ଜାତୀୟ କ୍ରୀଡ଼ା ଦିବସ-୨୦୨୬ : ନୂଆପଡ଼ାରେ ଆୟୋଜିତ ହେବ ‘MY Bharat – Yuva Connect’ କାର୍ଯ୍ୟକ୍ରମ – ସାମ୍ବାଦିକ ସମ୍ମିଳନୀରେ ସୂଚନା।

ନୂଆପଡ଼ା -୨୫/୦୮- ଆଗାମୀ ଜାତୀୟ କ୍ରୀଡ଼ା ଦିବସ-୨୦୨୬ ଅବସରରେ ଯୁବପିଢ଼ିଙ୍କୁ କ୍ରୀଡ଼ା, ସକ୍ରିୟ ଯୁବ ଅଂଶଗ୍ରହଣ ଏବଂ ରାଷ୍ଟ୍ର ନିର୍ମାଣ ପ୍ରକ୍ରିୟା ସହ ଯୋଡ଼ିବା ଉଦ୍ଦେଶ୍ୟରେ ଆୟୋଜିତ ହେବାକୁ ଯାଉଛି ‘MY Bharat – National Sports Day 2026, Yuva Connect Programme’। ଏ ନେଇ ଆଜି ନୂଆପଡ଼ା ସିଲଦା ସ୍ଥିତ ନ୍ୟାସନାଲ କଲେଜ ପରିସରରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇ ସବିଶେଷ ସୂଚନା ପ୍ରଦାନ କରାଯାଇଛି।
​କଲେଜର ଅଧ୍ୟକ୍ଷ ହିତେଶ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସାମ୍ବାଦିକ ସମ୍ମିଳନୀରେ ପ୍ରକାଶ କରାଯାଇଛି ଯେ, ଭାରତ ସରକାରଙ୍କ ଯୁବ କାର୍ଯ୍ୟକ୍ରମ ଓ କ୍ରୀଡ଼ା ମନ୍ତ୍ରଣାଳୟ ତଥା ଭୁବନେଶ୍ୱରସ୍ଥିତ ଏନ୍‌ଏସ୍‌ଏସ୍‌ (NSS) ରିଜିଓନାଲ୍ ଡାଇରେକ୍ଟୋରେଟ୍‌ ପକ୍ଷରୁ ସମଗ୍ର ଓଡ଼ିଶାରୁ ୬୦ଟି ପ୍ରମୁଖ ମହାବିଦ୍ୟାଳୟ/ଅନୁଷ୍ଠାନକୁ ଏହି କାର୍ଯ୍ୟକ୍ରମ ପାଇଁ ଚୟନ କରାଯାଇଛି। ସେଥିମଧ୍ୟରୁ ନୂଆପଡ଼ା ଜିଲ୍ଲାର ନ୍ୟାସନାଲ କଲେଜ (ନୂଆପଡ଼ା) ଏବଂ ଖଡ଼ିଆଳ ସ୍ୱୟଂଶାସିତ କଲେଜ ମନୋନୀତ ହୋଇଛନ୍ତି।

​🔷 କାର୍ଯ୍ୟକ୍ରମର ମୁଖ୍ୟ ଆକର୍ଷଣ:
​ପ୍ରଧାନମନ୍ତ୍ରୀଙ୍କ ଭର୍ଚୁଆଲ୍ ସମ୍ବୋଧନ: ଆସନ୍ତା ୨୭ ଅଗଷ୍ଟ ୨୦୨୬ରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମରେ ମାନ୍ୟବର ପ୍ରଧାନମନ୍ତ୍ରୀଙ୍କ ଭର୍ଚୁଆଲ୍ ସମ୍ବୋଧନ ରହିବ।
​🔷 ଯୁବ ସଂଳାପ ଓ ଚର୍ଚ୍ଚା: ପ୍ରଧାନମନ୍ତ୍ରୀଙ୍କ ଅଭିଭାଷଣ ପରେ ସ୍ଥାନୀୟ କ୍ରୀଡ଼ାବିତ୍‌, ଜନପ୍ରତିନିଧି ଏବଂ ଯୁବପିଢ଼ିଙ୍କ ମଧ୍ୟରେ କ୍ରୀଡ଼ା ଓ ଯୁବ ବିକାଶ ଉପରେ ପ୍ୟାନେଲ୍ ଆଲୋଚନା ତଥା ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ।
​🔷 ଡିଜିଟାଲ୍ ବ୍ୟବସ୍ଥା ଓ ପରିଚାଳନା : ନିରବଚ୍ଛିନ୍ନ ଲାଇଭ୍ ସ୍କ୍ରିନିଂ, ଅଡିଓ-ଭିଜୁଆଲ୍ ପ୍ରୋଜେକ୍ସନ୍ ଏବଂ ହାଇ-ସ୍ପିଡ୍ ଇଣ୍ଟରନେଟ୍ ବ୍ୟବସ୍ଥା ସୁନିଶ୍ଚିତ କରାଯାଇଛି।
​🔷 NSS ସ୍ୱେଚ୍ଛାସେବୀଙ୍କ ଭୂମିକା : ଅତିଥି ସ୍ୱାଗତ, ଶୃଙ୍ଖଳା ରକ୍ଷା ତଥା ସାମଗ୍ରିକ ପରିଚାଳନା ପାଇଁ NSS ସ୍ୱେଚ୍ଛାସେବୀମାନଙ୍କୁ ସ୍ୱତନ୍ତ୍ର ଭାବେ ନିୟୋଜିତ କରାଯିବ।
​🔷 MY Bharat ପୋର୍ଟାଲ୍ ସଂଯୋଗ : ଏହି କାର୍ଯ୍ୟକ୍ରମକୁ MY Bharat ପୋର୍ଟାଲ୍‌ରେ ଏକ ସ୍ୱତନ୍ତ୍ର ଇଭେଣ୍ଟ ଭାବେ ପଞ୍ଜୀକୃତ କରାଯାଇଛି।
​କାର୍ଯ୍ୟକ୍ରମର ପ୍ରସ୍ତୁତି ସ୍ୱରୂପ ଗତ ୨୧ ଅଗଷ୍ଟରେ ସମସ୍ତ ନୋଡାଲ ଅଫିସର ଏବଂ NSS ପ୍ରୋଗ୍ରାମ ଅଫିସରଙ୍କୁ ନେଇ ଏକ ଭର୍ଚୁଆଲ୍ ବୈଠକ ମଧ୍ୟ ଅନୁଷ୍ଠିତ ହୋଇଯାଇଛି।
​ଆଜିର ଏହି ସାମ୍ବାଦିକ ସମ୍ମିଳନୀରେ ଅଧ୍ୟକ୍ଷ ହିତେଶ କୁମାର ସାହୁଙ୍କ ସମେତ ମାଇ ଯୁବ ଭାରତ (MY Bharat)ର ଜିଲ୍ଲା ଯୁବ ଅଧିକାରୀ ଅଙ୍କିତ ଶର୍ମା, NSS କାର୍ଯ୍ୟକ୍ରମ ଅଧିକାରୀ ହେମଲ ସା, ଗଣିତ ବିଭାଗ ମୁଖ୍ୟ ନନ୍ଦିନୀ ମଞ୍ଜରୀ ହୋତା, ରସାୟନ ବିଜ୍ଞାନ ବିଭାଗ ମୁଖ୍ୟ ବୈଦ୍ୟନାଥ ଗର୍ତ୍ତିଆ ଏବଂ ଶାରୀରିକ ଶିକ୍ଷା ପ୍ରଶିକ୍ଷକ (PET) ପ୍ରକାଶ କୁମାର ସାହୁ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମର ସଫଳତା ପାଇଁ ଯୁବପିଢ଼ି ତଥା ଛାତ୍ରଛାତ୍ରୀଙ୍କ ସକ୍ରିୟ ଅଂଶଗ୍ରହଣ କାମନା କରିଥିଲେ।
​