ଓଡ଼ିଶା ସାହିତ୍ୟ ଏକାଡେମୀ ର ସ୍ୱନକ୍ଷତ୍ର ଦିବସରେ ଉଜ୍ଜ୍ୱଳ ହେଲା ନୂଆପଡ଼ାର ପ୍ରତିଭା, ରାଜ୍ୟସ୍ତରୀୟ ପ୍ରତିଯୋଗିତାକୁ ଯିବେ କୃତୀ ଛାତ୍ରଛାତ୍ରୀ।

ନୂଆପଡ଼ା -୨୮/୬- ନୂଆପଡ଼ା ଜିଲ୍ଲା ଶିକ୍ଷା କାର୍ଯ୍ୟାଳୟ ଏବଂ ଜିଲ୍ଲା ସଂସ୍କୃତି ବିଭାଗର ମିଳିତ ଆନୁକୂଲ୍ୟରେ ଆଜି ସ୍ଥାନୀୟ ପି.ଏମ୍. ଶ୍ରୀ ନେସନାଲ ସରକାରୀ ଉଚ୍ଚ ବିଦ୍ୟାଳୟଠାରେ ଓଡ଼ିଶା ସାହିତ୍ୟ ଏକାଡେମୀ ର ସ୍ଵନକ୍ଷତ୍ର ଦିବସ ବେଶ୍ ଧୂମଧାମରେ ପାଳିତ ହୋଇଯାଇଛି। ଏହି ଅବସରରେ ଆୟୋଜିତ ଜିଲ୍ଲାସ୍ତରୀୟ ପ୍ରତିଯୋଗିତାରେ ଜିଲ୍ଲାର ବିଭିନ୍ନ ବିଦ୍ୟାଳୟରୁ ପ୍ରାୟ ୧୮୭ ଜଣ ଛାତ୍ରଛାତ୍ରୀ ଭାଗ ନେଇ ନିଜର ପ୍ରତିଭା ପ୍ରଦର୍ଶନ କରିଥିଲେ।
ସଫଳ ପ୍ରତିଯୋଗୀମାନଙ୍କୁ ମାନପତ୍ର ଓ ଫଳକ ପ୍ରଦାନ କରି ସମ୍ମାନିତ କରାଯାଇଥିବା ବେଳେ କୃତୀ ଛାତ୍ରଛାତ୍ରୀମାନେ ଆଗାମୀ ଦିନରେ ଭୁବନେଶ୍ୱରଠାରେ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ଜିଲ୍ଲାର ପ୍ରତିନିଧିତ୍ଵ କରିବେ।
ପ୍ରତିଯୋଗିତାର କୃତୀ ବିଜେତାଙ୍କ ତାଲିକା ନିନ୍ମ ରେ।ବରିଷ୍ଠ ବର୍ଗ
ପ୍ରବନ୍ଧ ଲିଖନ ରେ ପ୍ରଥମ ସ୍ଥାନ ନନ୍ଦିନୀ ପ୍ରଧାନ ପି.ଏମ୍. ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଖରିଆର ରୋଡ଼,
ବକ୍ତୃତା ରେ ପ୍ରଥମ ସ୍ନେହାଶ୍ରୀ ସାହୁ ସେଣ୍ଟମେରୀ କନଭେନ୍ଟ ବିଦ୍ୟାଳୟ, ନୂଆପଡ଼ା,
କବିତା ଆବୃତ୍ତି ରେ ପ୍ରଥମ ଦୀପାଞ୍ଜଳୀ ମାଝୀ ପି. ଏମ୍. ଶ୍ରୀ ନେସନାଲ ସରକାରୀ ଉଚ୍ଚ ବିଦ୍ୟାଳୟ ,
ସାଧାରଣ ଜ୍ଞାନ ରେ ପ୍ରଥମ ପ୍ରିୟଙ୍କା ରଥ ସରକାରୀ ଉଚ୍ଚ ବିଦ୍ୟାଳୟ, ମାଗୁରପାଣି ,
କନିଷ୍ଠ ବର୍ଗ ରେ ପ୍ରବନ୍ଧ ଲିଖନ ରେ ପ୍ରଥମ ଅଂଶିକା ନନ୍ଦ ପି.ଏମ୍. ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଖରିଆର ରୋଡ଼, ବକ୍ତୃତା ରେ ପ୍ରଥମ ଶ୍ରୁତିକା ମହାନ୍ତି ପି.ଏମ୍. ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଖରିଆର ରୋଡ଼ , କବିତା ଆବୃତ୍ତି ରେ ପ୍ରଥମ ସ୍ଥାନ ପ୍ରିୟାଂଶୀ ରଣା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ମହୁଆଭଟା , ସାଧାରଣ ଜ୍ଞାନ ରେ ପ୍ରଥମ ହୃଦୟ ମାଝୀ ପି.ଏମ୍. ଶ୍ରୀ ନେସନାଲ ସରକାରୀ ଉଚ୍ଚ ବିଦ୍ୟାଳୟ, ନୂଆପଡ଼ା।
ଏହି ଗୌରବମୟ ଉତ୍ସବରେ ଜିଲ୍ଲା ଶିକ୍ଷା ଅଧିକାରୀ ଡ଼ଃ ପ୍ରଶାନ୍ତ କୁମାର ମହାନ୍ତି, ଜିଲ୍ଲା ବିଜ୍ଞାନ ନିରୀକ୍ଷକ ଗିରିଧାରୀ ସା, ଖରିଆର ରୋଡ଼ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରବୋଧ କୁମାର ହୋତା ଏବଂ ସାଇପଲା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୀପ କୁମାର ଭୋଇ ପ୍ରମୁଖ ଅତିଥି ଭାବେ ଯୋଗଦେଇ ପିଲାମାନଙ୍କୁ ପୁରସ୍କୃତ କରିବା ସହ ଉତ୍ସାହିତ କରିଥିଲେ।
କାର୍ଯ୍ୟକ୍ରମକୁ ସଫଳ କରିବାରେ ବିଚାରକ ଭାବେ ଶିକ୍ଷକ କିଶୋର କୁମାର ପ୍ରଧାନ, କିଶୋର କୁମାର ପରିଡ଼ା, ଫାଲ୍ଗୁନୀ ସାହୁ, ଦିନେଶ କୁମାର ପଟେଲ, ଉମେଶ କୁମାର ସାହୁ, ଗୋପାଳ ଭବତୋଶ ଦାଶ, ଯୋଗେନ୍ଦ୍ର ବେହେରା, ପ୍ରଦୀପ୍ତ କୁମାର ରଥ, ତୁଲାରାମ ପଟେଲ ଓ ଜିତେନ୍ଦ୍ର କୁମାର ଖମାରୀ ପ୍ରମୁଖ ଗୁରୁତ୍ଵପୂର୍ଣ୍ଣ ଦାୟିତ୍ଵ ତୁଲାଇଥିଲେ।
ଆସନ୍ତା ଜୁଲାଇ ୧୨ ରେ କନିଷ୍ଠ ବର୍ଗ ଏବଂ ଜୁଲାଇ ୧୯ ରେ ବରିଷ୍ଠ ବର୍ଗର କୃତୀ ପ୍ରତିଯୋଗୀମାନେ ଭୁବନେଶ୍ୱରର ପ୍ରତିଷ୍ଠିତ ରବିନ୍ଦ୍ର ମଣ୍ଡପ ଠାରେ ଆୟୋଜିତ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ନୂଆପଡ଼ା ଜିଲ୍ଲା ପାଇଁ ପ୍ରତିନିଧିତ୍ଵ କରିବେ। ସମସ୍ତ ବିଜେତାଙ୍କୁ ଜିଲ୍ଲାବାସୀଙ୍କ ତରଫରୁ ଶୁଭେଚ୍ଛାର ସୁଅ ଛୁଟିଛି।