“ନିରାପଦ ଉତ୍ପାଦ, ଆତ୍ମବିଶ୍ୱାସୀ ଉପଭୋକ୍ତା” : ବିଶ୍ୱ ଉପଭୋକ୍ତା ଅଧିକାର ଦିବସ ପାଳିତ-୨୦୨୬ ।

ନୂଆପଡା -୧୭/୩ – ଜିଲ୍ଲା ସଦର ମହକୁମା ର ଅଗ୍ରଣିୟ ସ୍ବେଛାସେବୀ ଅନୁଷ୍ଠାନ ପରଦା ପରିଚୟ ର ଆବଶ୍ୟକ ନୁହେଁ। ପରଦା ସ୍ୱେଚ୍ଛା ସେବୀ ଅନୁଷ୍ଠାନ ନୂଆପଡ଼ା ଏବଂ ଉପ- ନିୟନ୍ତ୍ରକ, ବୈଧ, ମାପ ବିଜ୍ଞାନ, ନୂଆପଡା ମିଳିତ ଅନୁକୂଲ୍ୟ ରେ ବିଶ୍ୱ ଉପଭୋକ୍ତା ଅଧିକାର ଦିବସ , ରାଜୀବ ସେବା କେନ୍ଦ୍ର, ପଞ୍ଚାୟତ ସମିତି ପରିସର ନୂଆପଡା ରେ ପାଳିତ ହୋଇଯାଇଛି । ଏହି ଅବସରରେ ଶତାଧିକ ମହିଳା ଏବଂ ଚାଷୀ ମାନେ ଅଂଶଗ୍ରହଣ କରି ଉପଭୋକ୍ତା (ଖାଉଟି) କଲ୍ୟାଣ ଓ ଅଧିକାର ଆଇନ ଉପରେ ସଚେତନ ହୋଇ ଥିଲେ। “ପରଦା ” ଅଧକ୍ଷ ରୁଦ୍ର ଚରଣ ପଟନାୟକଙ୍କ ସଭାପତିତ୍ୱ ରେ ମୁଖ୍ୟ ଅତିଥି ରୂପେ ବରିଷ୍ଠ ଆଇନଜୀବି ପ୍ରସନ୍ନ ପାଢ଼ୀ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ରୂପେ ଉପାଧ୍ୟକ୍ଷ ପଞ୍ଚାୟତ ସମିତି ନୂଆପଡ଼ା ଦିଲୀପ ନିର୍ମଲକର , ହୃଷିକେଶ ନାୟକ ସହକାରୀ ଯୋଗାଣ ଅଧିକାରୀ, ପୃଥୁରାଜା ହାଁସଦା ଉପ- ନିୟନ୍ତ୍ରକ, ବୈଧ, ମାପ ବିଜ୍ଞାନ, ନୂଆପଡା, ପରମାନନ୍ଦ ହଂସ ଉପଭୋକ୍ତା ଅଦାଲତ, ରୋହିତ ଭୋଇ, ଗୋଷ୍ଟି ଉନ୍ନୟନ ଅଧିକାରୀ , ନୂଆପଡା , ସୁରେଶ ଆଚାର୍ଯ୍ୟ ସଭାପତି ଜ଼ିଲ୍ଲା ସାମ୍ବାଦିକ ସଂଘ ( ଏନଜେଡଏସଏସ ) କାର୍ଯ୍ୟକ୍ରମ ପର୍ଯ୍ୟବେକ୍ଷକ ଏବଂ ମୁଖ୍ୟ ବକ୍ତା ରୁପେ ନାରାୟଣ ପ୍ରସାଦ ଯୋଶୀ ସଦସ୍ୟ, ଶିଶୁ ସୁରକ୍ଷ୍ୟ କମିଟି  ଭାବରେ ଯୋଗଦାନ କରି ନିଜ ନିଜ ସୁଚିନ୍ତିତ ବକ୍ତବ୍ୟ ପ୍ରଦାନ କରି ଖାଉଟି ଆଇନ ଉପରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ ।
‘ନିରାପଦ ଉତ୍ପାଦ, ଆତ୍ମବିଶ୍ୱାସୀ ଉପଭୋକ୍ତା ’ ଏହି ବିଷୟବସ୍ତୁ ବଜାରରେ ଖାଦ୍ୟ ଏବଂ ଔଷଧ ଠାରୁ ଆରମ୍ଭ କରି ଇଲେକ୍ଟ୍ରୋନିକ୍ସ ଏବଂ ଡିଜିଟାଲ୍ ସାମଗ୍ରୀ ପର୍ଯ୍ୟନ୍ତ ପ୍ରତ୍ୟେକ ଉତ୍ପାଦ ସୁରକ୍ଷିତ, ନିର୍ଭରଯୋଗ୍ୟ ଏବଂ ବିଶ୍ୱସନୀୟତା ହେବା ନିଶ୍ଚିତ କରିବାର ଜରୁରୀ ଆବଶ୍ୟକତାକୁ ଅତିଥି ମାନେ ନିଜ ବକ୍ତବ୍ୟରେ ପରିଭାଷିତ କରି ଥିଲେ । ଉତ୍ପାଦ ସୁରକ୍ଷା ମାନଦଣ୍ଡ, ସଠିକ ଲେବଲିଂ ଏବଂ ପ୍ରକାଶ, ବିଭ୍ରାନ୍ତିକର ବିଜ୍ଞାପନ, ଭାରତୀୟ ଆଇନ ଅନୁଯାୟୀ ଉପଭୋକ୍ତା ଅଧିକାର, ନିରାପଦ ଉତ୍ପାଦଗୁଡ଼ିକ ଆତ୍ମବିଶ୍ୱାସୀ ଗ୍ରାହକ ସୃଷ୍ଟି କରନ୍ତି। ଆତ୍ମବିଶ୍ୱାସୀ ଗ୍ରାହକମାନେ ନ୍ୟାୟପୂର୍ଣ୍ଣ ବଜାର ନିର୍ମାଣ କରନ୍ତି ବୋଲି ଉତ୍ସାହିତ କରିଥିଲେ ।
ଏହି କାର୍ଯ୍ୟକ୍ରମ କୁ ପରଦା ର ସହକର୍ମୀ ମନବି ଉଜିର, ବେଦରାମ ସାହୁ , ସଂଜୀବ ପ୍ରଧାନ,ଉମା ଶଙ୍କର ପଟେଲ, ଯୋଗେଶ ସାହୁ,ରାଜୁ ପଟେଲ, ତୁଳସୀ ମାଝୀ ସହଯୋଗ କରିଥିଲେ ।କାର୍ଯ୍ୟକ୍ରମ ର ଶେଷରେ ବରିଷ୍ଟ ସହଯୋଗୀ ପରଦା ର ପ୍ରତାପ ସାହୁ ଅତିଥି ମାନଙ୍କୁ ଧନ୍ୟବାଦ ଦେଇ ସଭା କାର୍ଯ୍ୟ ସମାପ୍ତ ଘୋଷଣା କରିଥିଲେ ।