ନୂଆପଡ଼ା -୨୮/୦୯- ନୂଆପଡ଼ା ଜିଲ୍ଲାର ଖରିଆର ରୋଡ୍ NAC କାର୍ଯ୍ୟାଳୟ ପରିସରରେ ସୋମବାର ନଗରର ବିଭିନ୍ନ ୱାର୍ଡର ଆବଶ୍ୟକତା ଥିବା ପରିବାରମାନଙ୍କୁ ରାସନ କାର୍ଡ ବଣ୍ଟନ କରାଯାଇଛି। ଏହା ମାଧ୍ୟମରେ ଯୋଗ୍ୟ ପରିବାରମାନେ ଖାଦ୍ୟ ସୁରକ୍ଷା ସହିତ ସରକାରଙ୍କ ବିଭିନ୍ନ ଜନକଲ୍ୟାଣମୂଳକ ଯୋଜନାର ସୁବିଧା ପାଇବାରେ ଅଧିକ ସୁଯୋଗ ପାଇବେ।
ଏହି ଅବସରରେ ଖରିଆର ରୋଡ୍ NAC ଅଧ୍ୟକ୍ଷା ଡ଼. ସୋନିଆ ଜୈନ କହିଥିଲେ, “ରାସନ କାର୍ଡ କେବଳ ଏକ ଦସ୍ତାବିଜ ନୁହେଁ; ଏହା ଆବଶ୍ୟକତା ଥିବା ପରିବାରଙ୍କୁ ଖାଦ୍ୟ ସୁରକ୍ଷା ଏବଂ ସରକାରଙ୍କ ଜନକଲ୍ୟାଣକାରୀ ଯୋଜନା ସହିତ ଯୋଡ଼ିବାର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ।”
ସେ ଆହୁରି କହିଥିଲେ ଯେ, ସରକାରୀ ଯୋଜନାର ସୁବିଧା ପ୍ରତ୍ୟେକ ଯୋଗ୍ୟ ବ୍ୟକ୍ତି ଓ ପରିବାରଙ୍କ ନିକଟରେ ସମୟୋଚିତ ଏବଂ ସ୍ୱଚ୍ଛ ଭାବରେ ପହଞ୍ଚାଇବା ପାଇଁ NAC ପକ୍ଷରୁ ନିରନ୍ତର ପ୍ରୟାସ ଜାରି ରହିଛି।
“ଜନସେବା ଓ ଜନକଲ୍ୟାଣର ସଂକଳ୍ପ ସହ ଖରିଆର ରୋଡ୍ର ପ୍ରତ୍ୟେକ ଆବଶ୍ୟକତା ଥିବା ପରିବାରଙ୍କ ନିକଟରେ ସରକାରୀ ଯୋଜନାର ଲାଭ ପହଞ୍ଚାଇବା ପାଇଁ ଆମେ ସଦା ପ୍ରତିବଦ୍ଧ। ଜନତାଙ୍କ ଆବଶ୍ୟକତା—ଆମର ଦାୟିତ୍ୱ। ସେବା ପରମୋ ଧର୍ମଃ।” ବୋଲି ଡ଼. ସୋନିଆ ଜୈନ ପ୍ରକାଶ କରିଥିଲେ।
କାର୍ଯ୍ୟକ୍ରମରେ ସନ୍ଦିପ ଶର୍ମା ତଥା ବିଭିନ୍ନ ୱାର୍ଡ଼ ର କାଉନସଲର, NAC ର କାର୍ଯ୍ୟନିର୍ବାହୀ ଅଧିକାରୀ କୁରୁକ୍ଷେତ୍ର ନାୟକଙ୍କ ସମେତ କାର୍ଯ୍ୟାଳୟର ବହୁ କର୍ମଚାରୀ ଉପସ୍ଥିତ ଥିଲେ। ରାସନ କାର୍ଡ ପାଇଥିବା ପରିବାରମାନଙ୍କ ମଧ୍ୟରେ ସରକାରୀ ଖାଦ୍ୟ ସୁରକ୍ଷା ବ୍ୟବସ୍ଥା ପ୍ରତି ଆଶା ସୃଷ୍ଟି ହୋଇଛି।
