ନୂଆପଡ଼ା ଜିଲ୍ଲାର ଚୂଡ଼ାନ୍ତ ଭୋଟର ତାଲିକା ପ୍ରକାଶିତ: ମହିଳା ଭୋଟରଙ୍କ ସଂଖ୍ୟା ପୁରୁଷଙ୍କ ଠାରୁ ଅଧିକ।

ନୂଆପଡ଼ା -୨୧/୦୯- ଆଜି ଜିଲ୍ଲା ମୁଖ୍ୟାଳୟ ସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷ ରେ ଏକ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ମଧୁସୁଦନ ଦାଶ ଏ ସମ୍ପର୍କ ରେ ବିସ୍ତୃତ ସୂଚନା ପ୍ରଦାନ୍ କରିଥିଲେ।ନୂଆପଡ଼ା ଜିଲ୍ଲାରେ ଭାରତ ନିର୍ବାଚନ ଆୟୋଗଙ୍କ ନିର୍ଦ୍ଦେଶ କ୍ରମେ ସ୍ୱତନ୍ତ୍ର ସଘନ ସଂଶୋଧନ (SIR)-୨୦୨୬ ପ୍ରକ୍ରିୟା ସଫଳତାର ସହ ଶେଷ ହେବା ପରେ ୨୧ ସେପ୍ଟେମ୍ବର ୨୦୨୬ ତାରିଖରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇଛି। ଏହି ନୂତନ ତାଲିକା ଅନୁଯାୟୀ ନୂଆପଡ଼ା ଜିଲ୍ଲାରେ ମୋଟ ଭୋଟରଙ୍କ ସଂଖ୍ୟା ୪,୯୦,୩୪୪ ରେ ପହଞ୍ଚିଛି। ଭୋଟରଙ୍କ ସୁବିଧା ପାଇଁ ଜିଲ୍ଲାରେ ମତଦାନ କେନ୍ଦ୍ର ସଂଖ୍ୟା ୬୬୦ ରୁ ୬୯୩ କୁ ବୃଦ୍ଧି କରାଯାଇଛି।
ଚୂଡ଼ାନ୍ତ ଭୋଟର ତାଲିକାର ପ୍ରମୁଖ ତଥ୍ୟ:
🔷 ମୋଟ ଭୋଟର: ୪,୯୦,୩୪୪
🔷 ପୁରୁଷ ଭୋଟର: ୨,୪୪,୪୯୪
🔷 ମହିଳା ଭୋଟର: ୨,୪୫,୮୪୧
🔷 ତୃତୀୟ ଲିଙ୍ଗ ଭୋଟର: ୯
🔷 ସେବା ଭୋଟର (Service Voters): ୩୪୪ (ଯେଉଁଥିରେ ୩୩୬ ପୁରୁଷ ଓ ୮ ଜଣ ମହିଳା ଅଛନ୍ତି)
ଉଲ୍ଲେଖନୀୟ ବିଷୟ ହେଉଛି, ନୂଆପଡ଼ା ଜିଲ୍ଲାରେ ମହିଳା ଭୋଟରଙ୍କ ସଂଖ୍ୟା ପୁରୁଷଙ୍କ ଠାରୁ ଅଧିକ ରହିଛି। ଜିଲ୍ଲାରେ ପ୍ରତି ୧,୦୦୦ ପୁରୁଷ ଭୋଟରଙ୍କ ପିଛା ୧,୦୦୫ ଜଣ ମହିଳା ଭୋଟର ଅଛନ୍ତି ଏବଂ ଜିଲ୍ଲାର ନିର୍ବାଚକ-ଜନସଂଖ୍ୟା ଅନୁପାତ [Elector-Population (EP) Ratio] ୬୯.୪% ରହିଛି।
ଭୋଟରଙ୍କ ପାଇଁ ଜରୁରୀ ସୂଚନା:
ସମସ୍ତ ଭୋଟରଙ୍କୁ ଚୂଡ଼ାନ୍ତ ତାଲିକାରେ ନିଜ ନାମ ଯାଞ୍ଚ କରିବାକୁ ଅନୁରୋଧ କରାଯାଇଛି।
🔷 ନୂଆ ନାମ ଅନ୍ତର୍ଭୁକ୍ତ କରିବା ପାଇଁ Form-6 ବ୍ୟବହାର କରନ୍ତୁ।
🔷 ତଥ୍ୟ ସଂଶୋଧନ ପାଇଁ Form-8 ବ୍ୟବହାର କରନ୍ତୁ।
🔷 ନାମ ବାଦ୍ ଦେବା ପାଇଁ Form-7 ଅନ୍‌ଲାଇନ୍ କିମ୍ବା ଅଫ୍‌ଲାଇନ୍ ମାଧ୍ୟମରେ ଦାଖଲ କରାଯାଇପାରିବ।
ନିର୍ବାଚନ ସମ୍ବନ୍ଧୀୟ କୌଣସି ଅଧିକ ସୂଚନା କିମ୍ବା ସମସ୍ୟାର ସମାଧାନ ପାଇଁ ଜନସାଧାରଣ ଟୋଲ୍ ଫ୍ରି ନମ୍ବର ୧୯୫୦ ରେ ଯୋଗାଯୋଗ କରିପାରିବେ। ଉପରୋକ୍ତ ସାମ୍ବାଦିକ ସମ୍ମିଳନୀ ରେ ଅତିରିକ୍ତ ଜିଲ୍ଲାପାଳ ସୁଭାଷ ଚନ୍ଦ୍ର ରଇତା, ଉପ ଜିଲ୍ଲାପାଳ ସୁର୍ମି ସୋରେନ, ଡେପୁଟି କଲେକ୍ଟର ଶେଖ ନସିମ ତଥା ବିଭିନ୍ନ ଗଣ ମାଧ୍ୟମ ପ୍ରତିନିଧିଗଣ ଉପସ୍ଥିତ ଥିଲେ।