ନୂଆପଡ଼ା ରାଜନୀତିରେ ବଡ଼ ଧମାକା: ବିଜେପିରେ ସାମିଲ ହେଲେ ବିଜେଡି ଓ କଂଗ୍ରେସର ଟାଣୁଆ ନେତା!

ନୂଆପଡ଼ା -୨୬/୦୭- ନୂଆପଡ଼ା ଜିଲ୍ଲା ରାଜନୀତିରେ ଏକ ବଡ଼ ଧରଣର ଓଲଟପାଲଟ ଦେଖିବାକୁ ମିଳିଛି। ଗତକାଲି ଭୁବନେଶ୍ୱର ସ୍ଥିତ ବିଜେପି ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ଏକ ଭବ୍ୟ ମିଶ୍ରଣ ପର୍ବରେ ଅନ୍ୟ ଦଳର ଅନେକ ଆଗଧାଡ଼ିର ନେତା ଓ ଶତାଧିକ ସମର୍ଥକ ଭାରତୀୟ ଜନତା ପାର୍ଟି (ବିଜେପି)ର ପଦ୍ମ ଧରିଛନ୍ତି।
ବିଜେପି ରେ ଯୋଗଦେଇ ଥିବା ଜିଲ୍ଲା ର ପ୍ରମୁଖ ଚେହେରା ହେଲେ,
ମାଲ୍ୟବନ୍ତ ସୁନା (ଜିଲ୍ଲା ପରିଷଦ ସଦସ୍ୟ)
ମୁରଲୀଧର ଭୋଇ (ଜିଲ୍ଲା ପରିଷଦ ସଦସ୍ୟ)
ଉମା ଠାକୁର (ଜିଲ୍ଲା ପରିଷଦ ସଦସ୍ୟ)
କ୍ଷମା ନିଆଲ (କୋମନା ବ୍ଲକ ବିଜେଡି ସଭାପତି)
ବୃନ୍ଦାବନ ମହାନନ୍ଦ (ବରିଷ୍ଠ କଂଗ୍ରେସ ନେତା)
ନିଜର ଶତାଧିକ ସମର୍ଥକଙ୍କ ଗହଣରେ ବିଜେପିରେ ସାମିଲ ହୋଇ ଏହି ନେତାମାନେ ଆଗାମୀ ଦିନରେ ଦଳକୁ ଆହୁରି ସୁଦୃଢ଼ କରିବା ପାଇଁ ଦୃଢ଼ ସଂକଳ୍ପ ନେଇଛନ୍ତି। ଏଠାରେ ସୂଚନା ଯୋଗ୍ୟ ଯେ, କଳାହାଣ୍ଡି ଜିଲ୍ଲା ର ବିଜେଡି ନେତା ପୁଷ୍ପେନ୍ଦ୍ର ସିଂ ଦେଓ ଙ୍କ ସହ ୭ ଜଣ ଜିଲ୍ଲା ପରିଷଦ ସଭ୍ୟ ଓ କାର୍ଲାମୁଣ୍ଡା ସମିତି ଅଧ୍ୟକ୍ଷା ମଧ୍ୟ ଏହି ମିଶ୍ରଣ ପର୍ବ ରେ ବିଜେଡି ଛାଡ଼ି ବିଜେପି ରେ ଯୋଗ ଦେଇଛନ୍ତି ବୋଲି ସୂଚନା ମିଳିଛି।
ବରିଷ୍ଠ ନେତୃବୃନ୍ଦ ଙ୍କ ଉପସ୍ଥିତି ରେ ସ୍ୱାଗତ।
ଏହି ବୃହତ୍ ମିଶ୍ରଣ ପର୍ବରେ ବିଜେପି ରାଜ୍ୟ ସଭାପତି ମନମୋହନ ସାମଲ, ରାଜ୍ୟସଭା ସାଂସଦ ସୁଜିତ କୁମାର, ସାଂସଦ ମାଳବିକା ଦେବୀ, ବିଧାୟକ ସୁଧୀର କୁମାର ପାଟ୍ଟଯୋଶୀ ଏବଂ ନୂଆପଡ଼ା ବିଧାୟକ ଜୟ ଢୋଲକିଆ, ପୁର୍ବତନ ବିଧାୟକ ହିତେଶ ବଗର୍ତ୍ତି,ପ୍ରସନ୍ନ ପାଢୀ, ଯଦୁମଣି ପାଣିଗ୍ରାହୀ, ମନିଜର ଆର୍ଯ୍ୟ , ଲମ୍ବୋଦର ନୀଆଲଙ୍କ ସମେତ ଦଳର ବହୁ ବରିଷ୍ଠ ନେତୃବୃନ୍ଦ ଉପସ୍ଥିତ ରହି ନବାଗତ ନେତାମାନଙ୍କୁ ଦଳୀୟ ଉତ୍ତରୀୟ ପିନ୍ଧାଇ ସମ୍ବର୍ଦ୍ଧିତ କରିଥିଲେ।
ଏହି ବଡ଼ ଧରଣର ମିଶ୍ରଣ ପରେ ନୂଆପଡ଼ା ଜିଲ୍ଲା ରାଜନୀତିର ସମୀକରଣ ସମ୍ପୂର୍ଣ୍ଣ ବଦଳି ଯାଇଛି। ଆଗାମୀ ଦିନରେ ଏହା ଜିଲ୍ଲା ରାଜନୀତିରେ ଗଭୀର ପ୍ରଭାବ ପକାଇବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଜୋର ଧରିଛି।