116
ପୋଲିସ ସୂଚନା ଅନୁଯାୟୀ, କିଛି ଶ୍ରମିକ ସର୍ଦ୍ଦାର ଓ ଦଲାଲ ଆର୍ଥିକ ଦୃଷ୍ଟିରୁ ଦୁର୍ବଳ ପରିବାରଗୁଡ଼ିକୁ ଅଗ୍ରିମ ଟଙ୍କା ଦେବାର ପ୍ରଲୋଭନ ଦେଖାଇ ଉତ୍ତର ପ୍ରଦେଶର ବିଭିନ୍ନ ଇଟାଭାଟିକୁ ଶ୍ରମିକଙ୍କୁ ପଠାଇଥିବା ଅଭିଯୋଗ ହୋଇଛି। ସେଠାରେ ଅଭିଯୋଗକାରୀଙ୍କ ମାତାପିତାଙ୍କୁ ଅମାନବୀୟ ପରିସ୍ଥିତିରେ କାମ କରାଯିବା ସହ ସେମାନଙ୍କ ଯାତାୟାତ ଓ ସ୍ୱାଧୀନ ଚଳପ୍ରଚଳ ଉପରେ କଟକଣା ଲଗାଯାଉଥିବା ଅଭିଯୋଗ ରହିଛି। ଏଥିସହ ଶ୍ରମିକମାନଙ୍କୁ ଶାରୀରିକ ନିର୍ଯାତନା ଦେବା, ଗଛ ରେ ବାନ୍ଧି ପିଟିବା, ମାଁ ଙ୍କ ମୃତ୍ୟୁ ହେଲେ ଅମାନବୀୟ ପଣ ଦେଖାଇ ଗାଁ କୁ ନ ଛାଡ଼ିବା,ଭୟଭୀତ କରିବା ଏବଂ ନିଜ ଇଚ୍ଛାରେ ସେଠାରୁ ଫେରିବାର ସୁଯୋଗ ନଦେବା ଭଳି ଗୁରୁତର ଅଭିଯୋଗ ମଧ୍ୟ ସାମ୍ନାକୁ ଆସିଛି। ଏହି ଘଟଣାକୁ ନେଇ ଏତଲା ଦାଏର ହେବା ପରେ ପୋଲିସ ମାମଲାର ତଦନ୍ତ ଆରମ୍ଭ କରିଥିଲା। ଅଭିଯୋଗର ସତ୍ୟାସତ୍ୟ ଯାଞ୍ଚ କରିବା ସହ ସାକ୍ଷ୍ୟ ଓ ପ୍ରମାଣ ସଂଗ୍ରହ କରାଯାଇଥିଲା। ଏହାପରେ ଅକ୍ଟୋବର ୧୭ ତାରିଖରେ ମାମଲାରେ ସଂପୃକ୍ତ ଥିବା ଅଭିଯୋଗରେ ୫ ଜଣଙ୍କୁ ଗିରଫ କରାଯାଇଥିଲା।
ଗିରଫ ପରେ ଅଭିଯୁକ୍ତମାନଙ୍କର ଡାକ୍ତରୀ ପରୀକ୍ଷା କରାଯାଇ ସେମାନଙ୍କୁ କୋର୍ଟଚାଲାଣ କରାଯାଇଛି।
ଅଭିଯୁକ୍ତମାନଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (BNS) ଏବଂ ଅନ୍ତଃରାଜ୍ୟ ପ୍ରବାସୀ କାର୍ଯ୍ୟକାରୀ ଶ୍ରମିକ (ନିଯୁକ୍ତି ଓ ସେବା ସର୍ତ୍ତାବଳୀର ନିୟନ୍ତ୍ରଣ) ଆଇନ, ୧୯୭୯ର ପ୍ରାବଧାନ ଅନୁଯାୟୀ ମାମଲା ରୁଜୁ ହୋଇଛି। ଏହି ଘଟଣାରେ ଆଉ କେଉଁମାନଙ୍କ ସଂପୃକ୍ତି ରହିଛି, ଶ୍ରମିକ ଚାଲାଣର ପଛରେ କୌଣସି ବଡ଼ ନେଟୱର୍କ କାର୍ଯ୍ୟ କରୁଛି କି ନାହିଁ ଏବଂ ଅନ୍ୟ କେଉଁଠି ଶ୍ରମିକମାନେ ଏଭଳି ପରିସ୍ଥିତିର ସମ୍ମୁଖୀନ ହେଉଛନ୍ତି କି ନାହିଁ, ସେନେଇ ପୋଲିସ ତଦନ୍ତ ଜାରି ରଖିଛି।
Table of Contents
ନୂଆପଡ଼ା- ୧୮/୧୦- ଅଗ୍ରିମ ଟଙ୍କାର ପ୍ରଲୋଭନ ଦେଖାଇ ଦୁର୍ବଳ ଓ ଅସହାୟ ପରିବାରର ଶ୍ରମିକଙ୍କୁ ଅନ୍ୟ ରାଜ୍ୟକୁ ନେବା, ସେଠାରେ ଅମାନବୀୟ ପରିସ୍ଥିତିରେ କାମ କରାଇବା, ମାରପିଟ କରିବା ଏବଂ ବେଆଇନ ଭାବେ ଅଟକ ରଖିବା ଭଳି ସଙ୍ଗିନ ଅଭିଯୋଗରେ ପୋଲିସ ୫ ଜଣଙ୍କୁ ଗିରଫ କରିଛି। ଉତ୍ତର ପ୍ରଦେଶର ଇଟାଭାଟିରେ ଶ୍ରମିକଙ୍କୁ ନିର୍ଯାତନା ଓ ଅନ୍ତଃରାଜ୍ୟ ଶ୍ରମିକ ଚାଲାଣ ସହ ଜଡ଼ିତ ଏହି ମାମଲା ଏବେ ଚର୍ଚ୍ଚାକୁ ଆସିଛି। ଗତ କାଲି ନୂଆପଡ଼ା ପୋଲିସ ଷ୍ଟେସନ ରେ ଆହୁତ୍ ଏକ ସାମ୍ୱାଦିକ ସମ୍ମିଳନୀରେ ଉପରୋକ୍ତ ସୂଚନା ପ୍ରଦାନ୍ କରାଯାଇଛି। ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ଏସଡିପିଓ ଖିରେଶ୍ୱର୍ ସାହୁ ସୂଚନା ପ୍ରଦାନ୍ କରିଥିବା ବେଳେ ବେଲଟୁକରି ଆଇଆଇସି ରଞ୍ଜନ ନାଏକ ପ୍ରମୁଖ ଉପସ୍ଥିତ ଥିଲେ।ନୂଆପଡ଼ା ପୋଲିସ ବିଭାଗ ର ଅନ୍ୟାନ୍ୟ ବରିଷ୍ଠ ଅଧିକାରୀ ଙ୍କ ମିଳିତ ଭାବେ ଚଢ଼ାଉ କରାଯାଇ ଅଭିଯୁକ୍ତ ମାନଙ୍କୁ କାବୁ କରାଯାଇଥିଲା। ଏହି ଘଟଣା ଶ୍ରମିକଙ୍କ ସୁରକ୍ଷା, ଦାଦନ ଶ୍ରମିକଙ୍କ ଅଧିକାର ଏବଂ ରାଜ୍ୟ ବାହାରେ ଜୀବିକା ଅନ୍ୱେଷଣରେ ଯାଉଥିବା ଗରିବ ପରିବାରଙ୍କ ସ୍ଥିତିକୁ ନେଇ ପୁଣିଥରେ ପ୍ରଶ୍ନ ଉଠାଇଛି।
