ନୂଆପଡ଼ାରେ ବିକାଶର ନୂଆ ପାହାଚ: ବିଡିଓଙ୍କ ତ୍ୱରିତ ପଦକ୍ଷେପକୁ ସତନାମୀପଡ଼ାବାସୀଙ୍କ ଭୂୟସୀ ପ୍ରଶଂସା।

ନୂଆପଡ଼ା – ୨୮/୪-ସରକାରୀ ପ୍ରଶାସନ ଓ ଜନସାଧାରଣଙ୍କ ମଧ୍ୟରେ ସମନ୍ୱୟ ରହିଲେ କିଭଳି ଜଟିଳ ସମସ୍ୟାର ସମାଧାନ ଅତି ସହଜରେ ହୋଇପାରେ, ତାହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ନୂଆପଡ଼ା ଜିଲ୍ଲା କୋମନା ବ୍ଲକରେ। ଜଣେ ଦକ୍ଷ ଓ ଜନସାଧାରଣଙ୍କ ଦୁଃଖ ବୁଝୁଥିବା ଅଧିକାରୀ ଭାବେ ବିଡିଓ ପବିତ୍ର କୁମାର ସାମଲ ନିଜର କାର୍ଯ୍ୟଦକ୍ଷତା ପ୍ରତିପାଦନ କରି ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛନ୍ତି।
ପରିବେଶ ପ୍ରଦୂଷଣ ଓ ଜଳବନ୍ଦୀ ସମସ୍ୟା।
ନୂଆପଡ଼ା ଜିଲ୍ଲା କୋମନା ବ୍ଲକ ଟିକ୍ରାପଡା ଗ୍ରାମପଞ୍ଚାୟତ ଅନ୍ତର୍ଗତ ହାଟପଦା ସ୍ଥିତ ସତନାମୀପଡ଼ାରେ ଦୀର୍ଘ ଦିନ ଧରି ଜଳ ନିଷ୍କାସନ ଏକ ବଡ଼ ସମସ୍ୟା ହୋଇ ରହିଥିଲା। ପଡ଼ାରେ ଥିବା ଏକମାତ୍ର ନଳକୂଅ ଉପରେ ଗ୍ରାମବାସୀ ଶୌଚ, ସ୍ନାନ ଓ ପାନୀୟ ଜଳ ପାଇଁ ନିର୍ଭର କରିଥାନ୍ତି। ମାତ୍ର ନଳକୂଅ ନିକଟରେ ଥିବା କ୍ଷୁଦ୍ର ପୋଲଟି ଅଣଓସାରିଆ ହୋଇଥିବାରୁ ବ୍ୟବହୃତ ଦୂଷିତ ଜଳ ଓ ପ୍ଲାଷ୍ଟିକ ଆବର୍ଜନା ଜମି ରହି ପରିବେଶକୁ ଅତ୍ୟନ୍ତ ଦୂଷିତ କରୁଥିଲା। ଏଥିଯୋଗୁଁ ସ୍ଥାନୀୟ ଅଞ୍ଚଳରେ ଦୁର୍ଗନ୍ଧ ବ୍ୟାପିବା ସହ ସ୍ୱାସ୍ଥ୍ୟାବସ୍ଥା ବିଗିଡ଼ିବାର ଭୟ ସୃଷ୍ଟି ହୋଇଥିଲା।
ଗଣମାଧ୍ୟମର ପ୍ରଭାବ ଓ ପ୍ରଶାସନିକ ତତ୍ପରତା ଦେଖିବାକୁ ମିଳିଛି ।ଏହି ସମ୍ପର୍କରେ ସାମ୍ବାଦିକ ଦିଲ୍ଲୀପ ଦଳପତି ଓ ତେଜୁରାମ ନାଏକ ଙ୍କ ଦ୍ୱାରା ଏକ ଦୈନିକ ଖବରକାଗଜରେ ରିପୋର୍ଟ ପ୍ରକାଶ ପାଇବା ପରେ ବିଡିଓ ପବିତ୍ର କୁମାର ସାମଲ ତୁରନ୍ତ ଏହାର ସଂଜ୍ଞାନ ନେଇଥିଲେ। ଜିଲ୍ଲାରେ ଜାରି ରହିଥିବା ‘ଏକକ ବ୍ୟବହୃତ ପ୍ଲାଷ୍ଟିକ ମୁକ୍ତ ଅଭିଯାନ’ କୁ ଗୁରୁତ୍ୱ ଦେଇ ସେ ତୁରନ୍ତ ସମସ୍ୟାର ସ୍ଥାୟୀ ସମାଧାନ ପାଇଁ ନିର୍ଦ୍ଦେଶ ଦେଇଥିଲେ।
ସଫଳ ରୂପାୟନ ଗ୍ରାଉଣ୍ଡ ଜିରୋ ରେ ବିଡିଓ।
କାର୍ଯ୍ୟଭାର ଗ୍ରହଣ କରିବାର ମାତ୍ର କିଛି ଦିନ ମଧ୍ୟରେ ଶ୍ରୀ ସାମଲ ‘ଗ୍ରାଉଣ୍ଡ ଜିରୋ’ କୁ ଯାଇ ଲୋକଙ୍କ ସମସ୍ୟା ଅନୁଧ୍ୟାନ କରିଥିଲେ। ତାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ
ସତନାମୀପଡ଼ାରେ ଏକ ନୂତନ କଲଭର୍ଟ (ପୋଲ) ନିର୍ମାଣ କାର୍ଯ୍ୟ ରେକର୍ଡ ସମୟ ମଧ୍ୟରେ ଶେଷ ହୋଇଛି।
ଦୂଷିତ ଜଳ ନିଷ୍କାସନ ପାଇଁ ସୁବ୍ୟବସ୍ଥା କରାଯାଇଛି।
ପ୍ଲାଷ୍ଟିକ ଆବର୍ଜନା ସଫା କରାଯାଇ ପରିବେଶକୁ ସ୍ୱଚ୍ଛ ରଖିବାକୁ ପଦକ୍ଷେପ ନିଆଯାଇଛି।
“ବିକଶିତ ଭାରତ, ବିକଶିତ ଓଡ଼ିଶା ଓ ବିକଶିତ ଗାଁର ପରିକଳ୍ପନାକୁ ସାକାର କରିବା ପାଇଁ ପ୍ରଶାସନ ସବୁବେଳେ ଜନତାଙ୍କ ସହ ରହିବା ଆବଶ୍ୟକ।” – ଏହି ମନ୍ତ୍ରକୁ ସାର୍ଥକ କରି ଦେଖାଇଛନ୍ତି କୋମନା ବିଡିଓ।
ଏହି ବିକାଶମୂଳକ କାର୍ଯ୍ୟ ପାଇଁ ସତନାମୀପଡ଼ାବାସୀ ଙ୍କ ମଧ୍ୟରେ ଖୁସିର ଲହରି ଖେଳିଯାଇଛି। ଜଳବନ୍ଦୀ ସମସ୍ୟାରୁ ମୁକ୍ତି ମିଳିବା ସହ ଗମନାଗମନ ସହଜ ହୋଇଥିବାରୁ ପଡ଼ାବାସୀ ବିଡିଓଙ୍କ କାର୍ଯ୍ୟଦକ୍ଷତାକୁ ଭୂୟସୀ ପ୍ରଶଂସା କରିଛନ୍ତି। ସରକାରୀ ଯୋଜନାକୁ ଅନ୍ତ୍ୟୋଦୟ ଭିତ୍ତିରେ ଲୋକଙ୍କ ପାଖରେ ପହଞ୍ଚାଇବା ପାଇଁ ତାଙ୍କର ଏହି ନିଷ୍ଠାପର ଉଦ୍ୟମ ଅନ୍ୟମାନଙ୍କ ପାଇଁ ଏକ ପ୍ରେରଣା ସାଜିଛି।