ନୂଆପଡ଼ା ଗସ୍ତରେ ପ୍ରମୁଖ ଶାସନ ସଚିବ ପ୍ରେମ ଚନ୍ଦ୍ର ଚୌଧରୀ : ବିକାଶ ପ୍ରକଳ୍ପର ସମୀକ୍ଷା ସହ ‘ସିଙ୍ଗଲ୍ ୟୁଜ୍ ପ୍ଲାଷ୍ଟିକ୍ ମୁକ୍ତ’ ଅଭିଯାନର ଭୂୟସୀ ପ୍ରଶଂସା।

ନୂଆପଡ଼ା -୨୮/୭- ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ବିଭାଗର କମିଶନର-ତଥା-ପ୍ରମୁଖ ଶାସନ ସଚିବ ଏବଂ ନୂଆପଡ଼ା ଜିଲ୍ଲାର ରାଜ୍ୟ ନୋଡ଼ାଲ ଅଧିକାରୀ ପ୍ରେମ ଚନ୍ଦ୍ର ଚୌଧରୀ ଦୁଇଦିନିଆ ନୂଆପଡ଼ା ଗସ୍ତ କରି ଜିଲ୍ଲାର ସାମଗ୍ରିକ ବିକାଶ ଓ ପ୍ରଶାସନିକ କାର୍ଯ୍ୟର ବିସ୍ତୃତ ସମୀକ୍ଷା କରିଛନ୍ତି। ସ୍ଥାନୀୟ ସଦ୍‌ଭାବନା ସଭାଗୃହରେ ଆୟୋଜିତ ଉଚ୍ଚସ୍ତରୀୟ ବୈଠକରେ ଜିଲ୍ଲାସ୍ତରୀୟ ଅଧିକାରୀମାନଙ୍କ ସହ ଆଲୋଚନା କରି ସେ ବିଭିନ୍ନ ଅଭିନବ ପଦକ୍ଷେପକୁ ଉଚ୍ଚ ପ୍ରଶଂସା କରିଛନ୍ତି।
‘ମିଶନ ନୂଆପଡ଼ା’ ଓ ୨୫ ଟି ଡ୍ରିମ୍ ପ୍ରକଳ୍ପ
ସମୀକ୍ଷା ବୈଠକରେ ‘ମିଶନ ନୂଆପଡ଼ା–ଫ୍ରମ୍ ଡ୍ରିମ୍ ଟୁ ରିଆଲିଟି’ ଅଧୀନରେ ଚିହ୍ନଟ ୨୫ଟି ଡ୍ରିମ୍ ପ୍ରକଳ୍ପର ଅଗ୍ରଗତି ଉପରେ ଆଲୋଚନା କରାଯାଇଥିଲା।
ବ୍ରିଜିଂ ନୂଆପଡ଼ା, ସାଲିହା ଗାନ୍ଧୀ ସ୍ମୃତିସ୍ଥଳୀ, ଖଡ଼ିଆର ଋଷିପୀଠ ପର୍ଯ୍ୟଟନ ବିକାଶ, ପ୍ଲାଷ୍ଟିକ ପ୍ୟାଲେଟାଇଜେସନ୍ ପ୍ରକଳ୍ପ ଏବଂ କଟନ୍ ଜିନିଂ ଆଣ୍ଡ ପ୍ରେସିଂ ମିଲ୍।
ବୈଜ୍ଞାନିକ ଦୃଷ୍ଟି କୋଣରେ ବିସ୍ତୃତ ପ୍ରକଳ୍ପ ପ୍ରତି ବେଦନ (ଡିପିଆର) ପ୍ରସ୍ତୁତ କରି କାର୍ଯ୍ୟକାରୀ କରିବାକୁ ସଚିବ ପରାମର୍ଶ ଦେଇଛନ୍ତି।
ଦେଶ-ବିଦେଶରେ ନୂଆପଡ଼ା ପ୍ଲାଷ୍ଟିକ୍ ମୁକ୍ତ ଅଭିଯାନର ମଡେଲ୍ । ଜିଲ୍ଲାପାଳ ମଧୁସୂଦନ ଦାଶ ସୂଚନା ଦେଇଥିଲେ ଯେ, ନୂଆପଡ଼ାର ସିଙ୍ଗଲ୍ ୟୁଜ୍ ପ୍ଲାଷ୍ଟିକ୍ ମୁକ୍ତ ଅଭିଯାନ। ୟୁନିସେଫ୍‌ର ସାଉଥ୍ ଏସିଆ ବୁଲେଟିନ୍‌ ରେ ସ୍ଥାନ ପାଇ ରାଜ୍ୟ ଓ ଦେଶ ପାଇଁ ଏକ ଅନୁକରଣୀୟ ମଡେଲ୍ ପାଲଟିଛି। ଶ୍ରୀ ଚୌଧରୀ ଏହି ପ୍ରୟାସକୁ ଆହୁରି ସୁଦୃଢ଼ କରିବାକୁ ନିର୍ଦ୍ଦେଶ ଦେଇଛନ୍ତି।ଜିଲ୍ଲା ପ୍ରଶାସନର ଅଭିନବ କାର୍ଯ୍ୟକ୍ରମ: ପ୍ରବାସ ନିରାକରଣ ପାଇଁ ୮୬ଟି ସଚେତନତା ଶିବିର, ‘ଝିଅ ପାଇଁ ଗଛଟିଏ’, ‘ଗର୍ଭସ୍ଥ ଶିଶୁ ପାଇଁ ଦିନଟିଏ’, ପ୍ରତି ସୋମବାର ପ୍ରାଣୀ ସ୍ୱାସ୍ଥ୍ୟ ଶିବିର, ‘ପକ୍ଷୀ ପାଇଁ ଦିନଟିଏ’ ଏବଂ ବରିଷ୍ଠ ନାଗରିକଙ୍କ ପାଇଁ ସ୍ୱାସ୍ଥ୍ୟ ଶିବିର ଆଦି ପଦକ୍ଷେପ ସମ୍ପର୍କରେ ଜିଲ୍ଲାପାଳ ଉପସ୍ଥାପନା କରିଥିଲେ।
ବିଭିନ୍ନ ସ୍ଥାନ କ୍ଷେତ୍ର ପରିଦର୍ଶନ ଓ ସମୀକ୍ଷା।
ଗସ୍ତ ସମୟରେ ପ୍ରମୁଖ ଶାସନ ସଚିବ ବିଭିନ୍ନ ଅଞ୍ଚଳ ଗସ୍ତ କରି କାର୍ଯ୍ୟର ତଦାରଖ କରିଥିଲେ।
ଡୁମେରପାଣି ଓ ଖୋକସାରେ ହିତାଧିକାରୀଙ୍କୁ ଭେଟି ବୈଜ୍ଞାନିକ ଚାରା ଚାଷ ଓ ‘ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା’ ମାଧ୍ୟମରେ ଡେରି ୟୁନିଟ୍ ସମ୍ପ୍ରସାରଣ ଉପରେ ଗୁରୁତ୍ୱ ଦେଇଥିଲେ।
ଓମଫେଡ୍ କ୍ଷୀର ସଂଗ୍ରହ କେନ୍ଦ୍ରରେ ମାନୁଆଲ୍ ବଦଳରେ ସମ୍ପୂର୍ଣ୍ଣ ସ୍ୱୟଂଚାଳିତ ଓ ସ୍ୱଚ୍ଛ ଦେୟ ପ୍ରଚଳନ ପାଇଁ ନିର୍ଦ୍ଦେଶ ଦେଇଥିଲେ।
ଜିଲ୍ଲା ପ୍ରାଣୀ ଚିକିତ୍ସାଳୟ ଓ ରୋଗ ନିର୍ଣ୍ଣୟ ପରୀକ୍ଷାଗାର ପରିଦର୍ଶନ କରି ଭିତ୍ତିଭୂମି ଉନ୍ନତି ଓ କ୍ଷେତ୍ରସ୍ତରରେ ଜନବଳ ଅଭାବ ପୂରଣର ଆଶ୍ୱାସନା ଦେଇଥିଲେ।
ସମରସିଂ ଗ୍ରାମପଞ୍ଚାୟତର ପନିପରିବା ଚାଷ, ବଞ୍ଜିବାହାଲ ସରକାରୀ ଉଚ୍ଚ ବିଦ୍ୟାଳୟ, ବୁଦ୍ଧି କୋମନାର ପିଆଜ ସଂରକ୍ଷଣ ଗୋଦାମ, କୋମନା ସି ଏଚ ସି ଏବଂ ତିଖାଲିସ୍ଥିତ ଲୋୟର ଇନ୍ଦ୍ର ପ୍ରକଳ୍ପର ଇକୋ-ଟୁରିଜିମ୍ କଟେଜ୍ ଓ ବିଜ୍ଞାନ ସଂଗ୍ରହାଳୟ।
ଏହି ବୈଠକରେ ଅତିରିକ୍ତ ଜିଲ୍ଲାପାଳ ସୁବାଷ ଚନ୍ଦ୍ର ରଇତ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ (ଜିଲ୍ଲା ପରିଷଦ) ଲମ୍ବୋଦର ଧରୁଆ, ଉପଜିଲ୍ଲାପାଳ ସୁର୍ମୀ ସୋରେନଙ୍କ ସମେତ ସମସ୍ତ ଜିଲ୍ଲାସ୍ତରୀୟ ଅଧିକାରୀ ଉପସ୍ଥିତ ଥିଲେ।