ସିନାପାଲି ରେ ବ୍ଲକସ୍ତରୀୟ ଗୀତ ଓ ନୃତ୍ୟ ପ୍ରତିଯୋଗିତା ସ୍ୱାଧୀନତା ଦିବସ ଅବସରରେ ଶତାଧିକ ଛାତ୍ରଛାତ୍ରୀଙ୍କ ପ୍ରତିଭା ପ୍ରଦର୍ଶନ।

ନୂଆପଡ଼ା – ୦୯/୦୮- ନୂଆପଡ଼ା ଜିଲ୍ଲା ସିନାପାଲିସ୍ଥିତ ଅଗ୍ରଣୀ ସଙ୍ଗୀତ ଅନୁଷ୍ଠାନ ସ୍ୱରସଙ୍ଗମ କଳା ପରିଷଦ ତଥା ଗୋଷ୍ଠୀ ବେତାର କେନ୍ଦ୍ର ‘ରେଡିଓ ସ୍ୱର ସଙ୍ଗମ ୯୦.୮ ଏଫଏମ୍’ ପକ୍ଷରୁ ବ୍ଲକସ୍ତରୀୟ ଗୀତ ଓ ନୃତ୍ୟ ପ୍ରତିଯୋଗିତା ରବିବାର ଅନୁଷ୍ଠିତ ହୋଇଯାଇଛି।ସ୍ୱାଧୀନତା ଦିବସ ଉପଲକ୍ଷେ ଅନ୍ତର୍ଧର୍ମୀୟ ସହଭାଗିତା ଓ ସାମାଜିକ ଏକତାର ବାର୍ତ୍ତା ନେଇ ସ୍ଥାନୀୟ ପିଏମ୍ ଶ୍ରୀ ଉଚ୍ଚ ବିଦ୍ୟାଳୟ ପରିସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।ଉଦ୍ଘାଟନୀ ସଭାରେ ପରିଷଦର ସଭାପତି ତଥା ବେତାର କେନ୍ଦ୍ରର ନିର୍ଦ୍ଦେଶକ ତ୍ରିନାଥ ମେହେର ଅଧ୍ୟକ୍ଷତା କରିଥିଲେ। ମୁଖ୍ୟ ଅତିଥି ଭାବେ ଏବିଡିଓ ସୁବ୍ରତ ପରିଡ଼ା ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ସଙ୍ଗୀତଜ୍ଞ ଅଶୋକ ମିଶ୍ର, ପ୍ରଧାନ ଶିକ୍ଷକ ମନୋରଞ୍ଜନ ମେହେର ଓ ପରିଷଦର ସମ୍ପାଦକ ବୈଷ୍ଣବ ମେହେର ଉପସ୍ଥିତ ଥିଲେ।ପ୍ରାରମ୍ଭରେ ବେତାର କେନ୍ଦ୍ରର ପରିଚାଳକ ପ୍ରଦ୍ୟୁମ୍ନ ସିଂହ ଚିନ୍ଦା ସ୍ୱାଗତ ଭାଷଣ ଦେଇଥିବା ବେଳେ ଏଡିଟର ଲିଙ୍ଗରାଜ ଜଗତ ଧନ୍ୟବାଦ ଅର୍ପଣ କରିଥିଲେ।                                                   🎤 ଗୀତ ଓ ନୃତ୍ୟରେ ଶତାଧିକ ପ୍ରତିଭାସିନାପାଲି ବ୍ଲକର ବିଭିନ୍ନ ବିଦ୍ୟାଳୟରୁ ଶତାଧିକ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଯୋଗଦେଇ ଗୀତ ଓ ନୃତ୍ୟ ମାଧ୍ୟମରେ ନିଜର ପ୍ରତିଭା ପ୍ରଦର୍ଶନ କରିଥିଲେ।

🏆 ଗୀତ ପ୍ରତିଯୋଗିତା — ବରିଷ୍ଠ ବର୍ଗ
🥇 ଦୋଳଗୋବିନ୍ଦ ବାଗ
🥈 ତେଜସ୍ୱନୀ ଧୀବର
🥉 ଅର୍ଚ୍ଚିତା ମେହେର

🏆 ଗୀତ ପ୍ରତିଯୋଗିତା — କନିଷ୍ଠ ବର୍ଗ
🥇 କାଜଲ ଧାକଡ଼
🥈 ଦୀକ୍ଷିତା ବୈଠାରୁ
🥉 ପ୍ରଲିପ୍ତା ପଣ୍ଡା

💃 ନୃତ୍ୟ ପ୍ରତିଯୋଗିତା — ବରିଷ୍ଠ ବର୍ଗ
🥇 ବନ୍ଦନା କଟା
🥈 ମଲ୍ଲୀକା ପଟେଲ
🥉 ପ୍ରିୟଙ୍କା ମାଝୀ ଓ ଅନୁଶ୍ରୀ ଦଣ୍ଡସେନା

💃 ନୃତ୍ୟ ପ୍ରତିଯୋଗିତା — କନିଷ୍ଠ ବର୍ଗ
🥇 ରୋଜାଲିନ ମେହେର
🥈 କରିସ୍ମା ମାଝୀ
🥉 ଚନ୍ଦ୍ରକଳା ମଶ୍ରା

ପ୍ରତିଯୋଗିତାରେ ଗୀତ ବିଭାଗରେ ନିକୁଞ୍ଜ ବିହାରୀ ସା, ସନ୍ତୋଷ ନାଏକ, ବଂଶୀଧର ଜଗତ, ନମିତା ମେହେର ଓ ଜଳନ୍ଧର ନିଆଲ ଏବଂ ନୃତ୍ୟ ବିଭାଗରେ ଜିତେନ୍ଦ୍ର ମେହେର, ନେତ୍ରନନ୍ଦ ମହାନନ୍ଦ, ପ୍ରିନ୍ସ ବାଗ, ରୋହିଣୀ ମାଝୀ ଓ ହରି ପ୍ରିୟା ବଛା ବିଚାରକ ଭାବେ ଦାୟିତ୍ୱ ତୁଲାଇଥିଲେ।

🏅 କୃତି ପ୍ରତିଭାଙ୍କୁ ପୁରସ୍କାର ଓ ପ୍ରମାଣପତ୍ର

କାର୍ଯ୍ୟକ୍ରମ ଶେଷରେ ତ୍ରିନାଥ ମେହେରଙ୍କ ସଭାପତିତ୍ୱ ରେ ପୁରସ୍କାର ବିତରଣ ସଭା ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଶ୍ରୀ ପରିଡ଼ା, ସମ୍ମାନିତ ଅତିଥି ଶ୍ରୀ ମିଶ୍ର ଓ ପ୍ରଧାନ ଶିକ୍ଷକ ଶ୍ରୀ ମେହେର କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରିବା ସହ ସମସ୍ତ ପ୍ରତିଭାଗୀଙ୍କୁ ପ୍ରମାଣପତ୍ର ପ୍ରଦାନ କରିଥିଲେ। ଅତୁଳ ପାତ୍ର ପୁରସ୍କାର ବିତରଣ କାର୍ଯ୍ୟକ୍ରମ ପରିଚାଳନା କରିଥିଲେ।

ଏହି କାର୍ଯ୍ୟକ୍ରମର ସଫଳ ଆୟୋଜନରେ ଉଦନ୍ତୀ ୟୁଥ କ୍ଲବ, କର୍ମାଦେବୀ ଯୁବକ ସଂଘ, ସଂକଳ୍ପ ସେବା ସଂଘ ଓ ସାମୁହିକ ନୂଆଁଖାଇ ଭେଟଘାଟ ପରିବାରର ସଦସ୍ୟମାନଙ୍କ ସହ ସତ୍ୟବ୍ରତ ଗହୀର, ସାନୁର୍ଯ୍ୟ ମେହେର, ଶିବପ୍ରସାଦ ମେହେର, ନରେନ୍ଦ୍ର ନାଏକ, ଲୋଚନ ମେହେର, ଦୀପକ ସା, ଗୌତମ ମେହେର, ପ୍ରେମାନନ୍ଦ ମେହେର, ତସ୍ମିନ ମେହେର ଓ ହରେକୃଷ୍ଣ ମେହେର ପ୍ରମୁଖ ସହଯୋଗ କରିଥିଲେ।

🌟 ସଙ୍ଗୀତ ଓ ନୃତ୍ୟ ମାଧ୍ୟମରେ ଯୁବ ପ୍ରତିଭାଙ୍କୁ ମଞ୍ଚ ଯୋଗାଇବା ସହ ସାମାଜିକ ଏକତା ଓ ଭାଇଚାରାର ବାର୍ତ୍ତା ଦେଇଛି ଏହି ଆୟୋଜନ।