ନେଗିପାଲୀ ଓଡ଼ିଶା ଆଦର୍ଶ ବିଦ୍ୟାଳୟ ରେ ମହାସମାରୋହରେ ଅଭିଭାବକ-ଶିକ୍ଷକ ବୈଠକ ଅନୁଷ୍ଠିତ।

ନୂଆପଡ଼ା -୨୬/୦୭- ନୂଆପଡ଼ା ସଦର ବ୍ଳକ୍ ନେଗିପାଲୀ ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟ ରେ ବିଦ୍ୟାଳୟର ଅଧ୍ୟକ୍ଷ ହେମାନନ୍ଦ ବିଶ୍ୱାଳ ଙ୍କ ଅଧ୍ୟକ୍ଷତା ରେ ଏକ ଗୁରୁତ୍ୱପୂର୍ଣ୍ଣ ଅଭିଭାବକ-ଶିକ୍ଷକ ବୈଠକ (ପିଟିଏମ) ସଫଳତାର ସହ ସମ୍ପନ୍ନ ହୋଇଯାଇଛି।
ପିଲାମାନଙ୍କର ଉଜ୍ଜ୍ୱଳ ଭବିଷ୍ୟତ, ଶୈକ୍ଷିକ ଉନ୍ନତି ଏବଂ ସର୍ବାଙ୍ଗୀନ ବିକାଶକୁ ନେଇ ଏହି ବୈଠକରେ ବ୍ୟାପକ ଆଲୋଚନା କରାଯାଇଥିଲା।
ବୈଠକର ମୁଖ୍ୟ ଆକର୍ଷଣ ଓ ଆଲୋଚନା ହେଲା,
ସିବିଏସଇ ର ନୂତନ ମାର୍ଗଦର୍ଶିକା ସହ ‘ଖାନ ଏକାଡେମୀ’ ପ୍ଲାଟଫର୍ମର ଲଗ୍-ଇନ୍ ପ୍ରକ୍ରିୟା ଓ ଏହାର ଶିକ୍ଷାଗତ ଉପକାରିତା ବିଷୟରେ ଅଭିଭାବକ ମାନଙ୍କୁ ସଚେତନ କରାଯାଇଥିଲା।
ବୋର୍ଡ ପରୀକ୍ଷା ପାଇଁ ସ୍ୱତନ୍ତ୍ର ରଣନୀତି : ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀ ର ବାର୍ଷିକ ପରୀକ୍ଷା ଫଳାଫଳକୁ ଆହୁରି ଉନ୍ନତ କରିବା ପାଇଁ ଏକ ସ୍ୱତନ୍ତ୍ର କାର୍ଯ୍ୟପନ୍ଥା ପ୍ରସ୍ତୁତ କରାଯାଇଛି।
ଆଇକୋନିକ ଆଦର୍ଶ ବିଦ୍ୟାଳୟରେ ନାମଲେଖା, ସେଠାରେ ମିଳୁଥିବା ନିଃଶୁଳ୍କ ମେଡିକାଲ୍ ଏବଂ ଇଞ୍ଜିନିୟରିଂ ପ୍ରବେଶିକା ପରୀକ୍ଷା ପ୍ରଶିକ୍ଷଣ ସମେତ ବିଭିନ୍ନ ସୁବିଧା ସମ୍ପର୍କରେ ସୂଚନା ଦିଆଯାଇଥିଲା।
ସକାରାତ୍ମକ ମତ ବିନିମୟ : ପରୀକ୍ଷା ଫଳାଫଳ, ଖାତା ମୂଲ୍ୟାୟନ, ନିୟମିତ ଉପସ୍ଥାନ ଏବଂ ଶୃଙ୍ଖଳା ଉପରେ ଶିକ୍ଷକ ଓ ଅଭିଭାବକଙ୍କ ମଧ୍ୟରେ ସୌହାର୍ଦ୍ଦ୍ୟପୂର୍ଣ୍ଣ ଆଲୋଚନା ହୋଇଥିଲା।
“ପରିବାର ଓ ବିଦ୍ୟାଳୟର ମିଳିତ ପ୍ରୟାସ ହିଁ ପିଲାମାନଙ୍କ ଉଜ୍ଜ୍ୱଳ ଭବିଷ୍ୟତର ମୂଳ ଆଧାର।”
ବୈଠକରେ ଶିକ୍ଷକ ଓ ଅଭିଭାବକଙ୍କ ମିଳିତ ସଙ୍କଳ୍ପ।ଶେଷରେ ସମସ୍ତ ଅଭିଭାବକ ଓ ଶିକ୍ଷକ-ଶିକ୍ଷୟିତ୍ରୀଙ୍କୁ ଧନ୍ୟବାଦ ଅର୍ପଣ କରାଯାଇ ବୈଠକର ସମାପ୍ତି ଘୋଷଣା କରାଯାଇଥିଲା।