କର୍ତ୍ତବ୍ୟ ରେ ଅବହେଳା : ନୂଆପଡ଼ାର ସହକାରୀ ଶିକ୍ଷକ ସୁରେଶ ଦୀପ ନିଲମ୍ବିତ।

ନୂଆପଡ଼ା -୨୬/୬- ନୂଆପଡ଼ା ଜିଲ୍ଲା ବୋଡେନ ବ୍ଲକ ଅନ୍ତର୍ଗତ ଗହୁରପଦର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ସୁରେଶ ଦୀପଙ୍କ ବିରୋଧରେ କଠୋର ଆଭିମୁଖ୍ୟ ଗ୍ରହଣ କରାଯାଇଛି। ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପ୍ରକ୍ରିୟା ବିଚାରାଧୀନ ଥିବାରୁ ତାଙ୍କୁ ଚାକିରିରୁ ନିଲମ୍ବନ କରାଯାଇଛି।
ବୋଡେନ ବ୍ଲକ ଶିକ୍ଷା ଅଧିକାରୀ ଙ୍କ ପକ୍ଷରୁ ଜାରି ୨୪ ଜୁନ ୨୦୨୬ ପତ୍ର ସଂଖ୍ୟା – ୧୬୪୪ ଅନୁଯାୟୀ , ସରକାରୀ ନିର୍ଦ୍ଦେଶନାମା ଅନୁଯାୟୀ, ଓଡ଼ିଶା ସିଭିଲ ସର୍ଭିସ (ଶ୍ରେଣୀକରଣ, ନିୟନ୍ତ୍ରଣ ଓ ଅପିଲ) ନିୟମାବଳୀ, ୧୯୬୨ର ଧାରା ୧୨(୧)(କ) ମୁତାବକ ଶ୍ରୀ ଦୀପଙ୍କୁ ତୁରନ୍ତ ପ୍ରଭାବରୁ କାର୍ଯ୍ୟରୁ ନିଲମ୍ବିତ କରାଯାଇଛି।
ମୁଖ୍ୟାଳୟ ପରିବର୍ତ୍ତନ ଓ ଜୀବିକା ଭତ୍ତା ।
ନିଲମ୍ବନ ଅବଧି ମଧ୍ୟରେ ଶ୍ରୀ ଦୀପଙ୍କ ମୁଖ୍ୟାଳୟ କୁ ବୋଡେନ ବ୍ଲକର ଲର୍କା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟକୁ ସ୍ଥାନାନ୍ତର କରାଯାଇଛି। ଏହି ସମୟ ମଧ୍ୟରେ ସେ ସକ୍ଷମ ଅଧିକାରୀଙ୍କ ପୂର୍ବାନୁମତି ବିନା ମୁଖ୍ୟାଳୟ ଛାଡ଼ି ବାହାରକୁ ଯାଇପାରିବେ ନାହିଁ ବୋଲି ସ୍ପଷ୍ଟ କରାଯାଇଛି। ତେବେ ଓଡ଼ିଶା ସର୍ଭିସ କୋଡ୍‌ର ପ୍ରଚଳିତ ନିୟମ ଅନୁସାରେ ନିଲମ୍ବନ ସମୟରେ ସେ ନିୟମିତ ଭାବେ ଜୀବିକା ଭତ୍ତା ପାଇବାକୁ ହକଦାର ହେବେ।
ଉଚ୍ଚ ପଦାଧିକାରୀଙ୍କୁ ଅବଗତ।
ଶିକ୍ଷା ବିଭାଗ ପକ୍ଷରୁ ଏହି କାର୍ଯ୍ୟାନୁଷ୍ଠାନ ସମ୍ପର୍କିତ ସରକାରୀ ନକଲକୁ ଆବଶ୍ୟକୀୟ ଅବଗତି ଓ ପରବର୍ତ୍ତୀ କାର୍ଯ୍ୟପନ୍ଥା ପାଇଁ ନୂଆପଡ଼ା ଜିଲ୍ଲା ଶିକ୍ଷା ଅଧିକାରୀ , ନୂଆପଡ଼ା ଜିଲ୍ଲାପାଳ ଏବଂ ପ୍ରାଥମିକ ଶିକ୍ଷା ନିର୍ଦ୍ଦେଶକଙ୍କ ନିକଟକୁ ପ୍ରେରଣ କରାଯାଇଛି।