ନାରାୟଣ ତ୍ରିପାଠୀ ଦେଇଥିବା ସୁଚନା ମୁତାବକ ଆଜି ପୂର୍ବାହ୍ନ ୧୧ ଟା ସମୟରେ ଛତିଶଗଡ ର ମୁଖ୍ୟମନ୍ତ୍ରୀ  ବିଷ୍ଣୁ ଦେବ ସାଏ ନୂଆପଡା ବ୍ଲକ ଅଧିନସ୍ଥ କୁଟବନବେରା ପଞ୍ଚାୟତ ଅନ୍ତର୍ଗତ ପଞ୍ଚମପୁର ଠାରେ ଏକ ବିଶାଳ ଜନ ସମାବେଶ ରେ ଯୋଗ ଦେଇ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ।
ସେହି ପରି ଓଡିଶା ର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କୋମନା ବ୍ଲକ ଅନ୍ତର୍ଗତ ଉଦ୍ୟାନବନ ଠାରେ ପହଞ୍ଚି କୋମନା ଯିବେ । କୋମନା ବ୍ଲକ ମୁଖ୍ୟାଳୟ ଠାରେ ଏକ ବିଶାଳ ରୋଡ଼ ସୋ କରିବା ପରେ ଏକ ନିର୍ବାଚନୀ ସଭାରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ।ସାମ୍ବାଦିକ ସମ୍ମିଳନୀରେ ବିଜେପି ରାଜ୍ୟ ପ୍ରବକ୍ତା ମାନସ ରଞ୍ଜନ ବକ୍ସି ଉପସ୍ଥିତ ଥିଲେ ।