ନୂଆପଡ଼ା ଜିଲ୍ଲାରେ ସ୍ୱତନ୍ତ୍ର ସଘନ ସଂଶୋଧନ-୨୦୨୬ କାର୍ଯ୍ୟକ୍ରମ ର ସମୀକ୍ଷା କଲେ ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ।

ନୂଆପଡ଼ା -୨୮/୭- ଓଡ଼ିଶାର ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ଗୋପୀନାଥ କୁଅଁର ସୋମବାର ନୂଆପଡ଼ା ଜିଲ୍ଲା ଗସ୍ତ କରି ସ୍ୱତନ୍ତ୍ର ସଘନ ସଂଶୋଧନ -୨୦୨୬ (ଏସଆଇଆର -୨୦୨୬) କାର୍ଯ୍ୟକ୍ରମର ଅଗ୍ରଗତି ସମ୍ପର୍କରେ ଏକ ସୁଚିନ୍ତିତ ସମୀକ୍ଷା କରିଛନ୍ତି।
ଶୁଣାଣି କେନ୍ଦ୍ର ପରିଦର୍ଶନ ଓ ସ୍ଥିତି ଅନୁଧ୍ୟାନ ଗସ୍ତ ସମୟରେ ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ ନୂଆପଡ଼ା ବ୍ଲକ ଅଧୀନସ୍ଥ ଆମାନର ଗ୍ରାମପଞ୍ଚାୟତ କାର୍ଯ୍ୟାଳୟ ରେ ଅନୁଷ୍ଠିତ ଶୁଣାଣି ସ୍ଥଳ ପରିଦର୍ଶନ କରିଥିଲେ। ସେଠାରେ ସେ ଶୁଣାଣି ପ୍ରକ୍ରିୟାର ପ୍ରତ୍ୟକ୍ଷ ତଦାରଖ କରିବା ସହ :
ସହକାରୀ ନିର୍ବାଚନ ପଞ୍ଜୀକରଣ ଅଧିକାରୀ (AERO)
ନିର୍ବାଚନ ଅଧିକାରୀ
ବୁଥ୍ ସ୍ତରୀୟ ଅଧିକାରୀ (ବିଏଲଓ)
ଏବଂ ଉପସ୍ଥିତ ମତଦାତାମାନଙ୍କ ସହ ସାକ୍ଷାତ କରି ଆଲୋଚନା କରିଥିଲେ।
ଶୁଣାଣି ପ୍ରକ୍ରିୟାର ସ୍ୱଚ୍ଛତା, ଗୁଣାତ୍ମକ ମାନ ଏବଂ କାର୍ଯ୍ୟକାରିତା ଉପରେ ସେ ବିଶେଷ ଧ୍ୟାନ ଦେଇଥିଲେ।
ଏହାପରେ ଏକ ଉଚ୍ଚ ସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଜିଲ୍ଲାର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।
ମଧୁସୂଦନ ଦାଶ ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ,
ସୁର୍ମୀ ସୋରେନ ଉପଜିଲ୍ଲାପାଳ-ତଥା ଇଆରଓ (୭୧ ନୂଆପଡ଼ା ବିଧାନସଭା ନିର୍ବାଚନମଣ୍ଡଳୀ), ସୁବାଷ ଚନ୍ଦ୍ର ରଇତ ଅତିରିକ୍ତ ଜିଲ୍ଲାପାଳ -ତଥା-ଇ ଆର ଓ (୭୨ ଖଡ଼ିଆର ବିଧାନସଭା ନିର୍ବାଚନମଣ୍ଡଳୀ), ଶେଖ ନସିମ ଡେପୁଟି ଜିଲ୍ଲାପାଳ (ନିର୍ବାଚନ),
ଏହି ବୈଠକରେ ସ୍ୱତନ୍ତ୍ର ସଘନ ସଂଶୋଧନ କାର୍ଯ୍ୟକ୍ରମର ଅଗ୍ରଗତି ସହ ନୋଟିସ୍‌ ଗୁଡ଼ିକର ଅନ୍‌ଲାଇନ୍‌ ଫଇସଲା ପ୍ରକ୍ରିୟା ର ସମୀକ୍ଷା କରାଯାଇଥିଲା। ଭାରତ ନିର୍ବାଚନ ଆୟୋଗଙ୍କ ନିର୍ଦ୍ଦେଶାବଳୀ ଅନୁଯାୟୀ ସମସ୍ତ ନୋଟିସ୍‌ର ସମୟୋପଯୋଗୀ, ସ୍ୱଚ୍ଛ ଏବଂ ନିର୍ଭୁଲ ଫଇସଲା ସୁନିଶ୍ଚିତ କରିବାକୁ ଶ୍ରୀ କୁଅଁର ପରାମର୍ଶ ଦେଇଥିଲେ।
ନିର୍ଭୁଲ ଓ ନାଗରିକ-କୈନ୍ଦ୍ରିକ ସେବା ଉପରେ ଗୁରୁତ୍ୱ। “ସ୍ୱତନ୍ତ୍ର ସଘନ ସଂଶୋଧନ-୨୦୨୬ କାର୍ଯ୍ୟକ୍ରମର ସଫଳ ରୂପାୟନ ପାଇଁ ପ୍ରତ୍ୟେକ ସ୍ତରରେ ନିର୍ଭୁଲତା, କାର୍ଯ୍ୟଦକ୍ଷତା ଏବଂ ନାଗରିକ-କୈନ୍ଦ୍ରିକ ସେବାକୁ ସର୍ବାଧିକ ଗୁରୁତ୍ୱ ଦେବା ଆବଶ୍ୟକ।”
ଗୋପୀନାଥ କୁଅଁର, ଯୁଗ୍ମ ମୁଖ୍ୟ ନିର୍ବାଚନ ଅଧିକାରୀ।
ମତଦାତାଙ୍କ ସୁବିଧା ଓ ନିର୍ବାଚନ ପ୍ରକ୍ରିୟାର ବିଶ୍ୱସନୀୟତାକୁ ଆଖିଆଗରେ ରଖି ସମସ୍ତ କାର୍ଯ୍ୟ ଯଥାନିୟମ ଓ ସ୍ୱଚ୍ଛତାର ସହ ସମ୍ପନ୍ନ କରିବାକୁ ସେ ସମସ୍ତ ଅଧିକାରୀଙ୍କୁ ଆହ୍ୱାନ ଜଣାଇଛନ୍ତି।