ବାବା ପାତାଲେଶ୍ୱର ଜୋନ୍ ସ୍ତରୀୟ କ୍ରୀଡ଼ା ମହୋତ୍ସବ ଅନୁଷ୍ଠିତ: ୪୦୦ରୁ ଊର୍ଦ୍ଧ୍ୱ ପ୍ରତିଭାବାନ ଖେଳାଳିଙ୍କ କ୍ରୀଡ଼ା ନୈପୁଣ୍ୟ ପ୍ରଦର୍ଶନ।

ନୂଆପଡ଼ା-୦୯/୦୯- କ୍ରୀଡ଼ା ହିଁ ଯୁବପିଢ଼ିଙ୍କୁ ଶୃଙ୍ଖଳିତ ତଥା ଉତ୍ସାହୀ କରିଥାଏ। ଏହି ଆଭିମୁଖ୍ୟ ସହିତ ସ୍ଥାନୀୟ ବାବା ପାତାଲେଶ୍ୱର ଜୋନ୍ ସ୍ତରୀୟ କ୍ରୀଡ଼ା ଉତ୍ସବ ଓ ପ୍ରତିଯୋଗିତା ଅତ୍ୟନ୍ତ ଉତ୍ସାହ ଓ ଉଦ୍ଦୀପନା ମଧ୍ୟରେ ଅନୁଷ୍ଠିତ ହୋଇଯାଇଛି। ବିଭିନ୍ନ ବିଦ୍ୟାଳୟରୁ ଆସିଥିବା ୧୪ ବର୍ଷରୁ କମ୍ ଓ ୧୭ ବର୍ଷରୁ କମ୍ ବୟସ ବର୍ଗର ପ୍ରାୟ ୪୦୦ରୁ ଅଧିକ ଛାତ୍ରଛାତ୍ରୀ କବାଡି , ଖୋଖୋ, ଭଲିବଲ, ଫୁଟବଲ, ହକି, ଚେସ ଓ ବ୍ୟାଡମିଣ୍ଟନ ଖେଳରେ ଅଂଶଗ୍ରହଣ କରି ନିଜର ଉତ୍କୃଷ୍ଟ କ୍ରୀଡ଼ା କୌଶଳ ପ୍ରଦର୍ଶନ କରିଥିଲେ।
ଉଦ୍‌ଘାଟନି ସମାରୋହ
କାର୍ଯ୍ୟକ୍ରମର ଶୁଭାରମ୍ଭ ଅବସରରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ବିବେକାନନ୍ଦ ମହାନ୍ତି ଯୋଗଦେଇ କ୍ରୀଡ଼ାର ମହତ୍ତ୍ୱ ଉପରେ ଆଲୋକପାତ କରିଥିଲେ। ସ୍ୱତନ୍ତ୍ର ଅତିଥି ଭାବେ କ୍ରୀଡ଼ା ଶିକ୍ଷକ ନଟବର କ୍ଷତ୍ରୀ ଏବଂ ବିଦ୍ୟାଳୟର ପ୍ରଧାନ ଶିକ୍ଷକ ବାବୁଲାଲ ବରିହା ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିବା ସହ ଉତ୍ସବର ଶୁଭ ଉଦ୍‌ଘାଟନ କରିଥିଲେ।
ଉଦ୍‌ଯାପନୀ ଓ ପୁରସ୍କାର ବିତରଣ
ଉଦ୍‌ଯାପନୀ ସମାରୋହରେ କୋମନା ବ୍ଲକ୍ ଜେଆରସି (JRC) ସଂଯୋଜକ ମହତାବ ଗିରି, ବ୍ଲକ୍ କ୍ରୀଡ଼ା ସଂପାଦକ ଜଳପଦ୍ମ ପଣ୍ଡା, ଜୋନାଲ ସଂପାଦକ ଦେବାଶିଷ ଆଚାର୍ଯ୍ୟ ଏବଂ ବିଦ୍ୟାଳୟର ଜେଆରସି କାଉନସିଲର ଶଶି ପାତ୍ର ତାଣ୍ଡି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ।
ସମଗ୍ର କ୍ରୀଡ଼ା ପ୍ରତିଯୋଗିତାକୁ କୋମନା ବ୍ଲକ୍‌ର ଯୁବ କ୍ରୀଡ଼ା ଶିକ୍ଷକ:
* ଅପ୍ରମୟ ନାଗ
* ଦୁଷ୍ମନ୍ତ ଶବର
* ନବୀନ ମେହେର
* ଘନଶ୍ୟାମ ଭୋଇ
* ଶ୍ୟାମ ଧାରୁଆ
* ଶୋଭିତ କୁମାର ଭୋଇ
* ଗୌତମୀ ହୋତା
* ଭରତ ଛେର୍କିଆ
* ଦେଓକୁମାର ସତ୍ନାମୀ
* ଚୈତନ୍ୟ ସାହୁ
* ସରୋଜ କୁମାର ପ୍ରଧାନ
ପ୍ରମୁଖ ଉପସ୍ଥିତ ରହି ନିଷ୍ଠାର ସହ ସୁଚାରୁରୂପେ ପରିଚାଳନା କରିଥିଲେ। ପରିଶେଷରେ ବ୍ଲକ୍ କ୍ରୀଡ଼ା ସଂପାଦକ ଜଳପଦ୍ମ ପଣ୍ଡା ଧନ୍ୟବାଦ ଅର୍ପଣ କରିଥିଲେ।