ଖଡ଼ିଆଳ ଏନଏସି ପକ୍ଷରୁ ସହରାଞ୍ଚଳ ଜନସମ୍ପର୍କ ଓ ନାଗରିକ ଭାଗିଦାରିତା କାର୍ଯ୍ୟକ୍ରମ ଅନୁଷ୍ଠିତ।

ନୂଆପଡ଼ା- ୧୧/୦୬- ନୂଆପଡ଼ା ଜିଲ୍ଲା ଖଡ଼ିଆଳ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଏକ ସହରାଞ୍ଚଳ ଜନସମ୍ପର୍କ ଓ ନାଗରିକ ଭାଗିଦାରିତା ଶିବିର ସଫଳତାର ସହ ଅନୁଷ୍ଠିତ ହୋଇଯାଇଛି। ଖଡ଼ିଆଳ ସହର ର ୨ ନମ୍ବର ୱାର୍ଡସ୍ଥିତ ପବ୍ଲିକ ସ୍କୁଲ ସମ୍ମୁଖରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ଖଡ଼ିଆଳ ଏନଏସି ର କାର୍ଯ୍ୟନିର୍ବାହୀ ଅଧିକାରୀ (ଇଓ) ସ୍ୱାଧୀନ କେତନ ମହାରଣାଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ଶିବିର ରେ ସ୍ଥାନୀୟ ଲୋକଙ୍କ ବିଭିନ୍ନ ମୌଳିକ ସମସ୍ୟା ଓ ତାର ସ୍ଥାୟୀ ସମାଧାନ ଉପରେ ବିଶେଷ ଗୁରୁତ୍ୱ ଦିଆଯାଇଥିଲା। ଏଥିସହ ସରକାରଙ୍କ ବିଭିନ୍ନ ଜନ କଲ୍ୟାଣକାରୀ ଯୋଜନା ସମ୍ପର୍କ ରେ ଜନସାଧାରଣଙ୍କୁ ସଚେତନ କରାଯିବା ସହ ଏହାର ସୁଫଳ ନେବା ପାଇଁ ଅଧିକାରୀମାନେ ଆହ୍ୱାନ କରିଥିଲେ।
ସୂଚନାଯୋଗ୍ୟ ଯେ,  ଗତ ଜୁନ୍ ୧୦ ତାରିଖ ରୁ ଆରମ୍ଭ ହୋଇଥିବା ଏହି ସହରାଞ୍ଚଳ ଜନସମ୍ପର୍କ ଓ ନାଗରିକ ସହଭାଗିତ କାର୍ଯ୍ୟକ୍ରମ ଆସନ୍ତା ଜୁନ୍ ୨୩ ତାରିଖ ପର୍ଯ୍ୟନ୍ତ ଚାଲିବ। ନିଜ ନିଜ ଅଞ୍ଚଳର ଉନ୍ନତି, ସମସ୍ୟା ଏବଂ ସଂସ୍କାର ପାଇଁ ପ୍ରତ୍ୟେକ ନାଗରିକ ଏହି ଶିବିରରେ ସାମିଲ ହୋଇ ଗଠନମୂଳକ ପରାମର୍ଶ ଦେବାକୁ ପ୍ରଶାସନ ପକ୍ଷରୁ ବିନମ୍ର ଅନୁରୋଧ କରାଯାଇଛି।
ଏହି ଶିବିରରେ ବିଶେଷ କରି ସାମାଜିକ ସୁରକ୍ଷା ଭତ୍ତା ଯୋଜନାରେ ଦେଖାଦେଉଥିବା ବିଭିନ୍ନ ବୈଷୟିକ ଓ ପ୍ରଶାସନିକ ସମସ୍ୟା ସମ୍ପର୍କରେ ଆଲୋଚନା ହୋଇଥିଲା। ଏହି ସମସ୍ୟାଗୁଡ଼ିକର ତୁରନ୍ତ ସୁଧାର ଅଣାଯିବ ବୋଲି ବିଭାଗୀୟ ଅଧିକାରୀମାନେ ପ୍ରତିଶ୍ରୁତି ଦେଇଛନ୍ତି। କାର୍ଯ୍ୟକ୍ରମରେ ପ୍ରତ୍ୟେକ ନାଗରିକଙ୍କ ଉପସ୍ଥିତି ଏବଂ ସେମାନଙ୍କ ଅଭିଯୋଗକୁ ପ୍ରଶାସନ ପକ୍ଷରୁ ସର୍ବାଧିକ ପ୍ରାଥମିକତା ଦିଆଯାଇଥିଲା।