ନୂଆପଡ଼ାରେ ଅବକାରୀ ବିଭାଗର ସମୀକ୍ଷା : ଚୋରା ମଦ ଆଡ୍ଡା ଉଚ୍ଛେଦ ପାଇଁ ଜିଲ୍ଲାପାଳଙ୍କ କଡ଼ା ନିର୍ଦ୍ଦେଶ।

ନୂଆପଡ଼ା -୧୧/୦୬- ନୂଆପଡ଼ା ଜିଲ୍ଲାରେ ବେଆଇନ ନିଶା କାରବାର ଏବଂ ଚୋରା ମଦ ବିକ୍ରି ବିରୋଧରେ ପ୍ରଶାସନ ପକ୍ଷରୁ ଆରମ୍ଭ ହୋଇଛି ଜୋରଦାର ଅଭିଯାନ। ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ଜିଲ୍ଲା ମୁଖ୍ୟାଳୟ ସମ୍ମିଳନୀ କକ୍ଷରେ ଅବକାରୀ ବିଭାଗର ଏକ ଗୁରୁତ୍ୱପୂର୍ଣ୍ଣ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାରୁ ଚୋରା ମଦ (ID Liquor) ର ସମ୍ପୂର୍ଣ୍ଣ ଉଚ୍ଛେଦ ପାଇଁ ଜିଲ୍ଲାପାଳ ଅଧିକାରୀମାନଙ୍କୁ ରୁକ୍ଷ ଆଭିମୁଖ୍ୟ ଗ୍ରହଣ କରିବାକୁ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି।
ଜିଲ୍ଲାପାଳଙ୍କ କଡ଼ା ଚେତାବନୀ – “ଜିଲ୍ଲାରେ ଚୋରା ମଦ ବିକ୍ରି ହେଉଥିବା ସମସ୍ତ ଆଡ୍ଡାକୁ ଚିହ୍ନଟ କରି ତୁରନ୍ତ ଉଚ୍ଛେଦ କରାଯାଉ ଏବଂ ଏଥିରେ ସମ୍ପୃକ୍ତ ଥିବା ମାଫିଆମାନଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।”
ଅବକାରୀ ବିଭାଗର ବଡ଼ ସଫଳତା (ମେ ମାସ ସୁଦ୍ଧା ରିପୋର୍ଟ)-
ବୈଠକ ପ୍ରାରମ୍ଭରେ ଜିଲ୍ଲା ଅବକାରୀ ଅଧୀକ୍ଷକ ସଂଘମିତ୍ରା ପ୍ରଧାନ ସମସ୍ତଙ୍କୁ ସ୍ୱାଗତ କରିବା ସହ ଚଳିତ ଆର୍ଥିକ ବର୍ଷର ମେ ମାସ ସୁଦ୍ଧା ହୋଇଥିବା ଚଢ଼ାଉ ଓ ଜବତ ସାମଗ୍ରୀର ଏକ ଚିତ୍ତାକର୍ଷକ ପରିସଂଖ୍ୟାନ ଉପସ୍ଥାପନ କରିଥିଲେ।

ଜିଲ୍ଲାରେ IMFL ‘ଅଫ୍’ (ବିଦେଶୀ ମଦ) ଦୋକାନଗୁଡ଼ିକର ବନ୍ଦୋବସ୍ତ ପାଇଁ ଅବକାରୀ ବିଭାଗ ଦ୍ୱାରା ଆୟୋଜିତ ଲଟେରି ପ୍ରକ୍ରିୟା ଅତ୍ୟନ୍ତ ସ୍ୱଚ୍ଛ ଓ ସୁଚାରୁରୂପେ ସମ୍ପନ୍ନ ହୋଇଥିବାରୁ ଜିଲ୍ଲାପାଳ ବିଭାଗୀୟ ଅଧିକାରୀମାନଙ୍କୁ ଉଚ୍ଚ ପ୍ରଶଂସା କରିଥିଲେ।ଏହି ଉଚ୍ଚସ୍ତରୀୟ ବୈଠକରେ ଅବକାରୀ ନିରୀକ୍ଷକ ହୀରାବତୀ ଥାଟି, ସେକ୍ସନ ଅଫିସର ସୌମ୍ୟକାନ୍ତ ଓଟ୍ଟା, ଅବକାରୀ ଉପ-ନିରୀକ୍ଷକ ବୃନ୍ଦାବତୀ ଭୁଆ, ଅବକାରୀ ସହକାରୀ ଉପ-ନିରୀକ୍ଷକ ବଳଭଦ୍ର ରାଉତଙ୍କ ସମେତ ଅବକାରୀ ବିଭାଗର ସମସ୍ତ କ୍ଷେତ୍ରୀୟ ଅଧିକାରୀ ଉପସ୍ଥିତ ରହି ଆଗାମୀ ଦିନରେ କାର୍ଯ୍ୟାନୁଷ୍ଠାନକୁ ଆହୁରି ଜୋରଦାର କରିବାକୁ ପ୍ରତିଶ୍ରୁତି ଦେଇଛନ୍ତି।