ପ୍ରଚଣ୍ଡ ଗ୍ରୀଷ୍ମ ପ୍ରବାହ : ନୂଆପଡ଼ା ଜିଲ୍ଲାରେ ୩ ଦିନ ପାଇଁ ସମସ୍ତ ଶିକ୍ଷାନୁଷ୍ଠାନ ବନ୍ଦ ।

ନୂଆପଡ଼ା -୧୯/୪- ରାଜ୍ୟରେ ଜାରି ରହିଥିବା ଅସହ୍ୟ ଗ୍ରୀଷ୍ମ ପ୍ରବାହ ଓ ଭାରତୀୟ ପାଣିପାଗ ବିଭାଗ (ଆଇ ଏମ ଡି) ପକ୍ଷରୁ ଜାରି ‘ରେଡ୍ ୱାର୍ଣ୍ଣିଂ’କୁ ଦୃଷ୍ଟିରେ ରଖି ନୂଆପଡ଼ା ଜିଲ୍ଲା ପ୍ରଶାସନ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି। ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟ ଓ ସୁରକ୍ଷାକୁ ପ୍ରାଥମିକତା ଦେଇ ଜିଲ୍ଲାର ସମସ୍ତ ବିଦ୍ୟାଳୟକୁ ଆସନ୍ତା ୩ ଦିନ ପାଇଁ ବନ୍ଦ ରଖିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି।
ଏପ୍ରିଲ ୨୦ (ସୋମବାର) ରୁ ଏପ୍ରିଲ ୨୨ (ବୁଧବାର) ପର୍ଯ୍ୟନ୍ତ ସରକାରୀ, ଅନୁଦାନପ୍ରାପ୍ତ ଏବଂ ବେସରକାରୀ ଶିକ୍ଷାନୁଷ୍ଠାନ (ପ୍ରାଥମିକରୁ ଉଚ୍ଚ ମାଧ୍ୟମିକ)। ଏଥିସହିତ ଓଡ଼ିଶା ଆଦର୍ଶ ବିଦ୍ୟାଳୟ, କେନ୍ଦ୍ରୀୟ ବିଦ୍ୟାଳୟ, ଜବହାର ନବୋଦୟ ଏବଂ ଏକଲବ୍ୟ ମଡେଲ୍ ସ୍କୁଲ ମଧ୍ୟ ବନ୍ଦ ରହିବ।
ପରୀକ୍ଷା ସମ୍ବନ୍ଧୀୟ ସୂଚନା:-
ସ୍କୁଲ ଛୁଟି ଘୋଷଣା ହୋଇଥିଲେ ସୁଦ୍ଧା ପଞ୍ଚମ ଓ ଅଷ୍ଟମ ଶ୍ରେଣୀର ସପ୍ଲିମେଣ୍ଟାରୀ ପରୀକ୍ଷା ପୂର୍ବ ନିର୍ଦ୍ଧାରିତ ସୂଚୀ ଅନୁଯାୟୀ ସକାଳ ୭ ଟାରୁ ୯ଟା ମଧ୍ୟରେ ଅନୁଷ୍ଠିତ ହେବ। ପରୀକ୍ଷାର୍ଥୀଙ୍କୁ ଖରାରୁ ରକ୍ଷା କରିବା ପାଇଁ ପରୀକ୍ଷା କେନ୍ଦ୍ରଗୁଡ଼ିକରେ ପର୍ଯ୍ୟାପ୍ତ ପାନୀୟ ଜଳ, ଓଆରଏସ୍ (ଓଆରଏସ) ଏବଂ ଫଳ ରସର ବ୍ୟବସ୍ଥା କରିବାକୁ ଜିଲ୍ଲାପାଳ ମଧୁସୁଦନ ଦାଶ ନିର୍ଦ୍ଦେଶ ଦେଇଛନ୍ତି।
ସ୍କୁଲରେ ପାଠପଢ଼ା ବନ୍ଦ ରହିଲେ ମଧ୍ୟ ସମସ୍ତ ଶିକ୍ଷକ ଓ ଅଣ-ଶିକ୍ଷକ କର୍ମଚାରୀ କାର୍ଯ୍ୟକ୍ଷେତ୍ରରେ ଉପସ୍ଥିତ ରହିବେ। ସେମାନେ ନିମ୍ନଲିଖିତ ଦାୟିତ୍ୱ ସମ୍ପାଦନ କରିବେ:
ଜନଗଣନା କାର୍ଯ୍ୟ, ସମସ୍ତ ପ୍ରକାର ସତର୍କତା ଅବଲମ୍ବନ କରି ଜନଗଣନା ଜାରି ରହିବ।
ନୂତନ ନାମଲେଖା ପ୍ରକ୍ରିୟା, ୟୁନିଫର୍ମ ବଣ୍ଟନ ଏବଂ ରେକର୍ଡ ଅଦ୍ୟତନ କାର୍ଯ୍ୟ କରାଯିବ।
“ଛାତ୍ରଛାତ୍ରୀଙ୍କ ସୁରକ୍ଷା ଆମର ପ୍ରଥମ କର୍ତ୍ତବ୍ୟ। ଗ୍ରୀଷ୍ମ ଲହରୀରୁ ବର୍ତ୍ତିବା ପାଇଁ ସମସ୍ତ ସ୍କୁଲ କର୍ତ୍ତୃପକ୍ଷଙ୍କୁ ଜାରି ହୋଇଥିବା ନିର୍ଦ୍ଦେଶାବଳୀକୁ କଡ଼ାକଡ଼ି ପାଳନ କରିବାକୁ କୁହାଯାଇଛି।” — ଜିଲ୍ଲା ପ୍ରଶାସନ, ନୂଆପଡ଼ା