ଦୁଇ ବର୍ଷହେଲା ରୋଗଗ୍ରସ୍ତ ପବିତ୍ର ଶଯ୍ୟାଶାୟୀ,ସରକାରୀ ସହାୟତା ଅପେକ୍ଷରେ ।

ନୂଆପଡା -୨୧/୭ (ସୁରେନ୍ଦ୍ର ତିୱାରୀ) ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ ଖଇରା ପଞ୍ଚାୟତ ଅନ୍ତର୍ଗତ ଗୋହିରାପଦର ଗ୍ରାମର ରାମ ମାଝୀ ର ପୁଅ ପିଣ୍ଟୁ ଓରଫ ପବିତ୍ର ଦୁରାରୋଗ୍ୟ ରେ ପୀଡିତ ହୋଇ ଶଯ୍ୟାଶାୟୀ ହୋଇ ପଡିଛନ୍ତି। ଅଣ୍ଟା ତାଙ୍କର ବସିଗଲାଣି, ଅଣ୍ଟାରୁ ତଳକୁ ସ୍ନାୟୁ ଚୋକ ହୋଇଗଲାଣି l ପ୍ରଥମେ ନୂଆପଡା ଓ ପରେ ଉତ୍ତମ ଚିକିତ୍ସା ନିମନ୍ତେ ଛତିଶଗଡ଼ ରାଜ୍ୟ ରାୟପୁର ଠାରେ ଏକ ବେସରକାରୀ ଚିକିତ୍ସାଳୟ କୁ ନେଇ ବହୁଦିନ ରଖି ଚିକିତ୍ସା କରିଥିଲେ ମଧ୍ୟ ପିଣ୍ଟୁ ନା ବସିପାରୁଛନ୍ତି ନା ଠିଆ ହୋଇପାରୁଛନ୍ତି l ତାଙ୍କର ଚିକିତ୍ସା ରେ ରାମ ସର୍ବସ୍ବlନ୍ତ ହୋଇଗଲେଣି, ଏଣୁ ବର୍ତ୍ତମାନ ସରକାରୀ ସହାୟତର ଭାରଷାରେ ପରିବାର ଲୋକେଅଛନ୍ତି। ସାହାଯ୍ୟ ନ ପାଇଲେ ଜୀବନ ଟା ଚାଲି ଯାଇ ପରେ ବୋଲି ପରିବାର ବର୍ଗ କହୁଛନ୍ତି । ପବିତ୍ର ର ପିତା ରାମ ମାଝି ନାମ କୁ ମାତ୍ର ଚାଷି, ଆର୍ଥିକ ସ୍ୱଚ୍ଛଳ ନୁହନ୍ତି ଏଣୁ ପ୍ରଶାସନ ପବିତ୍ର ପ୍ରତି ସଦୟ ହୋଇ ଉତ୍ତମ ଚିକିତ୍ସା ନିମନ୍ତେ ଆହୁରି କିଛି ଆର୍ଥିକ ସହାୟତା ଦେବାକୁ ସାଧାରଣ ରେ ଦାବିହେଉଛି।