ନୂଆପଡ଼ା ଜିଲ୍ଲା ଓକିଲ ସଂଘ ପକ୍ଷରୁ ‘ମଧୁବାବୁ’ ଙ୍କ ୧୭୮ତମ ଜନ୍ମ ଜୟନ୍ତୀ ପାଳିତ: ବରିଷ୍ଠ ଓକିଲ ଓ କର୍ମଚାରୀ ସମ୍ବର୍ଦ୍ଧିତ ।

ନୂଆପଡ଼ା- ୨୮/୦୪ – ଓଡ଼ିଶାର ବରପୁତ୍ର, ଉତ୍କଳ ଗୌରବ ମଧୁସୂଦନ ଦାସଙ୍କ ୧୭୮ତମ ଜନ୍ମ ଜୟନ୍ତୀ ତଥା ‘ଓକିଲ ଦିବସ’ ନୂଆପଡ଼ା ଜିଲ୍ଲା ଓକିଲ ସଂଘ ପକ୍ଷରୁ ଅତ୍ୟନ୍ତ ମର୍ଯ୍ୟାଦାର ସହ ଆଜି ପାଳିତ ହୋଇଯାଇଛି। ସଂଘର ସଭାଗୃହ ରେ ଆୟୋଜିତ ଏହି ସ୍ୱତନ୍ତ୍ର ଉତ୍ସବରେ ମଧୁବାବୁ ଙ୍କ ଦେଶପ୍ରେମ ଓ ଓକିଲାତି କ୍ଷେତ୍ରରେ ଥିବା ଅନନ୍ୟ ଅବଦାନକୁ ମନେ ପକାଯାଇଥିଲା।
ଜିଲ୍ଲା ଓକିଲ ସଂଘର ସଭାପତି କ୍ଷିତିଶ ଅଶୋକ ବୋଧନକର ଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ପଦ୍ମପୁରର ବରିଷ୍ଠ ଅଧିବକ୍ତା ଗଉଁତିଆ କୁମାର ସାହୁ ଯୋଗ ଦେଇଥିବା ବେଳେ, ବିଶିଷ୍ଟ ଲୋକରତ୍ନ ଗବେଷକ ପଦ୍ମଶ୍ରୀ ଡଃ ମହେନ୍ଦ୍ର କୁମାର ମିଶ୍ର ମୁଖ୍ୟ ବକ୍ତା ଭାବେ ଯୋଗଦେଇ ମଧୁବାବୁଙ୍କ ଜୀବନାଦର୍ଶ ଉପରେ ଆଲୋକପାତ କରିଥିଲେ। ଓକିଲ ସଂଘ ର ଉପ ସଭାପତି ପ୍ରକାଶ କୁମାର ସ୍ବାଇଁ ଓ ସଂପାଦକ ପ୍ୟାରିଲାଲ ଦେୱାଙ୍ଗନ ମଞ୍ଚାସିନ ଥିଲେ।

ଏହି ଅବସରରେ ଓକିଲାତି ପେଶାରେ ୫୦ ବର୍ଷ ସଫଳତାର ସହ ପୂରଣ କରିଥିବା ଦୁଇ ଜଣ ପ୍ରବୀଣ ବ୍ୟକ୍ତିତ୍ୱଙ୍କୁ ସଂଘ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା ।
ମୁରଲୀଧର ପଣ୍ଡା ବରିଷ୍ଠ ଅଧିବକ୍ତା ଓ ରମେଶ ଭୋଇ ବରିଷ୍ଠ ଅଧିବକ୍ତା ।
ଏଥି ସହିତ ଦୀର୍ଘ ବର୍ଷ ଧରି ନିଷ୍ଠାର ସହ କାର୍ଯ୍ୟ କରିଆସୁଥିବା ଅଧିବକ୍ତା କ୍ଲର୍କ ରାମଗୁଲାଲ ସାହୁଙ୍କୁ ମଧ୍ୟ ତାଙ୍କର ଉଲ୍ଲେଖନୀୟ ସେବା ପାଇଁ ସମ୍ମାନିତ କରାଯାଇଥିଲା।
ଅତିଥି ମାନଙ୍କ ମୁଖ୍ୟ ବକ୍ତବ୍ୟ “ମଧୁବାବୁ କେବଳ ଜଣେ ଆଇନଜୀବୀ ନଥିଲେ, ସେ ଥିଲେ ଓଡ଼ିଆ ଜାତିର ସ୍ୱାଭିମାନର ପ୍ରତୀକ। ଆଜିର ପିଢ଼ିର ଅଧିବକ୍ତାମାନେ ତାଙ୍କର ସାଧୁତା ଓ ନୈତିକତା କୁ ପାଥେୟ କରି କାର୍ଯ୍ୟ କରିବା ଉଚିତ।” । ସଭା ଶେଷ ରେ ଯୁବ ଆଇନଯିବି ଯୋଗେଶ କୁମାର୍ ସାହୁ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।