ନୀଟ୍ ପୁନଃ ପରୀକ୍ଷାର୍ଥୀଙ୍କ ପାଇଁ ନୂଆପଡ଼ା ଜିଲ୍ଲା ପ୍ରଶାସନର ବଡ଼ ନିଷ୍ପତ୍ତି : ମିଳିବ ମାଗଣା ବସ୍ ସେବା।

ନୂଆପଡ଼ା-୧୯/୬- ଆସନ୍ତା ୨୧ ଜୁନ୍ (ରବିବାର) ଦିନ ଅନୁଷ୍ଠିତ ହେବାକୁ ଥିବା ନୀଟ୍ (UG) ପୁନଃ ପରୀକ୍ଷା–୨୦୨୬ ପାଇଁ ନୂଆପଡ଼ା ଜିଲ୍ଲା ପ୍ରଶାସନ ପକ୍ଷରୁ ଏକ ପ୍ରଶଂସନୀୟ ପଦକ୍ଷେପ ଗ୍ରହଣ କରାଯାଇଛି। ପରୀକ୍ଷାର୍ଥୀମାନେ ଯେପରି କୌଣସି ଅସୁବିଧାର ସମ୍ମୁଖୀନ ନହୋଇ ଠିକ୍ ସମୟରେ ପରୀକ୍ଷା କେନ୍ଦ୍ରରେ ପହଞ୍ଚିପାରିବେ, ସେଥିପାଇଁ ଜିଲ୍ଲା ପ୍ରଶାସନ ତରଫରୁ ସମ୍ପୂର୍ଣ୍ଣ ମାଗଣା ବସ୍ ସେବାର ବ୍ୟବସ୍ଥା କରାଯାଇଛି।
ସୂଚନାଯୋଗ୍ୟ ଯେ, ଏହି ପରୀକ୍ଷା ଆସନ୍ତା ରବିବାର ଅପରାହ୍ନ ୨.୦୦ ଟାରୁ ସନ୍ଧ୍ୟା ୫.୧୫ ଟା ପର୍ଯ୍ୟନ୍ତ ଅଫ୍‌ଲାଇନ୍ (ପେନ୍ ଆଣ୍ଡ ପେପର୍) ମାଧ୍ୟମରେ ଅନୁଷ୍ଠିତ ହେବ। ପରୀକ୍ଷା ଶେଷ ହେବା ପରେ ପିଲାମାନଙ୍କୁ ସେମାନଙ୍କ ଘରକୁ ସୁରକ୍ଷିତ ଭାବେ ଫେରାଇ ଆଣିବା ପାଇଁ ମଧ୍ୟ ବସ୍‌ର ବ୍ୟବସ୍ଥା ରହିଛି।
ରୁଟ୍ ଏବଂ ପରିଚାଳନା-
ଜିଲ୍ଲା ପ୍ରଶାସନ ଏବଂ ଓଏସ୍‌ଆର୍‌ଟିସି (OSRTC) ର ନୂଆପଡ଼ା ଜିଲ୍ଲା ପରିବହନ ପ୍ରବନ୍ଧକଙ୍କ ମିଳିତ ସମନ୍ୱୟରେ ଏହି ସେବା ଯୋଗାଇ ଦିଆଯାଉଛି। ଜିଲ୍ଲାର ପ୍ରମୁଖ ଅଞ୍ଚଳଗୁଡ଼ିକ ରୁ ଏହି ବସ୍ ଚଳାଚଳ କରିବ ଯଥା ସିନାପାଲି, ଭଇଁସାଦାନି, କୋମନା, କାଣ୍ଡେତରା, ନୂଆପଡ଼ା ସଦର ଏବଂ ଜିଲ୍ଲାର ଅନ୍ୟାନ୍ୟ ପ୍ରମୁଖ ସ୍ଥାନ କୁ ଚଳାଚଳ କରିବ।
ଜରୁରୀ ସୂଚନା: ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପରୀକ୍ଷାର୍ଥୀ ଓ ସେମାନଙ୍କ ଅଭିଭାବକମାନଙ୍କୁ ଏହି ମାଗଣା ସେବାର ସୁଯୋଗ ନେଇ ନିର୍ଦ୍ଧାରିତ ସମୟ ପୂର୍ବରୁ ପରୀକ୍ଷା କେନ୍ଦ୍ରରେ ପହଞ୍ଚିବାକୁ ଅନୁରୋଧ କରାଯାଇଛି।                                    ଯୋଗାଯୋଗ ପାଇଁ ହେଲ୍ପଲାଇନ୍ ନମ୍ବର
ପରିବହନ ସମ୍ବନ୍ଧୀୟ ଯେକୌଣସି ସହାୟତା କିମ୍ବା ପଚରାଉଚରା ପାଇଁ ଓଏସ୍‌ଆର୍‌ଟିସି ପକ୍ଷରୁ ନିମ୍ନଲିଖିତ ନମ୍ବର ଜାରି କରାଯାଇଛି:
OSRTC ହେଲ୍ପଲାଇନ୍: ୯୫୫୬୮୧୩୩୯୨, ୯୩୪୮୯୦୭୪୪୩
ଲିଆଜନ୍ ଅଫିସର (Liaison Officer): ୯୯୩୮୪୬୭୯୮୭