ବୋଡ଼େନ ରେ ବିଜେପିର ଗୁରୁତ୍ୱପୂର୍ଣ୍ଣ ମଣ୍ଡଳ ସ୍ତରୀୟ ବୈଠକ : ତୃଣମୂଳ ସ୍ତରରେ ସଂଗଠନକୁ ମଜବୁତ କରିବାକୁ ରଣନୀତି।

ନୂଆପଡ଼ା- ୬/୬-ନୂଆପଡ଼ା ଜିଲ୍ଲା ଖଡ଼ିଆଳ ବିଧାନସଭା ଅନ୍ତର୍ଗତ ବୋଡ଼େନ ବିଜେପି କାର୍ଯ୍ୟାଳୟ ଠାରେ  ଏକ ଗୁରୁତ୍ୱପୂର୍ଣ୍ଣ ମଣ୍ଡଳ ସ୍ତରୀୟ ପଦାଧିକାରୀ ବୈଠକ ଅନୁଷ୍ଠିତ ହୋଇଯାଇଛି। ପାତାଳଗଙ୍ଗା ମଣ୍ଡଳ ସଭାପତି ନୀଳାମ୍ବର ମେହେର ଙ୍କ ନେତୃତ୍ୱରେ ଆୟୋଜିତ ଏହି ବୈଠକରେ ଆଗାମୀ ଦିନର ଦଳୀୟ କାର୍ଯ୍ୟପନ୍ଥା ନେଇ ବ୍ୟାପକ ଆଲୋଚନା କରାଯାଇଛି।
ବୁଥ୍ ସ୍ତର ପର୍ଯ୍ୟନ୍ତ ପହଞ୍ଚିବ ସରକାରଙ୍କ ଜନ କଲ୍ୟାଣକାରୀ ଯୋଜନା।ଏହି ସାଂଗଠନିକ ବୈଠକରେ ବିଜେପି ଜିଲ୍ଲା ସାଧାରଣ ସମ୍ପାଦକ ଅଜିତ କିଶୋର ଚଲାନ ମୁଖ୍ୟ ଅତିଥି ଭାବେ ଉପସ୍ଥିତ ରହି ସମସ୍ତ କର୍ମକର୍ତ୍ତା ଓ ଦଳୀୟ କର୍ମୀଙ୍କ ସହ ଆଲୋଚନା କରିଥିଲେ। ସେ ନିଜ ବକ୍ତବ୍ୟରେ କହିଛନ୍ତି ଯେ, ଆଗାମୀ ଦିନରେ ମଣ୍ଡଳ ସ୍ତରରୁ ଆରମ୍ଭ କରି ପ୍ରତ୍ୟେକ ଶକ୍ତି କେନ୍ଦ୍ର ଓ ବୁଥ୍ ସ୍ତର ପର୍ଯ୍ୟନ୍ତ ସଂଗଠନକୁ ଅଧିକ କ୍ରିୟାଶୀଳ କରାଯିବ। “କେନ୍ଦ୍ର ସରକାରଙ୍କ ସଫଳତାର ୧୨ ବର୍ଷ ଏବଂ ରାଜ୍ୟ ସରକାରଙ୍କ ୨ ବର୍ଷ ପୂର୍ତ୍ତି ଅବସରରେ ସରକାରଙ୍କ ସମସ୍ତ ଜନ କଲ୍ୟାଣକାରୀ ଯୋଜନାକୁ ତୃଣମୂଳ ସ୍ତରର ସାଧାରଣ ଜନତାଙ୍କ ପାଖରେ ପହଞ୍ଚାଇବାକୁ ହେବ। ଏଥିପାଇଁ ଦାୟିତ୍ୱରେ ଥିବା ପ୍ରତ୍ୟେକ କର୍ମକର୍ତ୍ତାଙ୍କୁ ନିଷ୍ଠାର ସହ କାମ କରିବାକୁ ପଡ଼ିବ।” ବୋଲି
ଶ୍ରୀ ଚଲାନ, ଜିଲ୍ଲା ସାଧାରଣ ସମ୍ପାଦକ ଉପସ୍ଥିତ କାର୍ଯ୍ୟକର୍ତ୍ତା ଙ୍କୁ ଉତ୍ସାହିତ କରି କହିଥିଲେ।
ବୈଠକରେ ଦଳର କାର୍ଯ୍ୟସୂଚୀକୁ ଆଗକୁ ବଢ଼ାଇବା ପାଇଁ ମୁଖ୍ୟତଃ ତିନୋଟି ବଡ଼ ଦିଗ ଉପରେ ଗୁରୁତ୍ୱାରୋପ କରାଯାଇଛି।
ମନ୍ କି ବାତ୍ (Mann Ki Baat)- ପ୍ରତ୍ୟେକ ବୁଥ୍‌ରେ ଏହି କାର୍ଯ୍ୟକ୍ରମକୁ ସଫଳତାର ସହ ଆୟୋଜନ କରିବା।
ସ୍ୱତନ୍ତ୍ର ସଘନ ସଂଶୋଧନ (SIR) କାର୍ଯ୍ୟକ୍ରମ- ଏହାକୁ ସଠିକ୍ ଭାବେ ଲୋକଙ୍କ ପାଖରେ ପହଞ୍ଚାଇବା।
ସରକାରଙ୍କ ସଫଳତା ପ୍ରଚାର- କେନ୍ଦ୍ର ଓ ରାଜ୍ୟ ସରକାରଙ୍କ ବିକାଶମୂଳକ ଯୋଜନା ମାଧ୍ୟମରେ ଲୋକଙ୍କୁ ଦଳ ସହିତ ଯୋଡ଼ିବା।
ଏହି କାର୍ଯ୍ୟକ୍ରମରେ ବିଜେପିର ଅନେକ ବରିଷ୍ଠ ନେତା ଓ କର୍ମକର୍ତ୍ତା ସାମିଲ ହୋଇ ଦଳୀୟ ରଣନୀତି କୁ ସମର୍ଥନ ଜଣାଇଥିଲେ। ସେମାନଙ୍କ ମଧ୍ୟରେ ପୂର୍ବତନ ଜିଲ୍ଲା ସଭାପତି ଅତିନ୍ଦ୍ର ଜିତ ସିଂହ ମଲ୍ଲିକ,ରାଜ୍ୟ ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ଲମ୍ବୋଦର ନିଆଲ, ଜିଲ୍ଲା ସମ୍ପାଦିକା ସଙ୍ଗୀତା ମାଝି ପୂର୍ବତନ ମଣ୍ଡଳ ସଭାପତି ବିଜୟ ବେହେରା ଏହା ସହିତ ମଣ୍ଡଳର ସମସ୍ତ ମୋର୍ଚ୍ଚା ସଭାପତି ଏବଂ ସମସ୍ତ ଶକ୍ତିକେନ୍ଦ୍ର ପ୍ରମୁଖ ଏହି ବୈଠକରେ ଉପସ୍ଥିତ ରହି ଆଗାମୀ ଦିନରେ ଦଳ ପାଇଁ ସଙ୍କଳ୍ପବଦ୍ଧ ହୋଇ କାର୍ଯ୍ୟ କରିବାକୁ ସହମତି ପ୍ରକାଶ କରିଥିଲେ।