ଭାରି ବର୍ଷା ପାଇଁ ନୂଆପଡ଼ାରେ ସରକାରି , ବେସରକାରୀ ବିଦ୍ୟାଳୟ, ଅଙ୍ଗନବାଡ଼ି କେନ୍ଦ୍ର ବନ୍ଦ : ୨୬ ସେପ୍ଟେମ୍ବର ରେ ସମସ୍ତ ବନ୍ଦ ରଖିବାକୁ ଜିଲ୍ଲାପାଳଙ୍କ ନିର୍ଦ୍ଦେଶ।

ନୂଆପଡ଼ା – ୨୫/୦୯(ସବ୍ୟୁ)- ନୂଆପଡ଼ା ଜିଲ୍ଲାରେ ଗତକାଲିଠାରୁ ଲଗାତାର ଭାରିରୁ ଅତିଭାରି ବର୍ଷା ଜାରି ରହିଛି। ଏହାକୁ ଦୃଷ୍ଟିରେ ରଖି ଭାରତୀୟ ପାଣିପାଗ ବିଭାଗ ଆଜି, ୨୫ ସେପ୍ଟେମ୍ବର ୨୦୨୬ରେ ନୂଆପଡ଼ା ଜିଲ୍ଲାକୁ ‘ଅରେଞ୍ଜ୍ ଜୋନ୍’ ଭାବେ ଘୋଷଣା କରିଛି। ବର୍ଷାଜନିତ ପରିସ୍ଥିତି ଓ ପ୍ରାକ୍‌-ବିଦ୍ୟାଳୟ ଶିଶୁମାନଙ୍କ ସୁରକ୍ଷା ଏବଂ ନିରାପତ୍ତାକୁ ଗୁରୁତ୍ୱ ଦେଇ ନୂଆପଡ଼ା ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ୍‌ଙ୍କ କାର୍ଯ୍ୟାଳୟ ପକ୍ଷରୁ ଦୁଇ ଟି ଅଫିସ୍ ଅର୍ଡର ସଂଖ୍ୟା – ୬୪୯୯ ଓ ୧୭୨୮ ଜାରି କରାଯାଇଛି। ଏ ପତ୍ର ରେ ଶିକ୍ଷା ବିଭାଗ ଓ ମହିଳା ଓ ଶିଶୁ କଲ୍ୟାଣ ବିଭାଗ କୁ ଅବଗତ ପାଇଁ ପ୍ରେରଣ କରାଯାଇଛି ।
ଏହି ନିର୍ଦ୍ଦେଶ ଅନୁସାରେ ୨୬ ସେପ୍ଟେମ୍ବର ୨୦୨୬, ଶନିବାର ଦିନ ନୂଆପଡ଼ା ଜିଲ୍ଲାର ସମସ୍ତ ଅଙ୍ଗନବାଡ଼ି କେନ୍ଦ୍ର ବନ୍ଦ ରହିବ।
ଏ ସମ୍ପର୍କରେ ଜିଲ୍ଲାର ସମସ୍ତ ବିଇଓ, ସିଆରସିସି, ଶିଶୁ ବିକାଶ ଅଧିକାରୀ, ଶିକ୍ଷାନୁଷ୍ଠାନ ମୁଖ୍ୟଙ୍କୁ ଆବଶ୍ୟକୀୟ ପଦକ୍ଷେପ ପାଇଁ ନିର୍ଦ୍ଦେଶ ଦିଆଯାଇଥିବାବେଳେ, ସୂଚନା ଓ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ନୂଆପଡ଼ା ଉପଜିଲ୍ଲାପାଳ ଏବଂ ରାଜ୍ୟର ସମ୍ପୃକ୍ତ ବିଭାଗକୁ ମଧ୍ୟ ଅବଗତ କରାଯାଇଛି। ଜିଲ୍ଲା ର ସମସ୍ତ ଆଙ୍ଗନୱାଡ଼ି କେନ୍ଦ୍ର। ସମସ୍ତ ସରକାରୀ ଏବଂ ବେସରକାରୀ ସ୍କୁଲ (ପ୍ରାଥମିକ, ଉଚ୍ଚ ପ୍ରାଥମିକ, ମାଧ୍ୟମିକ, ଉଚ୍ଚ ମାଧ୍ୟମିକ, ଓଡ଼ିଶା ଆଦର୍ଶ ବିଦ୍ୟାଳୟ, , କେନ୍ଦ୍ରୀୟ ବିଦ୍ୟାଳୟ. ଏବଂ ଏକଲବ୍ୟ ବିଦ୍ୟାଳୟ( ଇଏମଆରଏସ)।
ଅଭିଭାବକମାନେ ଅନାବଶ୍ୟକ ଭାବେ ଶିଶୁମାନଙ୍କୁ ବାହାରକୁ ନନେଇ ସୁରକ୍ଷିତ ସ୍ଥାନରେ ରଖନ୍ତୁ।