12
ନୂଆପଡା- ୧୬/୦୪-ନୂଆପଡା ଜିଲ୍ଲାରେ ସାଧାରଣ ବଣ୍ଟନ ବ୍ୟବସ୍ଥା (ପି ଡି ଏସ) କୁ ଅଧିକ ସୁଦୃଢ଼ କରିବା ଏବଂ ଧାନ ଅଧିଗ୍ରହଣ ପ୍ରକ୍ରିୟାରେ ସ୍ୱଚ୍ଛତା ଆଣିବା ପାଇଁ ଏକ ଜିଲ୍ଲା ସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଏହି ବୈଠକ ଅନୁଷ୍ଠିତ ହୋଇଥିଲା।
ଜିଲ୍ଲାରେ ରାସନ ବଣ୍ଟନ ସ୍ଥିତି ଉପରେ ବୈଠକରେ ଜିଲ୍ଲା ଯୋଗାଣ ଅଧିକାରୀ ତ୍ରିନାଥ ଭୋଇ ଜିଲ୍ଲାର ସାମ୍ପ୍ରତିକ ସ୍ଥିତି ସମ୍ପର୍କରେ ତଥ୍ୟ ଉପସ୍ଥାପନ କରିଥିଲେ ।
ସୁଲଭ ବିକ୍ରୟ କେନ୍ଦ୍ର ଜିଲ୍ଲାରେ ମୋଟ ୧୪୮ ଟି କେନ୍ଦ୍ର କାର୍ଯ୍ୟରତ ରହିଛି। ୧୦୯ଟି ଗ୍ରାମ ପଞ୍ଚାୟତ, ୩୮ଟି ମହିଳା ସ୍ୱୟଂ ସହାୟକ ଗୋଷ୍ଠୀ ଏବଂ ୧ ଟି ପୁରୁଷ ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ଏହା ପରିଚାଳିତ ହେଉଛି।
ହିତାଧିକାରୀ -ଜାତୀୟ ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ମୋଟ ୧,୮୯,୯୧୬ ଟି ପରିବାରର ୫,୫୬,୯୯୨ ଜଣ ସଦସ୍ୟ ଉପକୃତ ହେଉଛନ୍ତି।
ଖାଦ୍ୟ ସୁରକ୍ଷା ବ୍ୟବସ୍ଥାକୁ ତ୍ରୁଟିଶୂନ୍ୟ କରିବା ପାଇଁ ଇ-କେୱାଇସି ଉପରେ ଗୁରୁତ୍ୱ ଦିଆଯାଇଛି।
ଜିଲ୍ଲାରେ ଏପର୍ଯ୍ୟନ୍ତ ୯୭.୩୬ ପ୍ରତିଶତ ଇ- କେୱାଇସି କାର୍ଯ୍ୟ ଶେଷ ହୋଇଛି, ଯାହା ପୂର୍ବ ମାସ ତୁଳନାରେ ୦.୪୬% ବୃଦ୍ଧି ପାଇଛି। ଏହା ସହିତ ୨୦୯ଟି ନୂତନ ରାସନ କାର୍ଡ ଜାରି କରାଯାଇଛି। ସେହିପରି ୫,୦୯୭ଟି ପ୍ରବାସୀ ଶ୍ରମିକ ପରିବାରର ୫,୪୨୮ ଜଣ ସଦସ୍ୟଙ୍କୁ ମଧ୍ୟ ରାସନ କାର୍ଡରେ ସାମିଲ କରାଯାଇଛି। ଜିଲ୍ଲାପାଳ ଶ୍ରୀ ଦାଶ ସମସ୍ତ ବିଭାଗୀୟ ଅଧିକାରୀଙ୍କୁ ନିମ୍ନଲିଖିତ ଦିଗ ପ୍ରତି ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି । ଯୋଗ୍ୟ ହିତାଧିକାରୀମାନେ ଯେପରି ଠିକ୍ ସମୟରେ ନିଜର ପ୍ରାପ୍ୟ ରାସନ ପାଇପାରିବେ।
ଧାନ ଅଧିଗ୍ରହଣ ପ୍ରକ୍ରିୟାରେ କୌଣସି ପ୍ରକାର ଅନିୟମିତତାକୁ ବରଦାସ୍ତ କରାଯିବ ନାହିଁ। ବ୍ୟବସ୍ଥାରେ ଥିବା ତ୍ରୁଟିକୁ ସଂଶୋଧନ କରି ଏହାକୁ ଅଧିକ ଲୋକାଭିମୁଖୀ କରିବା।
ଏହି ସମୀକ୍ଷା ବୈଠକରେ ସହକାରୀ ଯୋଗାଣ ଅଧିକାରୀ ହୃଷୀକେଶ ନାୟକ, ପୂର୍ଣାଶା ଭୋଇ, କୋମନା ଯୋଗାଣ ନିରୀକ୍ଷକ ପୂର୍ଣ୍ଣଚନ୍ଦ୍ର ରାଉତ, ବୋଡେନ ଯୋଗାଣ ନିରୀକ୍ଷକ ଆଲୋକ କୁମାର ପଟ୍ଟନାୟକ ଏବଂ ନୂଆପଡା ଯୋଗାଣ ନିରୀକ୍ଷକ ସୁଭଶ୍ରୀ ଦାଶ ପ୍ରମୁଖ ଉପସ୍ଥିତ ଥିଲେ।
