ନୂଆପଡ଼ା ଜିଲ୍ଲାର ନୂତନ ଜିଲ୍ଲାପାଳ ଶ୍ରୀମତୀ ଅନ୍ୟା ଦାସଙ୍କୁ ସୌଜନ୍ୟମୂଳକ ସାକ୍ଷାତ ଓ ଭବ୍ୟ ସ୍ୱାଗତ।

ନୂଆପଡ଼ା -୧୭/୧୦- ଖରିଆର ରୋଡ଼ ଏନ୍ଏସି ଅଧ୍ୟକ୍ଷା ଡକ୍ଟର ସୋନିଆ ଅଗ୍ରୱାଲ ଓ ବରିଷ୍ଠ ଭାଜପା ନେତା ସୋମନାଥ ଅଗ୍ରୱାଲ (ଗୋଲ୍ଡି) ନୂଆପଡ଼ା ଜିଲ୍ଲାର ନବନିଯୁକ୍ତ ଜିଲ୍ଲାପାଳ ଶ୍ରୀମତୀ ଅନ୍ୟା ଦାସ (IAS)ଙ୍କୁ ସୌଜନ୍ୟମୂଳକ ଭାବେ ସାକ୍ଷାତ କରି ପୁଷ୍ପଗୁଚ୍ଛ ପ୍ରଦାନପୂର୍ବକ ହାର୍ଦ୍ଦିକ ସ୍ୱାଗତ ଓ ଅଭିନନ୍ଦନ ଜଣାଇଛନ୍ତି।
ଏହି ଅବସରରେ ଜିଲ୍ଲାର ସମଗ୍ର ବିକାଶ ସହିତ ବିଶେଷ କରି ଖରିଆର ରୋଡ଼ ସହରର ବିକାଶମୂଳକ କାର୍ଯ୍ୟ, ଜନହିତ ଜଡ଼ିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଏବଂ ପ୍ରଶାସନିକ ସମନ୍ୱୟ ସମ୍ପର୍କରେ ଏକ ସକାରାତ୍ମକ ଆଲୋଚନା ହୋଇଥିଲା।
ଏହି ଅବସରରେ ମତପ୍ରକାଶ ପାଇଥିଲା ଯେ, ଜିଲ୍ଲାପାଳଙ୍କ ଦକ୍ଷ ପ୍ରଶାସନିକ ନେତୃତ୍ୱ, ସକାରାତ୍ମକ ଚିନ୍ତାଧାରା ଏବଂ ଜନପ୍ରତିନିଧି ତଥା ପ୍ରଶାସନର ପାରସ୍ପରିକ ସମନ୍ୱୟ ଦ୍ୱାରା ନୂଆପଡ଼ା ଜିଲ୍ଲା ବିକାଶର ନୂତନ ଶିଖର ଛୁଇଁବ।
ଜନସେବା, ସୁଶାସନ ଏବଂ ବିକାଶର ମିଳିତ ସଂକଳ୍ପ ସହିତ ଆମେ ସମସ୍ତେ ଏକ ସମୃଦ୍ଧ ଓ ବିକଶିତ ନୂଆପଡ଼ା ଗଠନ ଦିଗରେ ନିରନ୍ତର ଆଗକୁ ବଢ଼ିବା।
ନୂତନ ଦାୟିତ୍ୱ ଏବଂ ସଫଳ କାର୍ଯ୍ୟକାଳ ପାଇଁ ଜିଲ୍ଲାପାଳ ମହୋଦୟା ଙ୍କୁ ଅନେକ ଅନେକ ଶୁଭେଚ୍ଛା ଜଣାଇଥିଲେ।