ଶିକ୍ଷା ସହ ପରିବେଶ ସୁରକ୍ଷା : ଗୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ମେଧାବୀ ଓ ପରିବେଶ ପ୍ରେମୀ ଛାତ୍ର ସମ୍ବର୍ଦ୍ଧିତ।

ନୂଆପଡା -୦୩/୦୭- ଶିକ୍ଷା କ୍ଷେତ୍ରରେ ଅଭୂତପୂର୍ବ ସଫଳତା ସହ ପରିବେଶ ସୁରକ୍ଷା ପ୍ରତି ସଚେତନତା ସୃଷ୍ଟି କରିବା ଦିଗରେ ଏକ ପ୍ରଶଂସନୀୟ ପଦକ୍ଷେପ ଦେଖିବାକୁ ମିଳିଛି। ସିନାପାଲି ଗୋଷ୍ଠୀ ଶିକ୍ଷା ଅନ୍ତର୍ଗତ ଗୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ପକ୍ଷରୁ ଏକ ଭବ୍ୟ ସମ୍ମାନ ସମାରୋହ ଆୟୋଜିତ ହୋଇଯାଇଛି, ଯେଉଁଠାରେ ବିଦ୍ୟାଳୟର ଗୌରବ ବଢ଼ାଇଥିବା ତିନି ଜଣ କୃତୀ ସନ୍ତାନଙ୍କୁ ସମ୍ବର୍ଦ୍ଧିତ କରାଯାଇଛି।
ମେଧାବୀ ଛାତ୍ର ଲକ୍ଷ୍ମଣଙ୍କ ସଫଳତା-
ଗତ ଜାତୀୟ ଆୟ ଭିତ୍ତିକ ମେଧା ବୃତ୍ତୀ (NMMS) ପରୀକ୍ଷାରେ ବିଦ୍ୟାଳୟର ମେଧାବୀ ଛାତ୍ର ଲକ୍ଷ୍ମଣ ମାଝୀ ସଫଳତାର ସହ ଉତ୍ତୀର୍ଣ୍ଣ ହୋଇ ମେଧାବୃତ୍ତି ପାଇଁ ଯୋଗ୍ୟ ବିବେଚିତ ହୋଇଛନ୍ତି। ଏହି ଉଲ୍ଲେଖନୀୟ ସଫଳତା ପାଇଁ ବିଦ୍ୟାଳୟ ପକ୍ଷରୁ ତାଙ୍କୁ ଫୁଲତୋଡ଼ା ଓ ଉପଢୌକନ ପ୍ରଦାନ କରି ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା।
ସବୁଜିମା ପାଇଁ ସମ୍ମାନ: ବାଲାଜୀ ଓ ଟିକେଲାଲ –
କେବଳ ପାଠପଢ଼ା ନୁହେଁ, ପରିବେଶ ସୁରକ୍ଷାରେ ମଧ୍ୟ ଏହି ବିଦ୍ୟାଳୟର ଛାତ୍ରମାନେ ଆଗରେ। ବିଦ୍ୟାଳୟ ପରିସରରେ ବୃକ୍ଷରୋପଣ କରି ସେଗୁଡ଼ିକର ନିୟମିତ ଯତ୍ନ ନେଇ ସବୁଜ ସୁନ୍ଦର ପରିବେଶ ଗଢ଼ିବା ରେ ପ୍ରଶଂସନୀୟ ଅବଦାନ ରଖିଥିବା ଦୁଇ ଛାତ୍ର ବାଲାଜୀ ମାଝୀ ଓ ଟିକେ ଲାଲ ମାଝୀ ଙ୍କୁ ମଧ୍ୟ ଏହି ଅବସରରେ ବିଶେଷ ଭାବେ ସମ୍ମାନିତ କରାଯାଇଛି। ବିଦ୍ୟାଳୟ କର୍ତ୍ତୃପକ୍ଷଙ୍କ ଏଭଳି ଅଭିନବ ପ୍ରୟାସକୁ ଉପସ୍ଥିତ ସମସ୍ତେ ଉଚ୍ଚ ପ୍ରଶଂସା କରିଛନ୍ତି।
“ଏହି ତିନିଜଣ ଛାତ୍ରଙ୍କ ଉଦ୍ୟମ ଓ ସଫଳତା ଆଗାମୀ ପିଢ଼ି ପାଇଁ ପ୍ରେରଣାଦାୟକ।” ବୋଲି ପ୍ରଧାନଶିକ୍ଷକ ଶ୍ରୀ ନାୟକ କହିଛନ୍ତିମ୍
ଶୁକ୍ରବାର ପ୍ରଧାନ ଶିକ୍ଷକ ରାଜେନ୍ଦ୍ର ନାୟକଙ୍କ ତତ୍ତ୍ୱାବଧାନରେ ଆୟୋଜିତ ଏହି ସଭାରେ ସଫଳ ଛାତ୍ରମାନଙ୍କୁ ଭବିଷ୍ୟତ ପାଇଁ ଶୁଭେଚ୍ଛା ଜଣାଯାଇଥିଲା। ସୂଚନାଯୋଗ୍ୟ ଯେ, ସମ୍ମାନିତ ଏହି ତିନିଜଣ ଛାତ୍ର ଚଳିତ ଶିକ୍ଷା ବର୍ଷ ରେ ଗୋଡାଲ ଉଚ୍ଚ ବିଦ୍ୟାଳୟର ନବମ ଶ୍ରେଣୀରେ ଅଧ୍ୟୟନ କରୁଛନ୍ତି।
ଏହି କାର୍ଯ୍ୟକ୍ରମରେ ଶିକ୍ଷକ ରାଜେନ୍ଦ୍ର ଖମାରୀ, ନବୀନ ବେହେରା, ଜ୍ଞାନରଞ୍ଜନ ସୁନାନୀ, ନିହାର ରଞ୍ଜନ ଖମାରୀ ଏବଂ ଶିକ୍ଷୟିତ୍ରୀ ଇନ୍ଦୁମତୀ ମାଝୀ ଓ ନମିତା ବେହେରା ପ୍ରମୁଖ ଉପସ୍ଥିତ ରହି ଛାତ୍ରମାନଙ୍କ ସଫଳତା ଏବଂ ପରିବେଶ ସଚେତନତାକୁ ଭୂୟସୀ ପ୍ରଶଂସା କରିବା ସହ ଆଗାମୀ ଦିନରେ ଏହିପରି ମହତ କାର୍ଯ୍ୟ ଜାରି ରଖିବାକୁ ଉତ୍ସାହିତ କରିଥିଲେ।