ବୋଡ଼େନ – ୧୫/୦୪ (ଜଗତରାମ ଦଣ୍ଡସେନା) ଶ୍ରୀଜଗନ୍ନାଥଙ୍କ ଦର୍ଶନ ସାରି ପୁରୀରୁ ପଦଯାତ୍ରାରେ ନିଜ ଭିଟାମାଟିକୁ ଫେରିଛନ୍ତି ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଜଣେ ନିଷ୍ଠାପର ଭକ୍ତ। ଦୀର୍ଘ ଏକ ମାସର କଷ୍ଟସାଧ୍ୟ ପଦଯାତ୍ରା ପରେ ଖଇରା ପଞ୍ଚାୟତ ଅନ୍ତର୍ଗତ ଦାବେରୀ ଗ୍ରାମର ତେଜେଶ୍ୱର ହଂସ ସ୍ୱଗ୍ରାମରେ ପହଞ୍ଚିବା ପରେ ତାଙ୍କୁ ଗ୍ରାମବାସୀଙ୍କ ପକ୍ଷରୁ ଅଦ୍ଭୁତପୂର୍ବ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଶ୍ରୀକ୍ଷେତ୍ରରୁ ଦାବେରୀ ପର୍ଯ୍ୟନ୍ତ ଦୀର୍ଘ ପଥକୁ ତେଜେଶ୍ୱର ପାଦରେ ଚାଲି ଚାଲି ଅତିକ୍ରମ କରିଥିଲେ। ତେଜେଶ୍ୱର ଗାଁରେ ପହଞ୍ଚିବା ପରେ ଏକ ପ୍ରକାର ଉତ୍ସବମୁଖର ପରିବେଶ ସୃଷ୍ଟି ହୋଇଥିଲା। ସଂକୀର୍ତ୍ତନ ଓ ପୁଷ୍ପଗୁଚ୍ଛ ଦେଇ ଗ୍ରାମବାସୀ ତାଙ୍କୁ ପାଛୋଟି ନେଇଥିଲେ।
