ନୂଆପଡ଼ା ଜିଲ୍ଲା ପ୍ରଶାସନର ଅଭିନବ ପ୍ରୟାସ : ଘରେ ଘରେ ପହଞ୍ଚୁଛି ସ୍ୱାସ୍ଥ୍ୟ ସେବା, ଉପକୃତ ହେଉଛନ୍ତି ଶତାଧିକ ବରିଷ୍ଠ ନାଗରିକ।

ନୂଆପଡ଼ା- ୨୭/୪-ବରିଷ୍ଠ ନାଗରିକମାନଙ୍କ ସ୍ୱାସ୍ଥ୍ୟ ସୁରକ୍ଷା ପାଇଁ ନୂଆପଡ଼ା ଜିଲ୍ଲା ପ୍ରଶାସନ ପକ୍ଷରୁ ଏକ ମାନବୀୟ ପଦକ୍ଷେପ ଗ୍ରହଣ କରାଯାଇଛି। ଜିଲ୍ଲାପାଳ ମଧୁସୁଦନ ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଜିଲ୍ଲାର ୮୦ ବର୍ଷରୁ ଉର୍ଦ୍ଧ୍ୱ ବୟସ୍କ ବ୍ୟକ୍ତିମାନଙ୍କ ପାଇଁ “ଘରେ ଘରେ ସ୍ୱାସ୍ଥ୍ୟ ସେବା” ଅଭିଯାନ ସଫଳତାର ସହ ଜାରି ରହିଛି। ଅଭିଯାନର ମୁଖ୍ୟ ବୈଶିଷ୍ଟ୍ୟ ଗୁଡ଼ିକ ହେଲା
ଦ୍ୱାର ଦେଶରେ ଚିକିତ୍ସା ଯୋଗାଇଦେବା। ସ୍ୱାସ୍ଥ୍ୟ ବିଭାଗର ବିଶେଷଜ୍ଞ ଟିମ୍ ପ୍ରତି ଟି ହିତାଧିକାରୀ ଙ୍କ ଘରେ ପହଞ୍ଚି ସ୍ୱାସ୍ଥ୍ୟ ପରୀକ୍ଷା କରୁଛନ୍ତି। ବ୍ୟାପକ ରୁପେ ସ୍ୱାସ୍ଥ୍ୟ ପରୀକ୍ଷା କରାଯାଉଛି ରକ୍ତଚାପ (ବି ପି), ମଧୁମେହ (ଡାଇବେଟିସ) ଭଳି ଗୁରୁତ୍ୱପୂର୍ଣ୍ଣ ପରୀକ୍ଷା ସହିତ ମାଗଣା ଔଷଧ ବଣ୍ଟନ କରାଯାଉଛି।
ଫିଜିଓଥେରାପି ସେବା ମଧ୍ୟ ଦିଆଯାଉଛି।ଚଳପ୍ରଚଳ ରେ ଅସୁବିଧା ଭୋଗୁଥିବା ବୃଦ୍ଧବୃଦ୍ଧାଙ୍କ ପାଇଁ ଘରୋଇ ଫିଜିଓଥେରାପି ସୁବିଧା ମଧ୍ୟ ଉପଲବ୍ଧ କରାଯାଉଛି।
“ଆମର ଲକ୍ଷ୍ୟ ହେଉଛି ଜିଲ୍ଲାର କୌଣସି ବି ଅସହାୟ ବରିଷ୍ଠ ନାଗରିକ ଯେପରି ଚିକିତ୍ସା ସେବା ରୁ ବଞ୍ଚିତ ନ ହୁଅନ୍ତି। ଆଗାମୀ ଦିନରେ ଏହି ଅଭିଯାନକୁ ଆହୁରି ବ୍ୟାପକ କରାଯିବ।” ବୋଲି
ଜିଲ୍ଲାପାଳ ଶ୍ରୀ ଦାଶ କହିଛନ୍ତି। ବର୍ତ୍ତମାନର ସ୍ଥିତି ଓ ସଫଳତା ଦେଖିଲେ, ବର୍ତ୍ତମାନ ସୁଦ୍ଧା ଜିଲ୍ଲାର ପ୍ରାୟ ୮୦ ଜଣ ବୟସ୍କ ବ୍ୟକ୍ତି ଙ୍କୁ ଚିହ୍ନଟ କରାଯାଇ ସେମାନଙ୍କୁ ନିୟମିତ ସେବା ପ୍ରଦାନ କରାଯାଉଛି। ହସ୍ପିଟାଲ ଯିବା ପାଇଁ ସକ୍ଷମ ନଥିବା ବୃଦ୍ଧବୃଦ୍ଧାମାନେ ନିଜ ଘର ପରିବେଶରେ ଡାକ୍ତରୀ ସେବା ପାଇ ପାରୁଥିବା ରୁ ସ୍ଥାନୀୟ ଅଞ୍ଚଳରେ ଆନନ୍ଦ ର ଲହରି ଖେଳିଯାଇଛି।
ସ୍ୱାସ୍ଥ୍ୟ ବିଭାଗର ଅଧିକାରୀଙ୍କ ସୂଚନା ଅନୁଯାୟୀ, ଏହି କାର୍ଯ୍ୟକ୍ରମ ଦ୍ୱାରା ବୟସ୍କମାନଙ୍କ ମଧ୍ୟରେ ଦେଖାଦେଉଥିବା ଜଟିଳ ସ୍ୱାସ୍ଥ୍ୟ ସମସ୍ୟାକୁ ପ୍ରାରମ୍ଭିକ ସ୍ତର ରୁ ଚିହ୍ନଟ କରାଯାଇ ସମାଧାନ କରାଯାଇପାରୁଛି। ପ୍ରଶାସନର ଏହି ଜନହିତକର କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।