ଯୁବ ସାମ୍ବାଦିକ ରାଜ କିରଣ ସିଂହ ଦେଓଙ୍କ ଅକାଳ ବିୟୋଗରେ ମର୍ମାହତ ବିଜେପି ଜିଲ୍ଲା ସମ୍ପାଦକ ଅଭିନନ୍ଦନ ପଣ୍ଡା।

ନୂଆପଡ଼ା -୬/୮- ଯୁବ ସାମ୍ବାଦିକ ସ୍ୱର୍ଗତ ରାଜ କିରଣ ସିଂହ ଦେଓଙ୍କ ଅକାଳ ବିୟୋଗରେ ବିଜେପି ଜିଲ୍ଲା ସମ୍ପାଦକ ତଥା ଯୁବ ସଂଗଠକ ଅଭିନନ୍ଦନ ପଣ୍ଡା ଗଭୀର ଶୋକ ଓ ମର୍ମବେଦନା ପ୍ରକାଶ କରିଛନ୍ତି।
ସେ କହିଛନ୍ତି ଯେ, ରାଜ କିରଣ ସିଂହ ଦେଓଙ୍କ ସହିତ ହୋଇଥିବା ପ୍ରତ୍ୟେକ କଥାବାର୍ତ୍ତା ହେଉ କି ତାଙ୍କ ସହ ଉଠାଇଥିବା ସେହି ଶେଷ ଫଟୋ—ଆଜି ସବୁକିଛି ଅମଳିନ ସ୍ମୃତି ପାଲଟିଯାଇଛି। ଏତେ କମ୍ ବୟସରେ ସେ ଆମ ସମସ୍ତଙ୍କୁ ଛାଡ଼ି ଚାଲିଯିବେ ବୋଲି କେହି କଳ୍ପନା ମଧ୍ୟ କରିନଥିଲେ। ଏହି ଅପୂରଣୀୟ କ୍ଷତି କେବଳ ସାମ୍ବାଦିକ ଜଗତ ପାଇଁ ନୁହେଁ, ବରଂ ସମଗ୍ର ସମାଜ ପାଇଁ ଏକ ବଡ଼ ଶୂନ୍ୟସ୍ଥାନ ସୃଷ୍ଟି କରିଛି।
ସ୍ୱର୍ଗତ ରାଜ କିରଣ ସିଂହ ଦେଓ ଜଣେ ସଚ୍ଚୋଟ, ନିର୍ଭୀକ, ନିଷ୍ଠାବାନ ଓ କର୍ତ୍ତବ୍ୟପରାୟଣ ଯୁବ ସାମ୍ବାଦିକ ଭାବେ ସର୍ବଦା ସ୍ମରଣୀୟ ରହିବେ। ସାମ୍ବାଦିକତା ପ୍ରତି ତାଙ୍କର ନିଷ୍ଠା, ସତ୍ୟନିଷ୍ଠା ଓ ସମାଜସେବାର ମନୋଭାବ ସମସ୍ତଙ୍କ ପାଇଁ ପ୍ରେରଣାଦାୟକ ହୋଇ ରହିବ।
ଅଭିନନ୍ଦନ ପଣ୍ଡା ପରମପିତା ପରମେଶ୍ୱରଙ୍କ ନିକଟରେ ପ୍ରାର୍ଥନା କରିଛନ୍ତି ଯେ, ସ୍ୱର୍ଗତ ରାଜ କିରଣ ସିଂହ ଦେଓଙ୍କ ଅମର ଆତ୍ମାକୁ ସଦ୍‌ଗତି ପ୍ରଦାନ କରନ୍ତୁ ଏବଂ ଶୋକସନ୍ତପ୍ତ ପରିବାରକୁ ଏହି ଦୁଃଖଦ ସମୟରେ ଅସୀମ ଧୈର୍ଯ୍ୟ ଓ ସାହସ ପ୍ରଦାନ କରନ୍ତୁ।
ସ୍ୱର୍ଗତ ରାଜ କିରଣ ସିଂହ ଦେଓଙ୍କ ପ୍ରତି ବିନମ୍ର ଅଶ୍ରୁଳ ଶ୍ରଦ୍ଧାଞ୍ଜଳି। ଓଁ ଶାନ୍ତି। ମାରାଗୁଡ଼ା ଡିଜିଟାଲ ମିଡ଼ିଆ ୱେବ ସାଇଟ୍ ତରଫ ରୁ ଅଶ୍ରୁଳ ଶ୍ରଦ୍ଧାଞ୍ଜଳି।