ଖଡ଼ିଆଳ ପୋଲିସର ବଡ଼ ସଫଳତା : ଜୁଆ ଆଡ୍ଡା ଉପରେ ଚଢ଼ାଉ, ୪ ଜଣ ଗିରଫ,ନଗଦ ୪୦ ହଜାର ରୁ ଉର୍ଦ୍ଧ୍ ଟଙ୍କା ଜବତ।

ନୂଆପଡ଼ା -୨୬/୭- ଗତ କାଲି ଏକ ଜୁଆ ଆଡ୍ଡା ଉପରେ ଚଢ଼ାଉ କରି ୪୦ ହଜାର ରୁ ଉର୍ଦ୍ଧ୍ ଟଙ୍କା ସହ ଯୁଆଡି ଙ୍କୁ ଗିରଫ କରି ବାରେ ସଫଳ ହୋଇଛି। ଖଡ଼ିଆଳ ଥାନା କେସ୍ ନଂ ୨୬୧/୨୬ ଅନୁସାରେ ଓଡ଼ିଶା ପ୍ରିଭେନସନ୍ ଅଫ୍ ଗ୍ୟାମ୍ବଲିଂ (ଓପିଜି) ଆକ୍ଟର ଧାରା–୩ ଅଧୀନରେ ପୋଲିସ ପକ୍ଷରୁ ଏକ ଜୁଆ ଆଡ୍ଡା ଉପରେ ଚଢ଼ାଉ କରାଯାଇ ୪ ଜଣଙ୍କୁ ଗିରଫ କରାଯାଇଛି।
ଚଢ଼ାଉ ସମୟରେ ଅଭିଯୁକ୍ତମାନ ଙ୍କ ନିକଟରୁ ବିଭିନ୍ନ ମୂଲ୍ୟର ନୋଟରେ ମୋଟ ₹୪୦,୫୦୦ ନଗଦ, ୫୨ ଟି ତାସ ପତ୍ର, ୪ ଟି ମୋବାଇଲ୍ ଫୋନ୍ ଏବଂ ଏକ ଧଳା ରଙ୍ଗର ଗାମୁଛା ଜବତ କରାଯାଇଛି।
ଗିରଫ ହୋଇଥିବା ଅଭିଯୁକ୍ତମାନେ ହେଲେ, ବସନ୍ତ ସ୍ୱାଇଁ (୩୯) ରାୟଗଡ଼ା ଜିଲ୍ଲା ଅମ୍ବାଦଳା ନିବାସୀ, ବର୍ତ୍ତମାନ ଖଡ଼ିଆର ମହାମାୟା କଲେଜ ସମ୍ମୁଖ ଇରିଗେସନ୍ କଲୋନୀ ରେ ରହୁଛନ୍ତି। ଇନ୍ଦୋର ବାଗ (୫୨) ମୂଳ ଘର କୋଡ଼ାବେଡ଼ା, ବର୍ତ୍ତମାନ ସିନାପାଲି ଥାନା ଅଧୀନ ଗଣ୍ଡବାହାଳୀ, ମୋହନ ସତନାମୀ (୩୮) ସତନାମୀପଡ଼ା, ଖଡ଼ିଆଳ , ଉମାକାନ୍ତ ସାହୁ (୩୫), ସାହୁପଡ଼ା, ୱାର୍ଡ ନଂ–୫, ଖଡ଼ିଆଳ ବୋଲି ଜଣାପଡିଛି।
ପୋଲିସ ସମସ୍ତଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଜାରି ରଖିଛି। ଜିଲ୍ଲାରେ ଅବୈଧ ଜୁଆ ଓ ଅସାମାଜିକ କାର୍ଯ୍ୟକଳାପ ବିରୋଧରେ ଆଗାମୀ ଦିନରେ ମଧ୍ୟ ଏଭଳି କଡ଼ା କାର୍ଯ୍ୟାନୁଷ୍ଠାନ ଜାରି ରହିବ ବୋଲି ପୋଲିସ ସୂଚନା ଦେଇଛି।