ନୂଆପଡ଼ା : ବେଲଟୁକୁରି ଗ୍ରାମରେ କିଷାନ ମୋର୍ଚ୍ଚା ପକ୍ଷରୁ ପବିତ୍ର ‘ଅଖି ମୁଠି ଅନୁକୂଳ’ କାର୍ଯ୍ୟକ୍ରମ ଅନୁଷ୍ଠିତ।

ନୂଆପଡ଼ା – ୨୦/୪- ଆଜି ପବିତ୍ର ଅକ୍ଷୟ ତୃତୀୟା। ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରାର ରଥ ନିର୍ମାଣ ଅନୁକୂଳ ସହ ଚାଷୀକୂଳ ପାଇଁ ଏହା ଏକ ଅତ୍ୟନ୍ତ ମହତ୍ତ୍ଵପୂର୍ଣ୍ଣ ଦିନ। ଏହି ପବିତ୍ର ଅବସରରେ ନୂଆପଡ଼ା ଜିଲ୍ଲା ବେଲଟୁକୁରି ଗ୍ରାମଠାରେ ଭାରତୀୟ ଜନତା ପାର୍ଟି କିଷାନ ମୋର୍ଚ୍ଚା ପକ୍ଷରୁ ଏକ ଭବ୍ୟ ‘ଅଖି ମୁଠି’ କାର୍ଯ୍ୟକ୍ରମ ଆୟୋଜିତ ହୋଇଯାଇଛି।
ନୂଆପଡ଼ା ଜିଲ୍ଲା କିଷାନ ମୋର୍ଚ୍ଚା ସଭାପତି ରତନ ଚନ୍ଦ୍ରକାରଙ୍କ ପ୍ରତ୍ୟକ୍ଷ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲା ଯୁବ ମୋର୍ଚ୍ଚା ସଭାପତି ଅଭିନନ୍ଦନ ପଣ୍ଡା ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ। ପାରମ୍ପରିକ ରୀତିନୀତି ଅନୁଯାୟୀ, ଚାଷୀ ଭାଇମାନଙ୍କ ଗହଣରେ ବିଲରେ ବିହନ ବୁଣାଯାଇ ଚଳିତ ବର୍ଷର କୃଷି କାର୍ଯ୍ୟର ଶୁଭାରମ୍ଭ କରାଯାଇଥିଲା।
ଏହି ଅବସରରେ ଉପସ୍ଥିତ ସମସ୍ତ ନେତୃବୃନ୍ଦ ଓ ଚାଷୀମାନେ ଇଷ୍ଟଦେବଙ୍କ ନିକଟରେ ପ୍ରାର୍ଥନା କରିଥିଲେ। ଅଭିନନ୍ଦନ ପଣ୍ଡା କହିଛନ୍ତି:
“ଅକ୍ଷୟ ତୃତୀୟା ହେଉଛି କୃଷି ଓ କୃଷକର ସ୍ଵାଭିମାନର ପର୍ବ। ଆଜିର ଏହି ଶୁଭ ଦିନରେ ଆମର ଅନ୍ନଦାତା ଚାଷୀ ଭାଇମାନଙ୍କ ଉନ୍ନତି, ଆର୍ଥିକ ସମୃଦ୍ଧି ଓ ପ୍ରଚୁର ଫସଲ ଅମଳ ପାଇଁ ମୁଁ ଜଗନ୍ନାଥଙ୍କ ନିକଟରେ ମନୋକାମନା କରୁଛି। ସମସ୍ତଙ୍କ ଜୀବନରେ ଆନନ୍ଦ, ସମୃଦ୍ଧି ଓ ସଫଳତା ସଦା ଅକ୍ଷୟ ରହୁ।”
ଅଭିନନ୍ଦନ ପଣ୍ଡା ଜିଲ୍ଲା ସଭାପତି, ଯୁବ ମୋର୍ଚ୍ଚା

ପାରମ୍ପରିକ କୃଷି ପର୍ବର ପାଳନ ଓ କୃଷକ ସମ୍ପର୍କ ଅଭିଯାନ।
ଏହି କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ଚତୁର୍ଭୁଜ ଶର୍ମା, ସଞ୍ଜୟ ତିୱାରୀ, ତୁଲସ ପଟେଲ,ଅଜିତ ପଣ୍ଡା ଓ ସଦାନନ୍ଦ ଯୋଷୀଙ୍କ ସମେତ ସ୍ଥାନୀୟ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି ଓ କାର୍ଯ୍ୟକର୍ତ୍ତା ଉପସ୍ଥିତ ରହି ଚାଷୀମାନଙ୍କୁ ଉତ୍ସାହିତ କରିବା ସହ ଆଗାମୀ ଚାଷ କାର୍ଯ୍ୟ ପାଇଁ ଅଭିନନ୍ଦନ ଜଣାଇଥିଲେ।