ମିଲାଦ୍-ଉନ୍-ନବୀ ଅବସରରେ ଲଖନା ରେ ରକ୍ତଦାନ ଶିବିର : ସଂଗୃହୀତ ହେଲା ୪୨ ୟୁନିଟ୍ ରକ୍ତ।

ନୂଆପଡ଼ା -୨୬/୦୮- ପବିତ୍ର ୧୫୦୧ତମ ମିଲାଦ୍-ଉନ୍-ନବୀ ଅବସରରେ ଲଖନା ପଞ୍ଚାୟତ ପରିସର ରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜିତ ହୋଇଛି। ଲଖନା ସୁନ୍ନି ମୁସଲିମ୍ ଜମାତ୍ ପକ୍ଷରୁ ଆୟୋଜିତ ଏହି ମହତ୍ ଅଭିଯାନରେ ରକ୍ତ ଦାତାମାନେ ଉତ୍ସାହର ସହ ଯୋଗଦେଇ ମୋଟ ୪୨ ୟୁନିଟ୍ ରକ୍ତଦାନ କରିଛନ୍ତି।ରକ୍ତଦାନ ଭଳି ମାନବିକ ଓ ସେବାମୂଳକ କାର୍ଯ୍ୟ ମାଧ୍ୟମରେ ଆବଶ୍ୟକ ସମୟରେ ରୋଗୀଙ୍କ ଜୀବନ ରକ୍ଷାରେ ସହଯୋଗ କରିବା ଏହି ଶିବିରର ମୁଖ୍ୟ ଉଦ୍ଦେଶ୍ୟ ଥିଲା। ଶିବିରରେ ରକ୍ତଦାତାଙ୍କ ସହ ସ୍ୱେଚ୍ଛାସେବୀ, ମେଡିକାଲ୍ ଟିମ୍, ସମର୍ଥକ ଓ ଶୁଭେଚ୍ଛୁମାନେ ସହଯୋଗ କରିଥିଲେ।

ଆୟୋଜକଙ୍କ ପକ୍ଷରୁ ସମସ୍ତ ରକ୍ତଦାତାଙ୍କୁ ହୃଦୟରୁ କୃତଜ୍ଞତା ଜଣାଇବା ସହ ଏହି ମାନବିକ ପ୍ରୟାସରେ ସହଯୋଗ କରିଥିବା ସମସ୍ତଙ୍କୁ ଧନ୍ୟବାଦ ଦିଆଯାଇଛି। “ରକ୍ତଦାନ ହେଉଛି ମହାନ ଦାନ—ଏକ ୟୁନିଟ୍ ରକ୍ତ ଅନେକ ଜୀବନ ବଞ୍ଚାଇପାରେ” ବୋଲି ସଚେତନତା ବାର୍ତ୍ତା ଦିଆଯାଇଥିଲା।
ଉପରୋକ୍ତ ରକ୍ତଦାନ କାର୍ଯ୍ୟକ୍ରମ ରେ ବିଜେପି ଜିଲ୍ଲା ସାଧାରଣ ସମ୍ପାଦକ ଅଭିନନ୍ଦନ ପଣ୍ଡା ଯୋଗଦେଇ ସମସ୍ତଙ୍କୁ ସମ୍ବୋଧନ କରି ରକ୍ତଦାନ ର ମହତ୍ତ୍ଵ ଉପରେ ସାରଗର୍ଭ ବାର୍ତ୍ତା ଦେଇ ଉତ୍ସାହିତ କରିଥଲେ।
ଏହି ରକ୍ତଦାନ ଶିବିର ର ସଫଳତା ପଛରେ ସଭାପତି ସହେବାଜ ହୁସେନ, ସମ୍ପାଦକ ସରଫରାଜ ନୱାଜ, ଇମ୍ତିଆଜ ଭାଇ, ସବିର ହୁସେନ, ରଫିକ୍ ଭାଇ, ମୋହନ ବଞ୍ଚୋର, ଲଖନ ରାଉତ, ରଞ୍ଜିତ ବରିହା, ସୁଜିତ ସାହୁ ଓ କିଶୋର ପରିଡ଼ାଙ୍କ ସମେତ ଅନ୍ୟ ମେଡିକାଲ ସହଯୋଗୀମାନଙ୍କ ଭୂମିକା ରହିଥିଲା।
🩸 ମାନବିକତାର ବାର୍ତ୍ତା :
“ରକ୍ତ ଦିଅନ୍ତୁ, ଜୀବନ ବଞ୍ଚାନ୍ତୁ—ମାନବିକତାର ଏହି ମହାନ କାର୍ଯ୍ୟରେ ସମସ୍ତେ ଆଗେଇ ଆସନ୍ତୁ।”