ଢେକୁନପାଣି ଗ୍ରାମର ବିଦ୍ୟୁତ ସମସ୍ୟାର ହେବ ସମାଧାନ : ନିର୍ବାହୀ ଯନ୍ତ୍ରୀଙ୍କୁ ଦାବିପତ୍ର ପ୍ରଦାନ କଲେ କଂଗ୍ରେସ ନେତୃତ୍ୱ ଓ ଗ୍ରାମବାସୀ।

ନୂଆପଡ଼ା -୧୩/୭-ନୂଆପଡ଼ା ଜିଲ୍ଲା ଢେକୁନପାଣି ଗ୍ରାମରେ ଦୀର୍ଘ ଦିନ ଧରି ଲାଗି ରହିଥିବା ବିଦ୍ୟୁତ ସମସ୍ୟାର ସ୍ଥାୟୀ ପ୍ରତିକାର ପାଇଁ ଆଜି ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଇଛି। ଗ୍ରାମରେ ଏକ ନୂତନ ଟ୍ରାନ୍ସଫର୍ମର ସ୍ଥାପନ କରି ତୁରନ୍ତ ବିଦ୍ୟୁତ ସରବରାହ ସ୍ୱାଭାବିକ କରିବା ଦାବିରେ ଆଜି ଜିଲ୍ଲା କଂଗ୍ରେସ ପକ୍ଷରୁ ବିଦ୍ୟୁତ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି।
ଜିଲ୍ଲା କଂଗ୍ରେସ ସଭାପତି ଘାସିରାମ ମାଝୀ ଏବଂ ଯୁବ କଂଗ୍ରେସ ନେତା ରବି ମଙ୍ଗରାଜ ଙ୍କ ନେତୃତ୍ୱରେ ଶତାଧିକ ଗ୍ରାମବାସୀ ଏହି ଦାବିପତ୍ର ପ୍ରଦାନ ବେଳେ ଉପସ୍ଥିତ ଥିଲେ। ଗ୍ରାମରେ ଟ୍ରାନ୍ସଫର୍ମର ଅଚଳ ହେବା ଯୋଗୁଁ ଲୋକେ ଅନ୍ଧାରରେ ରହିବା ସହ ପାନୀୟ ଜଳ ଏବଂ ପିଲାମାନଙ୍କ ପାଠପଢ଼ାରେ ବ୍ୟାଘାତ ସୃଷ୍ଟି ହେଉଥିବା ନେଇ ନେତୃବୃନ୍ଦ ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ।
ଗ୍ରାମବାସୀ ଓ କଂଗ୍ରେସ ନେତୃତ୍ୱଙ୍କ ବଳିଷ୍ଠ ଦାବି ଆଗରେ ନଇଁ ବିଦ୍ୟୁତ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀ ଆସନ୍ତାକାଲି ହିଁ ଗ୍ରାମରେ ନୂତନ ଟ୍ରାନ୍ସଫର୍ମର ଲଗାଯାଇ ବିଦ୍ୟୁତ ସେବା ପୁନଃସ୍ଥାପନ କରାଯିବ ବୋଲି ଦୃଢ଼ ନିର୍ଭର ପ୍ରତିଶ୍ରୁତି ଦେଇଛନ୍ତି। (ପ୍ରଥମ ଫଟୋ AI)