ନିଟ ୟୁଜି ପ୍ରସଙ୍ଗକୁ ନେଇ ନୂଆପଡ଼ାରେ କଂଗ୍ରେସର ବିକ୍ଷୋଭ, କେନ୍ଦ୍ର ସରକାରଙ୍କ ବିରୋଧରେ କୁଶପୁତ୍ତଳିକା ଦାହ।

ନୂଆପଡ଼ା -୨୩/୭- ସର୍ବଭାରତୀୟ ସ୍ତରରେ ଆୟୋଜିତ NEET UG ପ୍ରବେଶିକା ପରୀକ୍ଷାରେ କଥିତ ଅନିୟମିତତା ଓ ଦୁର୍ନୀତି ଅଭିଯୋଗକୁ କେନ୍ଦ୍ର କରି ଦେଶବ୍ୟାପୀ ପ୍ରତିବାଦ ମଧ୍ୟରେ ଆଜି ନୂଆପଡ଼ାରେ ଜିଲ୍ଲା କଂଗ୍ରେସ ପକ୍ଷ ରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଦଳ ପକ୍ଷରୁ କେନ୍ଦ୍ରୀୟ ଶିକ୍ଷାମନ୍ତ୍ରୀଙ୍କ ଇସ୍ତଫା ଦାବି କରାଯାଇଥିବା ସହ ଦିଲ୍ଲୀର ଜନ୍ତର ମନ୍ତରରେ ପ୍ରତିବାଦରତ ଛାତ୍ରଛାତ୍ରୀ ଙ୍କ ଉପରେ ପୋଲିସ କାର୍ଯ୍ୟାନୁଷ୍ଠାନ କୁ କଡ଼ା ନିନ୍ଦା କରାଯାଇଛି।
ଜିଲ୍ଲା କଂଗ୍ରେସର କହିବା ଅନୁଯାୟୀ, ଛାତ୍ରଛାତ୍ରୀଙ୍କ ପ୍ରତି କରାଯାଇଥିବା ପୋଲିସ କାର୍ଯ୍ୟାନୁଷ୍ଠାନ ଗଣତାନ୍ତ୍ରିକ ଅଧିକାର ଉପରେ ଆଘାତ। ସେହିପରି ବିରୋଧୀ ଦଳ ନେତା ରାହୁଲ ଗାନ୍ଧୀ ଏବଂ ଓଡ଼ିଶା ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସଙ୍କ ବିରୋଧରେ ପୋଲିସ କାର୍ଯ୍ୟକୁ ମଧ୍ୟ ଦଳ ପକ୍ଷରୁ ବିରୋଧ କରାଯାଇଛି।

ଏହାର ପ୍ରତିବାଦରେ ଗୁରୁବାର ସନ୍ଧ୍ୟା ପ୍ରାୟ ୬ ଟା ସମୟ ରେ ନୂଆପଡ଼ା ସ୍ଥିତ ସ୍ୱର୍ଗତ ଘାସିରାମ ମାଝୀ ଛକ ରେ ଜିଲ୍ଲା କଂଗ୍ରେସ ପକ୍ଷରୁ କେନ୍ଦ୍ରୀୟ ଶିକ୍ଷାମନ୍ତ୍ରୀ, ଗୃହମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଥିଲା।
ଜିଲ୍ଲା କଂଗ୍ରେସ ସଭାପତି ଘାସିରାମ ମାଝୀଙ୍କ ନେତୃତ୍ୱରେ ଆୟୋଜିତ ଏହି ବିକ୍ଷୋଭ କାର୍ଯ୍ୟକ୍ରମ ରେ ଭରତ ରାଉତ, ରବି ମଙ୍ଗରାଜ, ମହେଶ ନିଆଲ, ଦେବଦତ୍ତ ଦିକ୍ଷୀତ, ସୌରଭ ଚନ୍ଦ୍ରକାର, ମନୁ ଯାଦବ, ଅନିଲ ପଟେଲ, ଚୁନୁଲାଲ ଶବର, ପ୍ରମୋଦ ରାଉତ, ହରି ମାଝୀ, ଜିତୁ ସାହୁ, ମେହମ୍ମୁଦ ଖାନ, ଦେବେନ୍ଦ୍ର ପଟେଲଙ୍କ ସମେତ ବହୁ କଂଗ୍ରେସ କର୍ମୀ ଓ ସମର୍ଥକ ଉପସ୍ଥିତ ଥିଲେ।