ବରଗାଁ ଦଳ ହାତେଇଲା ‘ମା’ ବଲ୍‌ସଘରିଏନ’ ଫ୍ଲଡ୍ ଲାଇଟ୍ କ୍ରିକେଟ୍ କପ୍‌।

ବୋଡ଼େନ- ୧୮/୪(ଜଗତ ରାମ ଦଣ୍ଡସେନା) ନୂଆପଡ଼ା ଜିଲ୍ଲା ଖଇରା ଜନଶକ୍ତି ଉଚ୍ଚ ମାଧ୍ୟମିକ ବିଦ୍ୟାଳୟ ପଡ଼ିଆରେ ଅନୁଷ୍ଠିତ ଚାରିଦିନିଆ ‘ମା’ ବଲ୍‌ସଘରିଏନ’ ଫ୍ଲଡ୍ ଲାଇଟ୍ କ୍ରିକେଟ୍ ପ୍ରତିଯୋଗିତା ଶନିବାର ଉଦ୍‌ଯାପିତ ହୋଇଯାଇଛି। ଏହି ରୋମାଞ୍ଚକର ଫାଇନାଲ ମ୍ୟାଚରେ ବରଗାଁ ଦଳ ବହଲମୁଣ୍ଡାକୁ ପରାସ୍ତ କରି ଚାମ୍ପିୟନ ଆଖ୍ୟା ଅର୍ଜନ କରିଛି।
​ଉଦ୍‌ଯାପନୀ ସମାରୋହ ଓ ଅତିଥି ଅଭ୍ୟାଗତ
​ଖେଳ ଶେଷରେ ଆୟୋଜିତ ପୁରସ୍କାର ବିତରଣୀ ସଭାରେ ବିଜେପି ନେତା ଲମ୍ବୋଦର ନିଆଲ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ, ବିଶିଷ୍ଟ ଅତିଥି ଭାବେ ବିଜେଡି ନେତା ତଥା ଆଇନଜୀବୀ ଦିନେଶ ପ୍ରସାଦ ତିୱାରୀ ଓ ଜିଲ୍ଲା ପରିଷଦ ସଭ୍ୟ ମାଲ୍ୟବନ୍ତ ସୁନା ଉପସ୍ଥିତ ଥିଲେ। ଅନ୍ୟତମ ସମ୍ମାନିତ ଅତିଥି ଭାବେ ଯୋଗେନ୍ଦ୍ର ମାଝୀ, ସରପଞ୍ଚ କୈଳାସ ଚନ୍ଦ୍ର ଦଲ ଏବଂ ସମାଜସେବୀ ସୌଦାଗର ସାହୁ, ମୁକ୍ତା ରାଉତ, ଭୁବନେଶ୍ୱର ରାଉତ ପ୍ରମୁଖ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ।
​ଅତିଥିମାନେ ବିଜେତା ବରଗାଁ ଦଳ ଓ ଉପ-ବିଜେତା ବହଲମୁଣ୍ଡା ଦଳକୁ ଟ୍ରଫି ସହ ପୁରସ୍କାର ରାଶି ପ୍ରଦାନ କରିଥିଲେ। ଏହି ଅବସରରେ ମଞ୍ଚରେ ସୀତାରାମ ଦଣ୍ଡସେନା, ଭୁଜେନ୍ଦ୍ର କୁମାର ଦଣ୍ଡସେନା, ଦଶମୁ ପଟେଲ, ଯଦୁରାମ ଦଲ, ନନ୍ଦଲାଲ ଦଣ୍ଡସେନା, ହରିହର ସାହୁ ଏବଂ ସଭାପତି ମହେନ୍ଦ୍ର ବାଗ ପ୍ରମୁଖ ମଞ୍ଚାସୀନ ଥିଲେ।
​ସଫଳ ଆୟୋଜନ
​ଟୁର୍ଣ୍ଣାମେଣ୍ଟକୁ ପରିଚାଳନା କରିବାରେ ଉପ-ସଭାପତି ବିଶ୍ୱ କିଶୋର ଦଲ, ସାମ୍ବାଦିକ ଜଗତରାମ ଦଣ୍ଡସେନା, ଉପେନ୍ଦ୍ର ବାଗ ଓ ଚନ୍ଦ୍ରଲାଲ ଦଣ୍ଡସେନା ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ। ମ୍ୟାଚରେ ଆଲୋକ ବାଗ ଓ ପିଣ୍ଟୁ ଅମ୍ପାୟାର ଦାୟିତ୍ୱ ତୁଲାଇଥିବା ବେଳେ ପ୍ରତ୍ୟୁଷ ଜଗତ, ପ୍ରଶାନ୍ତ ଦଲ ଓ ମୁକେଶ ଦଣ୍ଡସେନା ଧାରାବିବରଣୀ ପ୍ରଦାନ କରିଥିଲେ। ସ୍କୋରବୋର୍ଡ ଦାୟିତ୍ୱରେ ଯୁଗଳ ଦଲ, ଭଗବାନ ଦଣ୍ଡସେନା ଓ ଈଶ୍ଵର ଦଣ୍ଡସେନା ସହଯୋଗ କରିଥିଲେ। ସଭା ଶେଷରେ ପଦ୍ମନ ଦଣ୍ଡସେନା ସମସ୍ତ ଅତିଥି ଓ କ୍ରୀଡ଼ାପ୍ରେମୀଙ୍କୁ ଧନ୍ୟବାଦ ଅର୍ପଣ କରିଥିଲେ।