ନୂଆପଡ଼ା ପୋଲିସର ବଡ଼ ସଫଳତା : କୋମନା ଅଞ୍ଚଳରୁ ପ୍ରାୟ ୧୮ କେଜି ଗଞ୍ଜେଇ ଜବତ, ୩ ଗିରଫ ।

ନୂଆପଡ଼ା -୨୩/୪- ନୂଆପଡ଼ା ଜିଲ୍ଲାରେ ନିଶା କାରବାର ବିରୋଧରେ ପୋଲିସକୁ ମିଳିଛି ଏକ ବଡ଼ ସଫଳତା। କୋମନା ଥାନା ପୋଲିସ ପକ୍ଷରୁ କରାଯାଇଥିବା ଏକ ବିଶେଷ ଅଭିଯାନରେ ପ୍ରାୟ ୧୭ କେଜି ୮୨୦ ଗ୍ରାମ ଗଞ୍ଜେଇ ଜବତ କରାଯିବା ସହ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।
ଦୁଇଟି ପୃଥକ ସ୍ଥାନରେ ଚଢ଼ାଉ କରାଯାଇ ଥିଲା।
ସୂଚନା ଅନୁଯାୟୀ, ଗତକାଲି ବୁଧବାର ଦିନ କୋମନା ପୋଲିସ ଦୁଇଟି ସ୍ଥାନରେ ଅଚାନକ ଚଢ଼ାଉ କରିଥିଲା।
ବରକୋଟ ଗ୍ରାମ ଠାରୁ ୬ କେଜି ୩୨୦ ଗ୍ରାମ ଗଞ୍ଜେଇ ଜବତ କରାଯାଇଛି। ଏହା ସହ ଗୋଟିଏ ମୋଟରସାଇକେଲ ଏବଂ ଗୋଟିଏ ମୋବାଇଲ୍ ଫୋନ ମଧ୍ୟ ପୋଲିସ ହାତରେ ଲାଗିଛି।
ନୁଆଗାଁ ଫୁଟବଲ ପଡ଼ିଆ ନିକଟ ରୁ ପୋଲିସ ୧୧ କେଜି ୫୦୦ ଗ୍ରାମ ଗଞ୍ଜେଇ ଉଦ୍ଧାର କରିଛି। ଏଠାରୁ ମଧ୍ୟ ଏକ ବାଇକ୍ ଓ ମୋବାଇଲ୍ ଫୋନ ଜବତ ହୋଇଛ। ଅପରେସନରେ ପୋଲିସ ମୋଟ ୧୭ କେଜି ୮୨୦ ଗ୍ରାମ  ଗଞ୍ଜେଇ, ଦୁଇଟି ବାଇକ ଏବଂ ଦୁଇଟି ମୋବାଇଲ୍ ଫୋନ ଜବତ କରିଛି। ଗିରଫ ହୋଇଥିବା ୩ ଜଣ ଅଭିଯୁକ୍ତଙ୍କୁ ଏନଡିପିଏସ ଆକ୍ଟ ଅନୁଯାୟୀ କେସ ରୁଜୁ କରି କୋର୍ଟ ଚାଲାଣ କରାଯାଇଛି।

“ନିଶାମୁକ୍ତ ସମାଜ ଗଠନ ପାଇଁ ନୁଆପଡ଼ା ପୋଲିସ ସର୍ବଦା ପ୍ରତିବଦ୍ଧ। ଏହି କାରବାର ପଛରେ ଥିବା ଅନ୍ୟ ସଂଯୋଗ ର ତଦନ୍ତ ଜାରି ରହିଛି,” ବୋଲି ପୋଲିସ ପ୍ରଶାସନ ପକ୍ଷରୁ ସୂଚନା ଦିଆଯାଇଛି।