ଜୟ କିଷାନ ଯୁବ କ୍ଲବ ପକ୍ଷରୁ ଗଣତନ୍ତ୍ର ଦିବସ ଉତ୍ସବ ପାଳିତ।

ନୂଆପଡ଼ା -୨୮/୧ କୋମନା ବ୍ଲକ ଅନ୍ତର୍ଗତ ପେଣ୍ଡରାବନ୍ଧ ପଞ୍ଚାୟତ ବାହାବାଲ ଗ୍ରାମ ସ୍ଥିତ ଜୟ କିଷାନ ଯୁବ କ୍ଲବ ପକ୍ଷରୁ ୭୭ତମ ଗଣତନ୍ତ୍ର ଦିବସ ଉତ୍ସବ ମହାସମାରୋହ ରେ ପାଳିତ ହୋଇଯାଇଛି। ଏ ଅବସରରେ କ୍ଲବ ପରିସରରେ ପତାକା ଉତ୍ତୋଳନ କରାଯାଇ ଦେଶପ୍ରେମ ଓ ଦେଶ ଭକ୍ତିର ଉପରେ ସମ୍ୟକ ଧାରଣା ଅତିଥିମାନେ ପ୍ରଦାନ କରିଥିଲେ। ଏ ଅବସର ରେ ୨୬ ଜାନୁଆରୀ ପ୍ରାତଃରେ ଗ୍ରାମ ର ୱାର୍ଡ ମେମ୍ବର ତ୍ରିରଙ୍ଗା ପତାକା ଉତ୍ତୋଳନ କରି ଓ ଜାତୀୟ ସଙ୍ଗୀତ ଗାନ କରାଯାଇଥିଲା। ଏହା ପରେ କ୍ଲବ୍ ର ଉପ ସଭାପତି ନବିନ ବାଗ ସମ୍ପାଦକ ଜୋଗିନ୍ଦ୍ର ବାଗ ସିମାଞ୍ଚଳ ବାଗ କୋଷାଧ୍ୟକ୍ଷ ଧର୍ମେନ୍ଦ୍ର ବାଗ ସାସିପାଲ ବାଗ ଅର୍ଜୁନ ବାଗ ଘନଶ୍ୟାମ ମାଝୀ କାର୍ତ୍ତିକ ମାଝୀ ଭୋଦେବ ମାଝୀ ଓ ଗ୍ରାମବାସୀମାନେ ଦେଶର ସମ୍ବିଧାନ,ସ୍ୱାଧୀନତା ଓ ଲୋକତନ୍ତ୍ର ପ୍ରତି ଶପଥ ଗ୍ରହଣ କରିଥିଲେ। ଉପରୋକ୍ତ
ଉତ୍ସବରେ କ୍ଲବର ସଭ୍ୟଗଣ,ଗ୍ରାମର ବରିଷ୍ଠ ନାଗରିକ, ଯୁବକ ଓ ଛାତ୍ରଛାତ୍ରୀମାନେ ଉପସ୍ଥିତଥିଲେ। ବକ୍ତାମାନେ ଭାରତୀୟ ସଂବିଧାନର ଗୁରୁତ୍ୱ, ସ୍ୱାଧୀନତା ସଂଗ୍ରାମୀମାନଙ୍କ ତ୍ୟାଗ ଓ ଆଧୁନିକ ଭାରତ ଗଢ଼ିବାରେ ଯୁବ ପିଢିର ଭୂମିକା ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ।
ଏହି ଅବସରରେ ଦେଶାତ୍ମବୋଧକ ଭାଷଣ, ଓ ଦେଶଭକ୍ତି ଗୀତ ପରିବେଷଣ ଉପସ୍ଥିତ ଲୋକଙ୍କ ମନରେ ଦେଶ ପ୍ରେମର ଭାବନା ଜାଗ୍ରତ କରି ପରିବେଶ କୁ ଆହୁରି ଭାବମୟ କରିଦେଇଥିଲା ।
କ୍ଲବ ପକ୍ଷରୁ ଗ୍ରାମର ସମସ୍ତ ନାଗରିକଙ୍କୁ ଦେଶର ଉନ୍ନତି ପାଇଁ ଏକତା, ଶାନ୍ତି, ମୈତ୍ରୀ ,ଭାଇ ଚାରା ଓ ସହଯୋଗର ମନୋଭାବ ରଖିବାକୁ ଅତିଥିମାନେ ଆହ୍ୱାନ କରିଥିଲେ।
ଗଣତନ୍ତ୍ର ଦିବସ ଉତ୍ସବ ସମସ୍ତଙ୍କ ପାଇଁ ଏକ ଐତିହାସିକ ଓ ସ୍ମରଣୀୟ ମୁହୂର୍ତ୍ତ ହୋଇଥିଲା ଓ ଦେଶ ପ୍ରେମର ସନ୍ଦେଶ ଦେଇଥିଲା।