Home ରାଜ୍ୟନୂଆପଡ଼ା ଜିଲ୍ଲା ସଡ଼କ ସୁରକ୍ଷା କମିଟି ବୈଠକ : ମେ ୬ ରୁ ଜିଲ୍ଲାରେ ଖୋଲିବ ୧୦ ଟି ‘ହେଲମେଟ୍ ହବ୍’।

ନୂଆପଡ଼ା ଜିଲ୍ଲା ସଡ଼କ ସୁରକ୍ଷା କମିଟି ବୈଠକ : ମେ ୬ ରୁ ଜିଲ୍ଲାରେ ଖୋଲିବ ୧୦ ଟି ‘ହେଲମେଟ୍ ହବ୍’।

by Maraguda Express
0 comments
ନୂଆପଡ଼ା -୨୨/୪- ନୂଆପଡ଼ା ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଆଜି ଜିଲ୍ଲାପାଳଙ୍କ ଅଧ୍ୟକ୍ଷତାରେ ‘ଜିଲ୍ଲା ସଡ଼କ ସୁରକ୍ଷା କମିଟି’ର ମାସିକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାରେ ଦୁର୍ଘଟଣା ରୋକିବା ଏବଂ ଟ୍ରାଫିକ ବ୍ୟବସ୍ଥାକୁ ସୁଦୃଢ଼ କରିବା ପାଇଁ ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।
ରାଜପଥରେ ଯାତ୍ରୀଙ୍କ ସୁରକ୍ଷାକୁ ପ୍ରାଥମିକତା ଦେଇ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ନିମ୍ନଲିଖିତ କାର୍ଯ୍ୟ ତୁରନ୍ତ ସମ୍ପାଦନ ପାଇଁ ନିର୍ଦ୍ଦେଶ ଦେଇଛନ୍ତି ।
ବେଗ ନିରୋଧକ ସ୍ଥାପନ । ଏକତା ଛକ, ଭେରା ଛକ, ଗାୟତ୍ରୀ ମନ୍ଦିର ଛକ ଓ ସିର୍ତ୍ତୋଲ ଗ୍ରାମ ଛକ ପରି ସମ୍ବେଦନଶୀଳ ସ୍ଥାନଗୁଡ଼ିକରେ ବେଗ ନିରୋଧକ (Speed Breakers) ନିର୍ମାଣ କରାଯିବ।
ଦୃଶ୍ୟମାନ ସଂକେତ ସ୍ଥାପନ । ସମସ୍ତ ବେଗ ନିରୋଧକରେ ସ୍ପଷ୍ଟ ଦୃଶ୍ୟମାନ ଧଳା ରଙ୍ଗର ପେଣ୍ଟିଂ ସହ ଜାତୀୟ ରାଜପଥରେ ଯଥେଷ୍ଟ ସଡ଼କ ସୁରକ୍ଷା ସଂକେତ ବୋର୍ଡ ଲଗାଇବାକୁ ନିର୍ଦ୍ଦେଶ ଦିଆଯାଇଛି।
ଯାତ୍ରୀଙ୍କ ପାଇଁ ସେଡ୍ ନିର୍ମାଣ। ଏକତା ଛକ ଓ ରେଲୱେ ଫାଟକ ନିକଟରେ ପ୍ରବଳ ଖରାକୁ ଦୃଷ୍ଟିରେ ରଖି ଯାତ୍ରୀଙ୍କ ପାଇଁ ପ୍ରତୀକ୍ଷାଳୟ ବା ସେଡ୍ ନିର୍ମାଣ କରାଯିବ।
‘ହେଲମେଟ୍ ହବ୍’ ଓ ନୂତନ ନିୟମ ର କାର୍ଯ୍ୟକାରିତା।
ଜିଲ୍ଲାରେ ହେଲମେଟ୍ ବ୍ୟବହାରକୁ ପ୍ରୋତ୍ସାହିତ କରିବା ପାଇଁ ଆସନ୍ତା ମେ ମାସ ୬ ତାରିଖରୁ ୧୦ଟି ‘ହେଲମେଟ୍ ହବ୍’ ଶୁଭାରମ୍ଭ ହେବାକୁ ଯାଉଛି। ଏ ସମ୍ପର୍କିତ ବିସ୍ତୃତ ସୂଚନା ଏପ୍ରିଲ ୨୮ ତାରିଖ ପରେ ସାର୍ବଜନୀନ କରାଯିବ।
ସମସ୍ତ ସରକାରୀ ଓ ବେସରକାରୀ କର୍ମଚାରୀଙ୍କ ପାଇଁ ହେଲମେଟ୍ ପିନ୍ଧିବା ବାଧ୍ୟତାମୂଳକ କରାଯାଇଛି। କାର୍ଯ୍ୟାଳୟର ମୁଖ୍ୟମାନେ ଏହି ନିୟମ ପାଳନ ସମ୍ପର୍କରେ ପ୍ରତିମାସରେ ଜିଲ୍ଲାପାଳଙ୍କୁ ରିପୋର୍ଟ ପ୍ରଦାନ କରିବେ। ଏଥିସହ “ହେଲମେଟ୍ ନାହିଁ ତ ପେଟ୍ରୋଲ ନାହିଁ” ନିୟମକୁ କଡ଼ାକଡ଼ି କରିବାକୁ ଜିଲ୍ଲାପାଳ ଶକ୍ତ ନିର୍ଦ୍ଦେଶ ଦେଇଛନ୍ତି।
ସମ୍ମାନିତ ହେଲେ ସମାଜସେବୀ ଓ ‘ଗୁଡ୍ ସାମାରିଟାନ’
ଏହି ଅବସରରେ ଜିଲ୍ଲା ପ୍ରଶାସନ ପକ୍ଷରୁ ସଡ଼କ ସୁରକ୍ଷା କ୍ଷେତ୍ରରେ ସହଯୋଗ କରିଥିବା ବ୍ୟକ୍ତିବିଶେଷଙ୍କୁ ସମ୍ମାନିତ କରାଯାଇଥିଲା:
ଏସବିଆଇ ମୁଖ୍ୟ ପରିଚାଳକ ଲିଙ୍କନ ଦାସ ୫୦ ଗୋଟି ହେଲମେଟ୍ ଦାନ କରିଥିବାରୁ ତାଙ୍କୁ ସମ୍ମାନିତ କରାଯାଇଥିଲା।
ଗୁଡ୍ ସାମାରିଟାନ ଖରିଆର ରୋଡ଼ ନଗର ମନୋଜ ଡାଗା ଓ ସଂଜୁ ସୋନି ଙ୍କୁ ଦୁର୍ଘଟଣା ସମୟ ରେ ସହାୟତା ପାଇଁ ପ୍ରମାଣପତ୍ର, ଉପଢୌକନ ଓ ଦୁଇ ହଜାର ଟଙ୍କାର ପ୍ରୋତ୍ସାହନ ରାଶି ପ୍ରଦାନ କରାଯାଇଛି।
ଏହି ବୈଠକରେ ଜିଲ୍ଲାର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ରହି ସଡ଼କ ସୁରକ୍ଷା ନିୟମ ପାଳନ ଉପରେ ଗୁରୁତ୍ୱାରୋପ କରିଥିଲେ।

You may also like

Leave a Comment

Maraguda Express is a dynamic and reliable digital news platform committed to delivering fast, accurate, and unbiased news to the people. Rooted in journalistic integrity, Maraguda Express covers a wide range of topics including breaking news, politics, current affairs, development, culture, and regional issues, with a special focus on the voice of local communities

Edtior's Picks

Latest Articles

All Right Reserved. Designed and Developed by Web Odisha