ନୂଆପଡ଼ା ଜିଲ୍ଲା କଂଗ୍ରେସରେ ନୂତନ ଉତ୍ସାହ : ନୂତନ ସଭାପତି ଡ଼. ଅଙ୍କିତ ସିଂଘାଇ ଙ୍କୁ ଭବ୍ୟ ସ୍ୱାଗତ ଓ ଶୁଭେଚ୍ଛା।

ନୂଆପଡ଼ା – ୧୨/୦୯- ନୂଆପଡ଼ା ଜିଲ୍ଲା କଂଗ୍ରେସ କମିଟିର ନୂତନ ସଭାପତି ଭାବେ ଦାୟିତ୍ୱ ଗ୍ରହଣ କରିଥିବା ଯୁବନେତା ଡ଼. ଅଙ୍କିତ ସିଂଘାଇଙ୍କୁ ଜିଲ୍ଲାର ପ୍ରମୁଖ ନେତୃବୃନ୍ଦ ଏବଂ କର୍ମକର୍ତ୍ତାମାନେ ଏକ ସୌଜନ୍ୟମୂଳକ ସାକ୍ଷାତ କରି ଭବ୍ୟ ସ୍ୱାଗତ ଜଣାଇଛନ୍ତି। ଏହି ଅବସରରେ ତାଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇବା ସହ ଉଜ୍ଜ୍ୱଳ ଭବିଷ୍ୟତ ପାଇଁ କାମନା କରାଯାଇଛି। ଡ଼. ସିଂଘାଇଙ୍କ ଏହି ଯୁବ ନେତୃତ୍ୱ ନୂଆପଡ଼ା ଜିଲ୍ଲା କଂଗ୍ରେସରେ ଏକ ନୂତନ ଉତ୍ସାହ, ଶକ୍ତି ଓ ଆଶାର ସଞ୍ଚାର କରିଛି। ତାଙ୍କର ଦକ୍ଷ ଓ ଗତିଶୀଳ ନେତୃତ୍ୱରେ ଆଗାମୀ ଦିନରେ ଦଳୀୟ ସଂଗଠନ ଆହୁରି ଅଧିକ ସୁଦୃଢ଼ ହେବା ସହ ଜନସେବାରେ ଏକ ନୂତନ ଅଧ୍ୟାୟ ସୃଷ୍ଟି ହେବ ବୋଲି ସମସ୍ତେ ଦୃଢ଼ ଆଶା ପୋଷଣ କରିଛନ୍ତି।
ସାକ୍ଷାତ କରିଥିବା ପ୍ରମୁଖ ବ୍ୟକ୍ତିବିଶେଷ:
🔷 ଭରତ ରାଉତ – ଜିଲ୍ଲା ଉପସଭାପତି
🔷 ବିରଞ୍ଚି ବାଗ – ଜିଲ୍ଲା ଉପସଭାପତି
🔷 ଭକ୍ତ ଶବର – ଜିଲ୍ଲା ଏସ୍‌ଟି ସେଲ୍‌ ଅଧ୍ୟକ୍ଷ ତଥା କୋମନା ବ୍ଲକର ପୂର୍ବତନ ସଭାପତି
🔷 ମହେଶ ନିଆଲ – ନୂଆପଡ଼ା ଏନ୍‌ଏସି ନଗର ସଭାପତି
🔷 ଇଶାକ ମହମ୍ମଦ – କୃଷକ ସେଲ୍‌ ଅଧ୍ୟକ୍ଷ
🔷 ଅମିତ ଅହୀର – ଜିଲ୍ଲା ଯୁବ କଂଗ୍ରେସ ସଭାପତି
🔷 ଅଭିଷେକ ଜଗତ – ମହାସଚିବ, ପ୍ରଦେଶ ଯୁବ କଂଗ୍ରେସ
🔷 ସନ୍ତୋଷ ସଗରିଆ – ଉଦ୍ୟାନବନ୍ଧର ଯୁବ ନେତା
🔷 ହୋମସିଂ ମାଝୀ – ବରିଷ୍ଠ ଆଦିବାସୀ ନେତା
🔷 ଲକି ଚନ୍ଦ୍ରାକର – ବ୍ଲକ୍ ସଭାପତି
🔷 ମହମ୍ମଦ ଭାଇ, ଆସିଫ ବେଗ ଓ କୁଲଦୀପ ଭାଇ – ବରିଷ୍ଠ ନେତାବୃନ୍ଦ।
ଏହି ବୈଠକ ଓ ସାକ୍ଷାତ ଆଲୋଚନାରେ ବହୁ ସଂଖ୍ୟାରେ ଯୁବ କଂଗ୍ରେସ କର୍ମୀ ଓ ଅନ୍ୟାନ୍ୟ କାର୍ଯ୍ୟକର୍ତ୍ତାମାନେ ମଧ୍ୟ ଉପସ୍ଥିତ ରହି ନୂତନ ସଭାପତିଙ୍କୁ ସମର୍ଥନ ଓ ସହଯୋଗର ପ୍ରତିଶ୍ରୁତି ଦେଇଛନ୍ତି।