ଗଣେଶ ପୂଜା ପୂର୍ବରୁ ନୂଆପଡ଼ାରେ ଶାନ୍ତି କମିଟି ବୈଠକ:ଶାନ୍ତି, ସାମ୍ପ୍ରଦାୟିକ ସଦ୍‌ଭାବ ଓ ଜନସୁରକ୍ଷା ଉପରେ ପୁଲିସର ଗୁରୁତ୍ୱ।

ନୂଆପଡ଼ା -୧୩/୦୯- ଆଗାମୀ ଗଣେଶ ପୂଜାକୁ ଶାନ୍ତି, ଶୃଙ୍ଖଳା ଓ ସୁରକ୍ଷିତ ପରିବେଶରେ ପାଳନ କରିବା ଲକ୍ଷ୍ୟରେ ନୂଆପଡ଼ା ଜିଲ୍ଲାର ବିଭିନ୍ନ ଥାନା ପକ୍ଷରୁ ଶାନ୍ତି କମିଟି ବୈଠକ ଅନୁଷ୍ଠିତ ହୋଇଯାଇଛି।ବୈଠକରେ ପୁଲିସ ଅଧିକାରୀମାନେ ଶାନ୍ତି କମିଟି ସଦସ୍ୟ, ଜନପ୍ରତିନିଧି, ସ୍ଥାନୀୟ ସମାଜସେବୀ ଓ ବିଭିନ୍ନ ସମୁଦାୟର ପ୍ରମୁଖ ବ୍ୟକ୍ତିଙ୍କ ସହ ଆଲୋଚନା କରିଥିଲେ। ପୂଜା ସମୟରେ ଶାନ୍ତି ଓ ସାମ୍ପ୍ରଦାୟିକ ସଦ୍‌ଭାବ ବଜାୟ ରଖିବା, ଜନସୁରକ୍ଷା, ଟ୍ରାଫିକ୍‌ ପରିଚାଳନା, ଶୋଭାଯାତ୍ରାର ରୁଟ୍‌, ଭିଡ଼ ନିୟନ୍ତ୍ରଣ ଏବଂ ଆଇନଶୃଙ୍ଖଳା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା।
ଗଣେଶ ପୂଜାକୁ ସୁରକ୍ଷିତ ଓ ସୁସଂଗଠିତ ଭାବେ ପାଳନ ପାଇଁ ସମସ୍ତ ଆୟୋଜକ, ଶାନ୍ତି କମିଟି ସଦସ୍ୟ ଓ ସ୍ଥାନୀୟ ଲୋକଙ୍କୁ ପୁଲିସକୁ ସହଯୋଗ କରିବାକୁ ଅନୁରୋଧ କରାଯାଇଛି। ପରସ୍ପର ସହଯୋଗ, ଭାଇଚାରା ଓ ସଦ୍‌ଭାବ ସହ ପର୍ବ ପାଳନ କରିବାକୁ ନୂଆପଡ଼ା ପୁଲିସ ପକ୍ଷରୁ ଆହ୍ୱାନ ଦିଆଯାଇଛି।